Зонындзинӕдты бон Хуссар Иры

Хуссар Иры ацыд социалон акци скъола-интернатты ахуыргӕнинӕгтӕн

14
(ранӕуӕггонд 16:07 11.09.2020)
Социалон акцийы фӕлгӕтты лӕвӕрттӕ радтой скъола-интернатты ахуыргӕнинӕгтӕн Цхинвалы, Дзауы ӕмӕ Ленингоры районты, афтӕ ма республикӕйы иунӕг коррекцион къласы сывӕллӕттӕн-фыццагкъласонтӕн

ЦХИНВАЛ, 11 сен – Sputnik, Гӕбӕраты Элина. Компани "Остелеком" ("Мегафон Хуссар Ирыстон") раарфӕ кодта Дзауы, Ленингоры ӕмӕ Цхинвалы районты скъола-интернатты фыццагкъласонтӕн ахуырадон азы райдайӕны фӕдыл. Компанийы ӕхсӕнадимӕ бастдзинӕдты фӕдыл специалист Бежанты Зӕринӕ куыд фехъусын кодта Sputnik, афтӕмӕй акци уагъд цыд 5-8 сентябры.

"Фыццаг ахуырадон бон компанийы минӕвӕрттӕ хайад райстой бӕрӕгбонон линейкӕйы, кӕцы ацыд Дзауы скъола-интернаты. Ахуырадон азы райдайӕн у бӕрӕгбонон бон ахуырдзаутӕн, ахуыргӕнджытӕн, ныййарджытӕн ӕмӕ, сӕйраджыдӕр, фыццагкъласонтӕн. Мах раарфӕ кодта ахуырдзаутӕн алкӕмӕндӕр ахуырадон азы райдайӕны фӕдыл", - радзырдта Бежанты Зӕринӕ.

Акцийы фӕлгӕтты иууыл кӕстӕрдӕр скъоладзаутӕ – ӕртӕ интернаты 40 фыццагкъласоны – райстой "Мегафон Хуссар Ирыстон"-ӕй скъолайӕн ифтонггарзы сӕрмагонд комплекттӕ.

Афтӕ ма акцимӕ ӕрбаиу кодтой Цхинвалы скъола-интернаты базӕйыл республикӕйы иунӕг коррекцион къласы сывӕллӕтты-фыццагкъласонты.

14
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

2
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

2
Коронавирус

Хуссар Иры сбӕрӕг кодтой коронавирусӕй 27 ног рынчыны

2
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2