Мыд

"Адджын армукъа": Хуссар Иры мыддарджытæ бавдисдзысты сæ продукци

64
(ранӕуӕггонд 10:08 04.09.2020)
Мыддарджыты ассоциацийы фæндмæ гæсгæ, æртæ боны дæргъы Цхинвалы цæудзæн мыды армукъа, рæстæгмæ базары уæлтæрхджыты уыдзæн дыууæ хуызы мыд Хуссар Иры алы къуымтæй æмæ мыддарды куысты продукттæ

ЦХИНВАЛ, 4 сен - Sputnik, Плиты Фатимæ. Хуссар Ирыстоны столицæйы æртæ боны дæргъы цæудзæн мыды армукъа. Ам бавдисдзысты мыддарды куысты аразгæ продукттæ æмæ майы æмæ дыккаг систы мыд, фехъусын кодта Sputnik ассоциацийы бындурæвæрæг Джиоты Феликс.

Мадзал æрфысым кæндзæн Цхинвалы Джиоты Аланы проспектыл уæвæг Уæрæсейы рæстдинон аргъуаны кувæндоны кæрт.

"Ӕртæ боны дæргъы цæудзæн армукъа - 18, 19 æмæ 20 сентябры, æнхъæлмæ кæсæм, ацы мадзалы хайад кӕй райсдзысты 30 мыддарæджы бæрц. Уæлтæрхджытыл уыдзæн мыддарды æппæт продукттæ æмæ мыды дыууæ хуызы Ирыстоны алы къуымтæй", - загъта Джиоты Феликс.

Уый ма радзырдта, Хуссар Иры у мыддарды куыстæн нывыл бынат æмæ фæсивæдмæ сиды, цæмæй ацы фадыгмæ се ʻргом аздахой.

Мыды армукъа Хуссар Ирыстоны мыддарджыты ассоциаци уадзы Цхинвалы районы администрациимæ иумæ. Армукъатæ æмæ равдысттæ ассоциаци уадзы ныр цыппæрæм хатт.

Хуссар Ирыстоны мыддарджыты нымӕц хизы 50 онг. Сӕ баиугонд саразы хӕрзаудӕн акцитæ дæр – æрвылаз баххуыс кæнынц Ленингоры сывӕллӕтты хӕдзарӕн æмæ зӕрӕдты хӕдзар "Забота"-йӕн.

64
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3