ХИПУ-йы ацыд Уæлахизы диктант

ХИПУ-йы ацыд "Уæлахизы диктант"

6
(ранӕуӕггонд 14:59 08.09.2020)
Ахуырадон уагдоны ацыд диктант, хæслæвæрд ныффыстой 40 адæймаджы бæрц, сæ нæмæцы фыццагкурсонтæ дæр

ЦХИНВАЛ, 8 сен – Sputnik, Хъуылымбегты Азæмæт. Дыццæджы Хуссар Ирыстоны паддзахадон университеты ацыд Россотрудничествойы хъæппæрисæй "Уӕлахизы диктант".

"Цалдæр хатт нæм ацыд диктанттæ уырыссаг æвзаг æмæ географийæ. Мах радтæм фæзуат, мадзал та ауадзы Россотрудничество",  - загъта Sputnik ХИПУ-йы кусæг Джиоты Циала.

Йæ ныхæстæм гæсгæ, æдæппæтæй диктант ныффыстой 40 адæймаджы бæрц, сæ нæмæцы фыццагкурсонтæ дæр.

"Акци ацыд æнтыстджынæй, мæ хъуыдымæ гæсгæ, уыдзæн йын хорз хатдзæгтæ", - бафтыдта уый.

"Уӕлахизы диктант" нывонд у Стыр Фыдыбӕстӕйон хӕсты цаутӕн.

  • ХИПУ-йы ацыд Уæлахизы диктант
    ХИПУ-йы ацыд "Уæлахизы диктант"
    © Sputnik / Natalia Airiyan
  • ХИПУ-йы ацыд Уæлахизы диктант
    ХИПУ-йы ацыд "Уæлахизы диктант"
    © Sputnik / Natalia Airiyan
  • ХИПУ-йы ацыд Уæлахизы диктант
    ХИПУ-йы ацыд "Уæлахизы диктант"
    © Sputnik / Natalia Airiyan
1 / 3
© Sputnik / Natalia Airiyan
ХИПУ-йы ацыд "Уæлахизы диктант"
6
Пухаты Эрик

Хуссар Иры президент йæ уынаффæгæнæгæй снысан кодта хицауады раздæры сæрдары

2
(ранӕуӕггонд 17:01 20.01.2021)
Ивгъуыд аз августы онг Пухаты Эрик куыста Хуссар Ирыстоны хицауады сæрдарæй. Цхинвалы æвзонг цæрæг Дзабиты Иналы мæлæты фæстæ уый ацыд отставкæйы

ЦХИНВАЛ, 20 янв - Sputnik. Хуссар Ирыстоны президент Бибылты Анатолий снысан кодта хицауады раздæры сæрдар Пухаты Эрикы йæ паддзахадон уынаффæгæнæгæй экономикон фарстыты фæдыл, фехъусын кодтой президенты администрацийы.

Эрик Георгийы фырт, кæцы 2017 азы маййæ 2020 азы августы онг лæууыд республикæйы хицауады сæргъ, раивта ацы бынаты Джуссойты Сосланы - уый президент ссæрибар кодта йæ куыстæй ивгъуыд аз декабры кæрон.

 

Биографион справкæ

Пухаты Эрик Георгийы фырт райгуырд 1957 азы 5 майы РХИ-ы Знауыры районы Схлиты хъæуы.

1982 азы каст фæцис Хуссар Ирыстоны паддзахадон педогогон институты "Математикæ æмæ физикæ"-йы факультет.

Фæллойадон архайды рæстæджы куыста Цхинвалы консерваразæн заводы, каст лекцитæ ХИПУ-ы.

2005 азы слæууыд РХИ Паддзахадон статистикæйы управленийы сæргъ.

2014 азы апрелы нысан æрцыд РХИ хицауады сæргълæууæджы хæдивæгæй.

Хорзӕхджын у Хуссар Ирыстоны майданӕй "Фӕллойады сгуыхтдзинад", Днестргӕрон Молдаваг республикӕйы майданӕй "Ӕхсӕнадӕмон ӕмгуыстады фидар кыныны тыххӕй".

Ис ын бинонтӕ, ӕртӕ хъӕбулы.

2
COVID-19

Хуссар Иры сбӕрӕг кодтой 37 ног рынчыны коронавирусӕй

4
(ранӕуӕггонд 16:10 20.01.2021)
Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты

ЦХИНВАЛ, 20 янв - Sputnik, Хъуылымбегты Зӕлинӕ. Хуссар Ирыстоны рынчындоны интенсивон терапийы хайады ис цыппар пациенты коронавирусимӕ, радзырдта Sputnik "Югосетпотребнадзор"-ы хистӕр Коцты Марина.

Хуссар Ирыстоны коронавирусы пандемийы райдианӕй сарӕзтой 14577 иртӕсты, уыдонӕй 2652 равдыстой тӕссаг инфекцион низы уӕвынад.

"Ивгъуыд суткӕйы сарӕзтӕуыд 132 тесты, уыдонӕй 37 адӕймагӕн разынд COVID-19", - загъта Коцты Марина.

Стационарон ӕмӕ амбулаторон хоскӕнынадыл республикӕйы сты 923 адӕймаджы, уыдонӕй 84 хос кӕнынц республикӕйы медицинон уагдӕтты.

Сӕйраг санитарон дохтыры ныхӕстӕм гӕсгӕ, Ленингоры рынчындоны коронавирусимӕ тох кӕнынц ӕхсӕз рынчыны, Къуаисайы та - авд.

4