Беслӕны трагедийы амӕттӕгтӕн нывонд фыдохы мадзӕлттӕ

Сӕдӕгай адӕм ӕрбацыдысты Цхинвалы центрмӕ Беслӕны трагедийы амӕттӕгты рухс нӕмттӕ ссарынмӕ

14
(ранӕуӕггонд 13:44 03.09.2020)
Хуссар Ирыстоны столицӕйы ацыд акци Беслӕны теракты амӕттӕгты фӕдыл фыдохы бон

ЦХИНВАЛ, 3 сен — Sputnik, Хъуылымбегты Зӕлинӕ. Фыдохы мадзал, кӕцы уыд нывонд Беслӕны трагедийы 16-ӕм афӕдзы бонӕн, ацыд абон Цхинвалы Театралон фӕзуатыл.

Акцийы хайад райстой республикӕйы цалдӕр сӕдӕ цӕрӕджы, сӕ нымӕцы республикӕйы къухдариуӕгад президент Бибылты Анатолийы сӕргълӕудӕй ӕмӕ горӕты скъолаты ахуыргӕнинӕгтӕ.

Траурные мероприятия в память о Бесланской трагедии
© Sputnik / Natalia Airiyan
Беслӕны трагедийы амӕттӕгтӕн нывонд фыдохы мадзӕлттӕ

Централон фӕзуатыл сарӕзтой мысӕн къул Беслӕны скъолайы теракты амӕттӕгты къамтимӕ. Уыдонӕн бафарстой сӕ нӕмттӕ, уый фӕстӕ арвмӕ суагътой 334 урс тымбылӕджы.

Траурные мероприятия в память о Бесланской трагедии
© Sputnik / Natalia Airiyan
Беслӕны трагедийы амӕттӕгтӕн нывонд фыдохы мадзӕлттӕ

Афтӕ ма Цхинвалы скъоладзаутӕ ӕмӕ цӕрджытӕ ӕрбахастой дон, хъазӕнтӕ, скъолайы ифтонггарз ӕмӕ дидинтӕ теракты амӕттӕгты мысӕнӕн.

Траурные мероприятия в память о Бесланской трагедии
© Sputnik / Natalia Airiyan
Беслӕны трагедийы амӕттӕгтӕн нывонд фыдохы мадзӕлттӕ

Ӕрӕмбырдуӕвджытӕ нал урӕдтой сӕ цӕссыгтӕ, диктортӕ куы райдыдтой фӕрсын ӕмдзӕвгӕтӕ Беслӕны теракты амӕттӕгты мысӕны фӕдыл.

"Уыцы бон, 1 сентябры, сӕдӕгай сывӕллӕтты удтӕ ацыдысты уӕларвмӕ. Уыдон уырдыгӕй кӕсынц махмӕ, цӕмӕй мах, хистӕртӕ, бавӕрӕм сабырдзинад, ӕмӕ цӕмӕй ахӕм трагеди макуыуал ӕрцӕуа", - загъта фыдохы акцийыл Паддзахадон аивӕдты Лицейы ахуыргӕнӕг Плиты Римма.

2004 азы 1 сентябры беслӕйнаг скъолайы спортивон залы ӕртӕ боны террористтӕ дардтой 1128 амынӕты. 3 сентябры 13.05 сахатыл скъолайы спортивон залы фехъуыст фыццаг бомбӕйы фехӕлд. Фӕмард 334 адӕймаджы, се хсӕнг 186 сывӕллоны, 800 адӕймагӕй фылдӕр та фӕцӕф сты.

Траурные мероприятия в память о Бесланской трагедии
© Sputnik / Natalia Airiyan
Беслӕны трагедийы амӕттӕгтӕн нывонд фыдохы мадзӕлттӕ
14
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

2
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

2
Коронавирус

Хуссар Иры сбӕрӕг кодтой коронавирусӕй 27 ног рынчыны

2
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2