Цхинвалы ацыд композитор Ӕлборты Феликсы мысæн изæр

Хуымæтæг гений: Цхинвалы ацыд композитор Ӕлборты Феликсы мысæн изæр

51
(ранӕуӕггонд 18:25 08.09.2020)
Йæ ахуыргæнинæгтæ æмкъласонтæ æмæ хæлæрттæ дзырдтой куыд бахъуыды кодтой гениалон композиторы æмæ цы лæггад бакодта ирон аивадæн уый

ЦХИНВАЛ, 8 сен – Sputnik, Плиты Фатимæ. Цхинвалы ацыд номдзыд ирон композитор, Ирыстоны гимны музыкӕйы автор Ӕлборты Шалвайы фырт Феликсы мысӕн изӕр "Чарующий музыкальный мир Феликса Алборова". 8 сентябры уый сӕмбӕлдаид йӕ 85 азы юбилейыл.

Ӕрӕмбырдуджытӕ дзырдтой сӕ мысиннӕгты Ӕлборты Феликсӕн йӕ куысты тыххӕй ансамбль "Симд"-ы, йӕ музыкалон уацтӕ куыд фыст цыдысты, куыд самал кодта орган Цхинвалӕн, куыд радта ном ансамбль "Симд"ӕн, куыд ӕмбаргӕ педагог уыд ӕмӕ фӕлмӕн гоймаг. Оркестр"Айзӕлд"-ы ӕххӕстӕй хъуыстысты йӕ ӕнӕмӕлгӕ мелодитӕ, уӕрӕх экраныл ӕвдыст цыдысты Ӕлборты Феликсӕн нывод кинонывӕй кадртӕ.

Мадзал бакодта культурӕйы министр Зассеты Жанна.

"Махӕн нӕ бон у сӕрыстрӕй зӕгъӕм, уый цард иу рӕстӕг махимӕ. Абон уый сӕрӕгас у нӕ цуры - раныхасты, уымӕн нывонд фильмты кадрты ӕмӕ йӕ ӕнӕмӕлгӕ музыкӕйы. Кӕддӕр мын Плиты Инал ӕнхъардта ӕндӕр бӕстӕты бафӕзмынын ӕмӕ бакӕнын чысыл уӕлфыст "Ам райгуырд ӕмӕ ӕнустӕм цӕры..."  йӕ уынгыл. Абон фӕсмон кӕнын кӕй нӕ бантыст саразын" ,- загъта уый.

Зассеты Жанна ма банысан кодта, уыдон кӕй фӕнд кӕнынц "Симд"-ы коллективимӕ саразын уымӕн нывонд изӕр фӕстӕдӕр.

  • Цхинвалы ацыд композитор Ӕлборты Феликсы мысæн изæр
    Цхинвалы ацыд композитор Ӕлборты Феликсы мысæн изæр
    © Sputnik / Natalia Airiyan
  • Цхинвалы ацыд композитор Ӕлборты Феликсы мысæн изæр
    Цхинвалы ацыд композитор Ӕлборты Феликсы мысæн изæр
    © Sputnik / Natalia Airiyan
  • Цхинвалы ацыд композитор Ӕлборты Феликсы мысæн изæр
    Цхинвалы ацыд композитор Ӕлборты Феликсы мысæн изæр
    © Sputnik / Natalia Airiyan
1 / 3
© Sputnik / Natalia Airiyan
Цхинвалы ацыд композитор Ӕлборты Феликсы мысæн изæр

Мадзалы рӕстӕджы цыбыр афӕлгӕсттӕ сарӕзтой йӕ цардвӕндагыл. Сӕ нымӕцы ахуыр Цхинвал ӕмӕ Тбилисы, музыкалон скъола куыст, ахуыргӕнӕндоны бындурӕврӕд, кӕцы абон хӕссы йӕ ном, ансамбль Симд"- ы аивадон къухдариуӕггӕнӕг ӕмӕ сӕйраг дирижерӕй куыст, кӕцы уый ракодта ног, хуыздӕр ӕмвӕзадмӕ - йӕ рӕстӕджы уый ансамбль ӕрзылд дӕсбонон гастрольтимӕ Мӕскуыйыл, уый радта бӕстӕйы кафт ӕмӕ зарды сӕйраг коллективӕн ном дӕр. Сӕ раныхасты ма дзырдтой  1990 азы уый кӕй ацыд Дзӕуджыхъӕумӕ.

