Цхинвалы рынчындон

Хуссар Иры сӕнӕниз коронавирусӕй фӕстаг рынчын

3
(ранӕуӕггонд 12:51 04.09.2020)
Иумӕйагӕй республикӕйы сбӕрӕг кодтой COVID-19-ӕй 90 фӕрынчынуӕвӕджы, уыдон иууылдӕр сӕнӕниз сты ӕмӕ сӕ рафыстой рынчындонӕй

ЦХИНВАЛ, 4 сен – Sputnik, Гӕбӕраты Элина. Хуссар Ирыстоны карантины сты 143 адӕймаджы, фехъусын кодта Sputnik сӕйраг санитарон дохтыры хӕдивӕг Гаглойты Анна.

Йӕ ныхӕстӕм гӕсгӕ, ивгъуыд суткӕйы ауагътой 25 тесты коронавирусы фӕдыл, уыдон иууылдӕр радтой ӕппӕрццаг фӕстиуджытӕ.

"Инфекцион хайадӕй рафыстой коронавирусӕй фӕстаг рынчыны. Медикты хъусдарды бын сты ӕмбӕстӕгтӕ, кӕцытӕ ӕрцыдысты республикӕмӕ Цӕгат Ирыстонӕй", - банысан кодта Гаглойты Анна.

Хуссар Ирыстоны дарддӕр ис ӕнӕмӕнг карантин ӕрцӕуӕггӕгтӕн. Изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон хъуамӕ радтой анализтӕ Цӕгат Ирыстоны ӕмӕ бавдисой уый фӕдыл справкӕтӕ.

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми. Коронавирусӕй фӕрынчын сты 23 милуан адӕймагӕй фылдӕр, 808 мин рынчынӕй фылдӕр амардысты.

3
Симд

Ансамблы ног сконд: "Симд" ратдзæн концерттæ Цхинвалы

0
(ранӕуӕггонд 15:18 28.09.2020)
Концертон нывæзты ис Кавказы адæмты кафтытæ. Алы номыры дæр архайдзæн 12 æмæ уымæй фылдæр къайы - се ʻхсæн ис артисттæ, кæцытæ стыр сценæмæ хизынц фыццаг хатт

ЦХИНВАЛ, 28 сен — Sputnik, Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" дæргъвæтин фæстиаты фæстæ ратдзæн концерттæ Цхинвалы, фехъусын кодта Sputnik ансамблы директор Гаглойты Кристина.

Уый банысан кодта, сфæлдыстадон къорды ралæудтæ кæй ацæудзысты столицæйы 24 æмæ 25 декабры.

"Сæйраг кафты коллективы ног сконд бавдисдзæн ирон аивады уарзджытæн ног нывæзт. Концертон нывæзты ис 19 номыры. Коллективы раз цы зындзинæдтæ ис, уыдон баст уыдысты карантинимæ. Артисттæн хуыд цæуынц костюмтæ фæсарæнты æмæ сын ныр фадат фæцис ныццæуын æмæ сæ фенын", - загъта директор.

Ансамбль, Гаглойты Кристинæйы ныхæстæм гæсгæ, активонæй йæхи цæттæ кæны ног скондæй кæсæджы раз фыццаг фæлварæнмæ.

"Бон фондз сахаты бæрц цæуынц репетицитæ. Концертон нывæзты ис Кавказы адæмты кафтытæ. Алы номыры дæр архайдзæн 12  æмæ уымæй фылдæр къайы. Се ʻхсæн ис артисттæ, кæцытæ стыр сценæмæ хизынц фыццаг хатт", - бафтыдта Гаглойты Кристина.

Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ивгъуыд аз фехъусын кодта реорганизацийы тыххæй. Уый фæлгæтты коллектив ногæй иста кафджыты, ивта хор æмæ оркестры сконд. Фæстæдæр къордæн фæзынд ног аивадон къухдариуæггæнæг дæр.

0
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2