Бибылты Анатолий ӕмӕ Башар Асад

Патриот ӕмӕ зондджын разамонӕг:Бибылты Анатолий раарфӕ кодта Башар Асадӕн йӕ юбилейы цытӕн

5
Майрӕмбоны, 11 сентябры, Сириаг Арабаг Республикӕйы президент Башар Асад нысан кӕны йӕ 55 азы юбилей

ЦХИНВАЛ, 11 сен - Sputnik. Хуссар Ирыстоны президент Бибылты Анатолий раарфӕ кодта йӕ сириаг коллегӕ Башар Асадӕн 55 азы юбилейы цытӕн. Арфӕйы текст ныммыхуыр кодта майрӕмбоны паддзахады сӕргълӕууӕджы пресс-службӕ.

"Йӕ бӕстӕйы ӕцӕг патриот, фӕлтӕрд политик, зондджын разамонӕг – Ды алцыдӕр аразыс, цӕмӕй хъахъхъӕнай Сирийы паддзахадон интерестӕ", - дзырдӕуы Бибылты Анатолийы арфӕйы.

Афтӕ ма президент банысан кодта, Асады къухдариуӕгады политикӕйы руаджы Сирийӕн кӕй фӕзынд ӕнтыстытӕ йӕ райрӕзты.

Бибылты Анатолийы цӕст бауарзта Сирийы президентӕн хӕрзӕбон ӕмӕ дарддӕры ӕнтыстытӕ паддзахадон архайды.

Сирийы президент Башар Хафез аль-Асад райгуырд 1965 азы 11 сентябры Дамаскы. Райста медицинон ахуырад "врач-офтальмолог" нырма Дамаскы, уый фӕстӕ та Лондоны. Сиримӕ куы ӕрыздӕхт 1994 азы, уӕд бацыд ӕфсӕддон академимӕ, дыууӕ азы фӕстӕ райста майоры ном. 2000 азы Башар Асад райста инӕлар-лейтенанты ном ӕмӕ ссис сириаг ӕфсады уӕлдӕр командӕгӕнӕг.

5
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2
Цхинвал

Хуссар Иры ивгъуыд къуырийы авариты бахъыгдард сты ӕртӕ адӕймаджы

3
(ранӕуӕггонд 15:08 28.09.2020)
Барадхъахъхъӕнӕг органты кусджытӕ радзырдтой ивгъуыд къуырийы республикӕйы фӕндӕгтыл уавӕры тыххӕй

ЦХИНВАЛ, 28 сен - Sputnik. Хуссар Ирыстоны ивгъуыд къуырийы ӕрцыд ӕрӕ фӕндагон-транспортон цауы, уыдон фӕстиуӕгӕн ӕртӕ адӕймаджы бахаудтой республикӕйы бирӕпрофилон медцентрмӕ алыгъуызон цӕфтимӕ. Уый тыххӕй къуырисӕры хъусын кӕны республикӕйы МХМ пресс-службӕ.

Хуссар Ирыстоны фӕндӕгтыл 21-28 сентябры ӕдӕппӕт банысан кодтой фӕндагон змӕлды 187 фӕткхӕлды. Се хсӕн разынд аст шофыры, кӕцытӕ хӕдтулгӕтӕ скъӕрдтой нозтджынӕй.

Ивгъуыд къуыри барадхъахъхъӕнӕг органты кусджытӕ нӕ рабӕрӕг кодтой фыдракӕндтӕ, ӕрмӕст иу адӕймаджы ӕрурӕдта Цхинвалы районы милици ӕхсӕнадон фӕтк фехалыны тыххӕй.

3