Цхинвалы рабӕрӕг кодтой Хъахъхъӕнынады министрады иууыл тыхджындӕр футболон командӕ

Цхинвалы рабӕрӕг кодтой Хъахъхъӕнынады министрады иууыл тыхджындӕр футболон командӕ

7
(ранӕуӕггонд 13:52 15.09.2020)
Хъӕзтытӕ уагъд цыдысты августы ӕмбисӕй Цхинвалы спортивон объекттӕй сӕ иуы. Ерысты хайад райстой фараст командӕйы, сӕ нымӕцы Хъахъхъӕнынады министрады Кадетон скъолайы хъомылгӕнинӕгты командӕ

ЦХИНВАЛ, 15 сен — Sputnik. Мотоӕхсӕн батальоны командӕ ссис мини-футболӕй турниры уӕлахиздзау Хуссар Ирыстоны Хъахъхъӕнынады министрады дӕлхайӕдты командӕты хсӕн, хъусын кӕны уагдоны пресс-службӕ.

Спортивон мадзал уыд нывонд республикӕйы сӕвзӕрды 30-ӕм афӕдзы боны цытӕн ӕмӕ уагъд цыд Хуссар Ирыстоны хъахъхъӕнынады министр Гассеты Ибрагимы барамындмӕ гӕсгӕ. Хъӕзтытӕ уагъд цыдысты августы ӕмбисӕй Цхинвалы спортивон объекттӕй сӕ иуы. Ерысты хайад райстой фараст командӕйы, сӕ нымӕцы Хъахъхъӕнынады министрады Кадетон скъолайы хъомылгӕнинӕгты командӕ.

"Мотоӕхсӕн батальоны командӕ фӕуӕлахиз ахуырадон ротӕйы командӕйыл, кӕцы райста дыккаг бынат. Ӕртыккаг бынат бацахста уагдоны хайады командӕ", - дзырдӕуы хъусинаджы.

Уӕлахиздзау командӕты схорзӕхджын кодтой кубоктӕ ӕмӕ кады грамотатӕй.

7
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1