"Цардӕй ма аззад муртӕ, кӕнинӕгтӕ та ис бирӕ" , - афтӕ йӕ рӕстӕджы ӕмбарын кодта йӕ ацыд цӕгатмӕ Ӕлборты Феликс.

Телефоны бастдзинады руаджы Мӕскуыйӕ йӕ ӕмкъласон ӕмӕ ӕмгары тыххӕй радзырдта Хуссар Ирыстоны автономон областы фыццаг нымӕрдар Санахъотӕ Феликс. Уый йӕ мысингты дзырдта куыд сӕм бахауд фыццаг фӕндыр ӕмӕ куыд самал кодтой Хуссар Ирыстонӕн орган. Культурӕйы министры ныхӕстӕм гӕсгӕ, абон Санахъоты Феликс ногӕй архайы, цӕмӕй Хуссар Ирыстонӕн самал кӕна орган. Зӕронд музыкалон инструмент парламенты бӕстыхайимӕ иумӕ фӕнык фестад 2008 азы хӕсты рӕстджы.

Цхинвалы музыкалон ахуыргӕнӕндоны директор Гӕджиты Жанна  та сарӕзта чысыл афӕлгӕст йӕ музыкалон бынтыл.

"Уый гениалон у йӕ музыкайӕ, фӕлӕ канд умӕй нӕ. Уый ӕмбырд кодта адӕмон сфӕлдыстадон, уыд хорз рацаразӕг - абон йӕ схуыдтаиккой дӕсны аранжировщик. У лирик музыкӕйы, уый йӕ уацты радӕтты ирон адӕмы ӕппӕт ахорӕнтӕ",- загъта Гӕджиты Жанна.

Мадзалы хайадисджытӕ дзырдтой куыд базонгӕ сты фыццаг хатт Ӕлборты Феликсимӕ, куыд разӕнгард кодта мадӕлон ӕвзаг сахуыр кӕнынмӕ, куыд цӕттӕ кодта варенье ӕмӕ куыд бахъуыды кодтой хуымӕтӕг генийы адӕм.

51
Чамоков Азӕмӕт

Бибылты Анатолий снысан кодта Хуссар Иры хицауады аппараты ног сӕргълӕууӕджы

1
(ранӕуӕггонд 11:47 20.01.2021)
Уый размӕ ацы бынаты авд азы дӕргъы куыста Гаглойты Олег, президент ӕй ссӕрибар кодта йӕ бынатӕй ивгъуыд аз декабры

ЦХИНВАЛ, 20 янв – Sputnik, Козаты Диана. Хуссар Ирыстоны хицауады аппараты ног сӕргълӕууӕг ссис Чамоков Азӕмӕт. Уый раивта ацы бынаты Гаглойты Олегы.

Хицауады рабадтыл президент Бибылты Анатолий фехъусын кодта, кӕй бафыста барамынд Чамоков Азӕмӕты снысан кӕныны фӕдыл.

"Чамоков Азӕмӕт бирӕ рӕстӕг кусы ацы фадыджы. Уый у хорз ахуырадимӕ адӕймаг", - загъта президент.

Чамоков Азӕмӕт загъта бузныг паддзахады сӕргълӕууӕгӕн ӕууӕнчы тыххӕй ӕмӕ банысан кодта, алцыдӕр кӕй араздзӕн йӕ хӕслӕвӕрдтӕ эффективонӕй ӕххӕст кӕныны тыххӕй.

