Километрон рад: Зӕрӕмӕджы таможнӕйы ӕрӕмбырд бирӕ хӕдтулгӕтӕ

Километрон рад: Зӕрӕмӕджы таможнӕйы ӕрӕмбырд бирӕ хӕдтулгӕтӕ

213
(ранӕуӕггонд 12:19 16.09.2020)
Хуссар Ирыстоны ӕмӕ Уӕрӕсейы хсӕн паддзахадон арӕныл фӕндагон змӕлд хуымӕтӕг режимы бакодтой 15 сентябрӕй, фыццаг бон бӕлцӕтты нымӕц афтӕ ахадгӕ нӕ уыд

ЦХИНВАЛ, 16 сен – Sputnik, Плиты Фатимæ. Хуссар Ирыстон ӕмӕ Уӕрӕсейы хсӕн арӕны сӕртыл цæуджытæй сӕвзӕрд стыр радтӕ. Дӕллаг Зӕрӕмӕджы уадзӕн пункты бæлццæттæй ис километрон рад.

Посмотреть эту публикацию в Instagram

Публикация от ИРЫСТОН (@_adaem_novosti)

Дыццӕджы Sputnik-ы уацхӕссӕг бабӕрӕг кодта Хуссар Ирыстоны ӕмӕ Уӕрӕсейы хсӕн арӕн, уӕд фӕндагон змӕлд цыд ӕнӕ фӕстиадтӕй.

"Райсом авд сахатыл рацыдтӕн Цхинвайлӕй ӕмӕ нырма дӕр таможнӕйы лӕууын. Тынг бирӕ адӕм цӕуы мӕ сыл нӕ тых кӕнынц. Галиуӕрдыгӕй цы хъӕу Регах ис, уымӕй дӕлдӕр сты хӕдтулгӕты радтӕ", - загъта бӕлццон Дзамболат.

Ӕртыццӕджы райсом Цхинвалы вокзалы дӕр ӕрӕмбырд тынг бирӕ адӕм.

"Райсом мӕ фырты ӕрвыстон Дзӕуджыхъӕумӕ ӕмӕ бацыдтӕн вокзалмӕ. Авд сахатыл ӕппӕт автобустӕ уыдысты йедзаг, сӕ нымӕцы цалдӕр сахаты фӕстӕ чи хъуамӕ ацыдиад, уыдон дӕр. Такситӕ дӕр нӕ уыд, адӕм та нырма уыд бирӕ", - загъта Sputnik Цхинвалы цӕрӕг Эльбрус.

Уӕрӕсеимӕ арӕны уылты хизыныл тобӕ сӕвӕрдтой 13 апрелы ӕмӕ йӕ уый фӕстӕ цалдӕр хатт адарддӕр кодтой – фӕстаг хатт августы кӕронмӕ. Республикӕмӕ ӕрцӕуӕггӕгтӕн уыд ӕнӕмӕнг дыууӕкъуырион карантин. Фӕстӕдӕр изоляцийӕ ссӕрибар кодтой коронавирусӕй уый размӕ чи фӕрынчын, уыдоны. Уый тыххӕй уыдон дӕттой анализтӕ Цӕгат Ирыстоны ӕмӕ ӕвдыстой уый фӕдыл справкӕтӕ.

Хуссар Ирыстоны пандемийы рӕстӕджы сбӕрӕг кодтой коронавирусӕй 90 фӕрынчынуӕвӕджы.

213
РХИ парламент

Парти "Иугонд Ирыстон"-ы депутат фехъусын кодта фракцийӕ рахизыны тыххӕй

0
(ранӕуӕггонд 15:35 18.09.2020)
Ӕртыккаг ӕвзарӕн зылдӕй депутат банысан кодта, дарддӕр кӕй кусдзӕн парламенты ӕмӕ нӕ нывӕнды бахизын никӕцы парламентон фракцимӕ

ЦХИНВАЛ, 18 сен - Sputnik. Хуссар Ирыстоны парламенты депутат Мулдарты Гарри фехъусын кодта парти "Игонд Ирыстоны"-ы фракцийӕ кӕй рахызт, уый тыххӕй. Депутаты куырдиаты текст ныммыхуыр кодтой закондӕттӕг органы официалон сайтыл.

Мулдарты Гарри куыд банысан кодта, афтӕмӕй йӕ скъуыддзаджы аххоссаг уыд уый, ӕмӕ нӕ сӕххӕст кодтой Хуссар Ирыстоны парламенты депутатты фылдӕр хайы домӕн генпрокурор Дзӕгъиаты Уырызмӕджы отставкӕйы фӕдыл.

"Мӕ хъуыдымӕ гӕсгӕ, Дзӕгъиаты Уырызмӕг РХИ генералон прокуроры бынаты куы куса, уӕд уый хъыгдардзӕн объективон фӕдагуырд Дзабиты Иналы мӕлӕты фӕдыл, афтӕ ма ӕххӕст нӕ цӕудзысты нӕ паддзахад ӕмӕ ӕхсӕнады законон интерестӕ", – фехъусын кодта депутат.

Ӕртыккаг ӕвзарӕн зылдӕй депутат бафтыдта, зӕгъгӕ, дарддӕр кусдзӕн парламенты ӕмӕ нӕ нывӕнды бахизын никӕцы парламентон фракцимӕ.

Дзабиты Иналы мæлæт æхсæнады сæвзæрын кодта стыр резонанс. Йæ фæстæ Цхинвалы ацыд митингтæ, адæм домдтой, цæмæй йæ бынатæй сæрибар æрцæуа Генералон прокурор Дзæгъиаты Уырызмæг æмæ æфхæрд æрцæуой азымджынтæ. Фæстæдæр уагдон фехъусын кодта, ацы хъуыддаджы зæрдæхсайгæ адæм - криминалон милицийы аст кусæджы - рæстæгмæ æрцахстой.

0
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы Хъорсеуы хъӕумӕ цалцӕг кӕнынц фӕндаг

8
(ранӕуӕггонд 14:22 18.09.2020)
Афтӕ ма цалцӕг кӕнынц фӕндаг, кӕцы цӕуы Хъорсеуы Дзуармӕ. Ныртӕккӕ фӕндӕгтӕ уӕрӕх кӕнынц, фӕстӕдӕр дзы ныккалдзысты хуыр

ЦХИНВАЛ, 18 сен — Sputnik, Хъуылымбегты Азӕмӕт. Дзауы районы Хъорсеуы хъӕумӕ фӕндаг нӕ цалцӕг кодтой цалдӕр азы. Ныридӕгӕн цалдӕр боны Дзауы районы Цӕрӕнуатон-коммуналон хӕдзарады (ЦКХ) кусджытӕ цалцӕг кӕнынц фӕндаг. Уыдон уӕрӕх кӕнынц фӕндаг ӕмӕ дзы калынц хуыр, фехъусын кодтой Sputnik Дзауы районы администрацийы пресс-службӕйы.

В селе Хъорсеу Дзауского района ремонтируют дорогу
Пресс-служба администрации Дзауского района
Дзауы районы Хъорсеуы хъӕумӕ цалцӕг кӕнынц фӕндаг

Дзауы районы ЦКХ хистӕр Цхуырбаты Тамерланы ныхӕстӕм гӕсгӕ, цалцӕг кӕнынц Хъорсеуы Дзуармӕ фӕндаг дӕр, кӕцы ис кӕлӕтдзаг уавӕры.

Амӕй размӕ Дзауы районы администрацийы сӕргълӕууӕг Джиоты Андрей радзырдта районы фӕндӕгты цалцӕггӕнӕн куыстыты тыххӕй.

8