ХИПУ

"Уӕ хӕслӕвӕрд у размӕ кӕнын республикӕ": ХИПУ райдыдта ног ахуырадон аз

4
(ранӕуӕггонд 15:09 04.09.2020)
Хуссар Ирыстоны паддзахадон университеты студенттӕн раарфӕ кӕнынмӕ ӕрбацыд президент Бибылты Анатолий дӕр

ЦХИНВАЛ, 4 сен - Sputnik. Цхинвалы ацыд бӕрӕгбонон ралӕуд Хуссар Ирыстоны паддзахадон университеты ног ахуырадон азы райдайӕны цытӕн. Мадзалы хайад райста президент Бибылты Анатолий дӕр, хъусын кӕны республикӕйы сӕргълӕууӕджы пресс-службӕ.

Мадзалы райдайӕны ссардтой Беслӕны трагедийы амӕттӕгты, ХИПУ кусджыты, кӕцытӕ амардысты фӕстаг аз, ӕмӕ Дзабиты Иналы рухс нӕмттӕ иу уысм ӕдзӕмӕй алӕугӕйӕ.

"Республикӕйы цы ‘рцыд, уый у трагеди махӕн алкӕмӕндӕр. Хъӕуы ауадзын барадхъахъхъӕнӕг органты реформӕ. Афтӕ ма хъӕуы раттын фадат Бибылты Анатолийӕн, цӕмӕй Дзабиты Иналы мӕлӕты азымджынты бафхӕрой законы фӕлгӕтты", - банысан кодта ХИПУ ректор Тедеты Вадим.

Афтӕ ма ректор загъта бузныг фыццагкурсонтӕн, ХИПУ кӕй равзӕрстой, уый тыххӕй.

"Мах ахуыргӕнджытимӕ иумӕ сараздзыстӕм алцыдӕр, цӕмӕй фондз азы фӕстӕ уагдонӕй рахизой квалификацигонд специалисттӕ. Уӕ хӕсслӕвӕрд у хорз ахуыр кӕнын ӕмӕ размӕ кӕнын республикӕ", - фехъусын кодта Тедеты Вадим.

Уымӕй дарддӕр Тедеты Вадим бахахх кодта, паддзахады сӕргълӕууӕджы фӕрцы кӕй фӕфылдӕр кодтой сӕрмагонд стипендитӕ студенттӕн.

Йӕ раныхасы Бибылты Анатолий банысан кодта, ахуыргӕнӕндон кӕй у республикӕйы сомбоны бындур.

"Ныры дуджы ӕнӕ зонындзинӕдтӕй нӕй гӕнӕн саразын иу къахдзӕф дӕр размӕ. Уыдон бӕрӕг кӕнынц куыд адӕймаджы, афтӕ паддзахады сомбон дӕр", - фехъусын кодта президент.

Дзабиты Иналы мӕлӕты тыххӕй Паддзахады сӕргълӕууӕг бахахх кодта, ацы фыдракӕндты азымджынты ӕнӕмӕнг кӕй бафхӕрдзысты.

Хуссар Ирыстоны паддзахадон университетмӕ ацы аз бацыд 862 студенты, афтӕмӕй фӕссауон хайадмӕ нырма дӕр исынц адӕмы.

4
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

2
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

2
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8