Чамоков Азӕмӕт райгуырд 1986 азы Дзӕуджыхъӕуы. Иттӕг хорз нысӕнттимӕ каст фӕцис гимнази "Альбион" Цхинвалы.

2009 азы фӕцис Паддзахадон хӕххон аграрон университеты юриспруденцийы факультут.

2013 азӕй фӕстӕмӕ кусы Хуссар Ирыстоны хицауады аппараты. Уыд хицауады аппараты барадон хайады консультант, уый фӕстӕ та хъусдарды хайады хистӕр.

1
Коронавирус Хуссар Иры

Хуссар Иры хицауад рахицӕн кодта 6 милуан сомӕй фылдӕр медиктӕн фиддонтӕн

2
(ранӕуӕггонд 10:58 20.01.2021)
Фӕрӕзтӕ рахицӕн кодтой хицауад ӕмӕ президенты фӕстауӕрцон фондтӕй

ЦХИНВАЛ, 20 янв – Sputnik, Козаты Диана. Хуссар Ирыстоны хицауад аскъуыддзаг кодта рахицӕн кӕнын ӕхцайы фӕрӕзтӕ хицауады фӕстауӕрцон фондӕй РБМЦ кусджытӕн фиддонтӕ бафидыны фӕдыл коронавирусы ныхмӕ тохы тыххӕй.

Ӕнӕниздзинад хъахъхъӕнынады министрады бӕрӕггӕнӕнтӕм гӕсгӕ, медиктӕн фиддонтӕн хъӕуы рахицӕн кӕнын 6,5 милуан сомы. Фӕлӕ финансты министры хӕдивӕг Тыбылты Марина хицауады рабадтыл банысан кодта, бюджеты фӕдыл закон йӕ тыхы кӕй нӕ бацыд, уый фӕдыл ацы суммӕ нӕй гӕнӕн сисын уагдоны бюджетӕй.

"Уый фӕдыл мах банхъардтам рахицӕн кӕнын ацы суммӕйы хай хицауады фӕстауӕрцон фондӕй. Иннӕ хай та – президенты фондӕй. Хицауады фонды 12-ӕм хай – 5,7 милуан сомы, уыдонӕй хъӕуы рахицӕн кӕнын 5,5 милуан сомы, иннӕ хай та президенты фондӕй", - загъта Тыбылты Марина.

Президент Бибылты Анатолий йӕ хъус ӕрдардта къахдзӕфтӕм, кӕцытӕ хицауад хъуамӕ ӕххӕст кӕна, уымӕн ӕмӕ парламент нӕ ӕххӕст кӕны йӕ хӕслӕвӕрдтӕ.

"Мах бузныг дзурӕм медиктӕн сӕ хъайтардзинады тыххӕй. Ацы фиддонтӕ дӕр цъус сты, цӕмӕй сын саргъ кӕнӕм сӕ куыстӕн. Махӕн ацы ӕхцатӕ дӕр нӕ бон нӕу рахицӕн кӕнын, уымӕн ӕмӕ парламент нӕ райста ивындзинӕдтӕ фарон азы бюджетмӕ ӕмӕ ацы азы бюджет", - загъта президент.

Афтӕ ма, Бибылты Анатолий зӕрдыл ӕрбалӕууын кодта йӕ дзырдлӕвӕрд ссарын фӕрӕзтӕ медиктӕн фиддонтӕн, ӕмӕ банысан кодта, ахӕм фадат кӕй ис ӕрмӕстдӕр хицауад ӕмӕ президенты фӕстауӕрцон фондты руаджы.

Хуссар Ирыстоны парламент нӕ кусы 2020 азы сентябрӕй фӕстӕмӕ бойкоты тыххӕй, кӕцы расидтысты депутатты къорд, кӕцытӕ домынц генералон прокурор Дзӕгъиаты Уырызмӕджы отставкӕ.

2