Хуссар Ир ӕмӕ Венесуэлайы тырысатӕ

Медойты Дмитрий: Венесуэла ӕмӕ Хуссар Иры адӕмы иу кӕны уарзондзинад сӕрибардзинадмӕ

3
(ранӕуӕггонд 11:24 10.09.2020)
2009 азы 10 сентябры Венесуэлайы къухдариуӕгад банымадта Хуссар Ирыстоны хӕдбардзинад

ЦХИНВАЛ, 10 сен - Sputnik. Хуссар Ирыстоны адӕм 11 азы размӕ цингӕнгӕйӕ сӕмбӕлдысты Венесуэла бӕстӕйы хӕдбардзинад кӕй банымадта, уыцы ног хабарыл, фехъусын кодта фӕсарӕйнаг хъуыддӕгты министры хӕстӕ ӕххӕстгӕнӕг Медойты Дмитрий арфӕйы телы йӕ венесуэлаг коллегӕ Хорхе Альберто Арреаса Монсерратмӕ.

"Венесуэла ӕмӕ Хуссар Ирыстоны хсӕн ис мингай километртӕ, фӕлӕ нӕ адӕмы иу кӕны уарзондзинад сӕрибардзинадмӕ ӕмӕ райгуырӕн зӕххмӕ. Ацы рӕстӕгмӕ нӕ бӕстӕтӕты хсӕн фӕзынд фидар ӕхсӕнпаддзахадон ахастытӕ. Хуссар Ирыстоны алыхатт дӕр бузныг дзурдзысты Внесуэлайы къухдариуӕгад ӕмӕ адӕмӕн 11 азы дӕргъы нӕ бӕстӕйӕн кӕй ӕххуыс кӕнынц фидар кӕнын йӕ позицитӕ ӕхсӕнадӕмон аренӕйыл", - дзырдӕуы ФХМ сӕргълӕууӕджы арфӕйы телы.

Афтӕ ма Медойты Дмитрий фидарӕй загъта, Хуссар Ирыстон ӕмӕ Венесуэлайы ӕхсӕнпаддзахадон ахастытӕ дарддӕр кӕй райтынг уыдзысты.

2009 азы 10 сентябры команданте Уго Чавес фехъусын кодта, Боливарианаг Республикӕ Венесуэла кӕй банымадта Хуссар Ирыстоны хӕдбардзинад.

3
Цхинвалы райдайдзӕн авд уынджы капиталон цалцӕг

Цхинвалы райдайдзӕн авд уынджы капиталон цалцӕг

1
Республикӕйы столицӕйы ныридӕгӕн раивтой зӕххы бын коммуникациты 70 проценты, ӕввахс рӕстӕджы куыстытӕ райдайдзысты ноджы авд уынгыл

ЦХИНВАЛ, 4 мар - Sputnik, Хъуылымбегты Азӕмӕт. Хуссар Ирыстоны столицӕйы ӕввахс рӕстӕджы ногӕй райдыдтой зӕронд коммуникацион хӕтӕлтӕ раивыны фӕдыл цалцӕггӕнӕн куыстытӕ, фехъусын кодта Sputnik арӕзтад, архитектурӕ ӕмӕ ЦКХ министрады минӕвар Къацты Сослан.

Республикӕйы ӕрвылаз Инвестпрограммӕйы хаххыл ивынц доны, канализацион ӕмӕ газы зӕронд хӕтӕлтӕ.

"Цхинвалы ацы аз нывӕндынц авд уынджы капиталон цалцӕг: Плехановы, Санахъоты Гришикы, Сабырады, Едысы ӕмӕ Саулохты Мухтары уынгтӕ. Афтӕ ма, сцалцӕг кӕндзысты Нарты уынджы алвӕндаг Плиты Ароны уынджы онг. Нырма раивдзысты зӕххы бын коммуникацитӕ, уый фӕстӕ та дзы сӕвӕрдзысты асфальт", - радзырдта Къацты Сослан.

Генералон нардуатон организацитӕ уыдзысты паддзахадон унитарон куыстуӕттӕ "Водоканал" ӕмӕ "Энергоресурс-Хуссар Ирыстон".

Амӕйразмӕ "Водоканал"-ы хъусын кодтой, республикӕйы столицӕйы ныридӕгӕн кӕй раивтой зӕххы бын коммуникациты 70 проценты.

1
COVID-19

Хуссар Иры рабӕрӕг ис COVID-19-ы 21 ног цауы - "Югосетпотребнадзор"

3
(ранӕуӕггонд 15:07 04.03.2021)
Медицинон хыгъдӕй цыппӕрӕмы райсоммӕ систой 14 пациенты, сӕнӕнизуӕвджыты иумӕйаг нымӕц та схызт 2591 онг

ЦХИНВАЛ, 4 мар - Sputnik, Хъуылымбегты Зӕлинӕ. Хуссар Ирыстоны ивгъуыд къуыри сарӕзтой 95 иртӕсты коронавирус рафӕлгъауыны фӕдыл, уыдонӕй 21 равдыстой ӕвӕрццаг фӕстиуӕг, фехъусын кодта Sputnik санитарон уагдоны сӕргълӕууӕджы хӕдивӕг Гаглойты Анна.

"Коронавирусон инфекцийӕ ног рынчынты нымӕц Хуссар Иры абон у 21 адӕймаджы, ӕдӕппӕт пандемийы рӕстӕджы та - 3081", - загъта уый.

Гаглойты Анна ма бафтыдта, цыппӕрӕмы райсоммӕ медицинон уагдӕтты "сырх зонӕтӕй" кӕй рафыстой 14 пациенты, сӕнӕнизуӕвджыты иумӕйаг нымӕц та схызт 2591 онг. Медикты хъусдарды бын ма сты 490 рынчыны.

Хуссар Ирыстоны COVID-19 пандемийы рӕстӕджы ӕдӕппӕт сарӕзтой 18 661 тесты коронавирусы фӕдыл.

Республикӕйы январы æмбистæй фæрогдæр кодтой коронавирусы апарахат æруромыны фæдыл тобæтæ. Куысты æрвылбонон режиммæ рахызтысты министрæдтæ æмæ организацитæ, уыдон нымæцы ахуырадон уагдæттæ дæр.

3