Бибылты Анатолий

Бибылты Анатолий Хуссар Иры эпидемиологон службӕйы тыххӕй: националон ӕдасдзинады бындур

8
(ранӕуӕггонд 12:42 15.09.2020)
Президент раарфӕ кодта республикӕйы санитарон-эпидемиологон службӕйы кусджытӕн ӕмӕ сын бузныг загъта сӕ стыр дӕсниад ӕмӕ цӕсгомджын куысты тыххӕй

ЦХИНВАЛ, 15 сен — Sputnik. Президент Бибылты Анатолий раарфӕ кодта республикӕйы санитарон-эпидемиологон службӕйы кусджытӕн, кӕцытӕ дыццӕджы нысан кӕнынц сӕ профессионалон бӕрӕгбон, хъусын кӕны паддзахады сӕргълӕууӕджы пресс-службӕ.

Йӕ арфӕйы телы республикӕйы президент банысан кодта, санитарон-эпидемиологон службӕ кӕй у нӕ бӕстӕйы националон ӕдасдзинады бындур.

"Уӕ профессионализм, бӕрнон ахаст ӕмӕ цӕсгомджын куысты руаджы скъуыддзаг цӕуынц асхджиаг хӕслӕвӕрдтӕ республикӕйы цӕрджыты санитарон-эпидемиологон хӕрзвадат сӕххӕст кӕныны фӕдыл. Сымах хъахъхъӕнут адӕмы ӕнӕниздзинад тӕссаг низтӕй", - дзырдӕуы арфӕйы тексты.

Бибылты Анатолий банысан кодта, эпидемиологтӕ сӕ профессионализм кӕй равдыстой коронавирусон инфекциимӕ тохы рӕстӕджы.

"Хуссар Ирыстонмӕ вирус ма ‘рбауадзыны фӕдыл арӕнӕвӕрдон мадзӕлттӕ здӕхт уыдысты нӕ ӕмбӕстӕгты ӕдасдзинадмӕ. Уӕ куысты руаджы вирус нӕ рахызт Республикон бирӕпрофилон медицинон центры арӕнтӕй", - хъусын кӕны Бибылты Анатолийы ныхӕстӕ йӕ пресс-службӕ.

Президент бузныг загъта республикӕйы санитарон-эпидемиологон службӕйы кусджытӕн сӕ стыр дӕсниад ӕмӕ цӕсгомджын куысты тыххӕй ӕмӕ баныфсӕвӕрдта, уыдон дарддӕр ӕнтыстджынӕй кӕй ӕххӕст кӕндзысты сӕ хӕслӕвӕрдтӕ.

8
Хуссар Иры ссардзысты Зары трагедийы амӕттӕгты рухс нӕмттӕ

Хуссар Иры ссардзысты Зары трагедийы амӕттӕгты рухс нӕмттӕ

1
(ранӕуӕггонд 15:30 17.05.2021)
Фыдохы мадзӕлттӕ ацӕудзысты 29 азы размӕ ӕвирхъау трагеди кӕм ӕрцыд, уыцы бынаты цур

ЦХИНВАЛ, 17 мая – Sputnik, Хъуылымбегты Азӕмӕт. Хуссар Ирыстоны цыппӕрӕмы, 20 майы, ацӕудзӕн фыдохы акци, кӕцы нывонд у Зары трагедийы амӕттӕгты мысӕнӕн, фехъусын кодтой Sputnik культурӕйы министрады пресс-службӕйы.

Зары трагеди нымад æрцыд Хуссар Ирыстоны ног историйы иууыл æгъатырдæртæй сæ иуыл, йæ амæттаг баисты 36 адæймаджы, 12 райстой цæфтæ. Фæмардуæвджытæй иууыл кæстæр уыд 11-аздзыд сывæллон, иууыл хистæрыл та цыд 76 азы.

"Ацы бон Зары хъӕумӕ бахизӕны ацӕудзӕн мысӕн акци "Зажги свечу в память о погибших! В душе зажги и никогда не задувай!". 12.03 сахатыл республикӕйы расидтдзысты Ӕппӕтнацион ӕдзӕмӕй алӕугӕйӕ уысм", - фехъусын кодтой культурӕйы министрады.

Фыдохы датӕмӕ паддзахадон телеуыныннад бацӕттӕ кодта тематикон алӕвӕрдты сери Цхинвалы цӕрджыты мысинӕгтимӕ ацы боны фӕдыл.

1
Хуссар Ирыстоны паддзахадон драмон театр

Ӕрхонгӕ режиссер Цхинвалы бавдисдзӕн комеди "Дон Жуан"

15
(ранӕуӕггонд 16:52 17.05.2021)
Спектакль Дон Жуан"-ы фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ

ЦХИНВАЛ, 17 май — Sputnik, Плиты Фатимæ. Хуссар Ирыстоны паддзахадон драмон театр сцӕттӕ кодта спектакль "Дон Жуан" рауадзынмӕ. Дыгуры театры сӕйраг режиссер Джелиты Хъазыбеджы бакастӕй комеди уыдзӕн драмӕйы ӕууӕлтимӕ, фехъусын кодтой Sputnik ПДТ пресс-службӕйы.

Уагдоны банысан кодтой, къорд кӕй архайы, цӕмӕй къуырийы кӕрон спектакль бавдисой аивадон советӕн.

"Ӕвзонг курдиатджын режиссер Джелиты Хъазыбегӕн ис ӕндӕрхуызон бакаст Мольеры комедимӕ, уый у психологон драмӕ, алкӕцы  адӕймаг дӕр арф ахъуыды кӕндзӕн ӕмӕ фӕхуддзӕн йӕхи ӕппӕрццаг миниуджытыл. Репетицитӕ цӕуынц бон дыууӕ хатты", - загътой пресс-службӕйы.

Уым ма бафтыдтой, спектакль "Дон Жуан"-ӕн кӕй бацӕттӕ кодтой диссаджы дарӕс ӕмӕ декорацитӕ.

"Тынг ӕхсызгон нын у ацы премьерӕйы тыххӕй фехъусын кӕнын. Сӕйраг фӕлгонц ӕххӕст кӕны Мамиты Григорий, уый ралӕууыд Дон Жуанӕй, йе 'ххуырсты фӕлгонц та ӕххӕст кӕны Гаглойты Эдуард. Спектаклы ма архайынц адӕмон артист Тъехты Уасил, сгуыхт артисттӕ Уанеты Эдуард, Гаглойты Артур, Хуыгаты Альбина, Натия Чохели ӕмӕ Хаситы Сослан", - бафтыдта уый.

Ацы спектаклы ма фыццаг хатт паддзахадон драмон театры сценӕйыл сӕ архӕстдзинад равдисдзысты ХИПУ театралон факультеты студенттӕ.

 

15