Залдайы хъӕу

Хуссар Ирыстоны хицауады ӕрдзырдтой зӕххон ахастыты фарстыл

13
(ранӕуӕггонд 11:42 17.09.2020)
Хицауады сӕрдары хӕстӕ ӕххӕстгӕнӕг Бекъойты Геннадийы ныхӕстӕм гӕсгӕ, арендон ахастыты системӕмӕ паддзахадон мулкъы фадыджы хъӕуы ногӕй ӕркӕсын ӕмӕ бахӕссын ивындзинӕдтӕ

ЦХИНВАЛ, 17 сен — Sputnik. Хуссар Ирыстоны премьер-министры хӕстӕ ӕххӕстгӕнӕг Бекъойты Геннадий бахӕс кодта хицауадӕн басгарын арендон зӕххытӕ, бакусын тарифон политикӕйы фарстытыл, хыгъд ӕмӕ хъусдарды фарстытыл, афтӕ ма саразын мадзӕлтты график, цӕмӕй аиуварс кӕной рӕдыдтытӕ зӕххон ахастыты фадыджы.

Хицауады пресс-службӕ куыд хъусын кӕны, афтӕмӕй, рабадты хайад райстой хъусдарды органтӕ ӕмӕ районты администрациты разамонджытӕ.

Бекъойты Геннадийы ныхӕстӕм гӕсгӕ, арендон ахастыты системӕмӕ паддзахадон мулкъы фадыджы хъӕуы ногӕй ӕркӕсын ӕмӕ бахӕссын ивындзинӕдтӕ.

"Паддзахадон мулкъӕй хъуамӕ пайда кӕной раст ӕмӕ эффективонӕй. Хъӕуы уаг ӕрӕвӕрын ацы фадыджы", - банысан кодта Бекъойты Геннадий.

Афтӕ ма уый банхъардта саразын кусӕгон къордтӕ республикӕйы районты профилон организациты специалисттӕ ӕмӕ районты администрациты минӕвӕрттӕй, цӕмӕй бынаты сбӕрӕг кӕной хъӕууон хӕдзарадон куыстытӕн аккаг зӕххытӕ.

13
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

1
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

1
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4