Педагогон конференци

Хуссар Ирыстоны столицӕйы цӕуы педагогон конференци

100
(ранӕуӕггонд 16:44 17.09.2020)
Ахуыргæнджыты конференци хъуамæ ацыдаид 31 августы , фæлæ йæ фæфæстæдæр кодтой республикæйы сæвзæргæ уавæр хынцгæйæ

ЦХИНВАЛ, 17 сен – Sputnik, Плиты Фатимæ. Хуссар Ирыстоны столицӕйы йӕ куыст райдыдта ӕрвылазон педагогон конференци "Воспитание и качество образования — национальная цель и стратегическая задача", мадзал цӕуы президент Бибылты Анатолийы хайадистӕй.

Мадзал йӕ разныхасӕй бакодта Ахуырады министрады хӕстӕ ӕххӕстгӕнӕджы хӕдивӕг Гаглойты Элиса. Уый раарфӕ кодта конференцийы делегаттӕн ног ахуыры азы фӕдыл. Ӕрӕмбырдуӕывджытӕ иу уысм ӕдзӕмӕй лӕугӕйӕ ссардтой ӕрӕджы ӕгас ӕхсӕнад кӕуыл фӕхъынцъым кодтой, уыдоны рухс нӕмттӕ - Хуссар Ирыстоны Адӕмон нывгӕнӕг, Аивӕдты лицейы директор Кӕсойты Лаврентийы, Хуссар Ирыстон сгуыхт ахуыргӕнӕг Гогинова Нателла ӕмӕ ӕвзонг лӕппу Дзабиты Иналы рухс нӕмттӕ.

Ахуыргæнджыты конференци хъуамæ ацыдаид 31 августы , фæлæ йæ фæфæстæдæр кодтой республикæйы сæвзæргæ уавæр хынцгæйæ.

Ахуырады министры хӕстӕ ӕххӕстгӕнӕг Гасситы Натали банысан кодта, ивгъуыд ахуыры аз пандемиийы ахоссӕй цы ныффӕстиат кодтой, уый дӕр кӕй баххӕст кӕндзысты ацы аз.

"Дыууӕ мӕйы ссисты фӕлварӕн. Бузныг ахуыргӕнджытӕн, кӕцытӕ уавӕртӕм ӕнӕкӕсгӕйӕ архайдтой сӕ куыст ӕххӕст кӕнын ӕмӕ ныййарджытӕн, кӕцытӕ архайдтой сӕ зӕнӕг ӕмӕ сӕ педагогты фарс, цӕмӕй ахуыр цӕуа ӕмбӕлон уагыл", - загъта Гасситы Натали.

Йӕ ныхӕстӕм гӕсгӕ, скъолайы агъоммӕ уагдӕтты радты фарст дӕр цадӕггай скъуыддзаг цӕуы.

"Хуссар Ирыстоны инвестицион нывӕзты фӕлгӕтты арӕзт ӕрцыд сабидон "Ӕфсир " Суворовы уынгыл, уый хорзӕрдӕм бандӕвта сабидӕтты радтыл, уый у иунӕг, цы ран ис фадӕттӕ къуындӕг авналӕнтимӕ сывӕллӕттимӕ кусынӕн. Радтӕ фӕкъаддӕр сты сабидон "Фӕрдыг"-ы баконды баконды фӕстӕ вокзалгӕрон. Ноджы ма иу сабидон та фӕзындзӕн Гуыбаты ӕфсымӕрты уынгыл",- загъта министры хӕстӕ ӕххӕстгӕнӕг.

Уый ма банысан кодта ивгъуыд аз уыдон 157 адӕймагӕн радтой куысты бынӕттӕ, зынгӕ фӕкъаддӕр сты ӕмрӕстӕджы дыууӕ бынаты чи кусы, уыдоны нымӕц дӕр ахуырады фадыджы.

Уый ма зӕрдыл ӕрдардта фарон иттӕг хорз нысӕнттимӕ скъола фесты цыппар адӕймаджы, уыдонӕй иу сызгъӕрин майданыл.

"Дӕсӕм къласты ахуырдзаутӕй майданимӕ кандидаттӕ уыд 49. 2020-2021 азы райдайӕны дыууӕ контролон куысты фӕстиуӕгӕн ма майданимӕ кандидатӕ баззад ӕрмӕст 12 ахуырдзауы",- бафтыдта уый

100
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

7
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

7
Уӕззау рӕстӕг: куыд кусы Тагъд ӕххуыс Цхинвалы

Уӕззау рӕстӕг: куыд кусы Тагъд ӕххуыс Цхинвалы

13
(ранӕуӕггонд 22:08 23.10.2020)
Тагъд ӕххуысы службӕйы куысты егъау гуырахстӕн бамбарӕн ис сӕ хӕдтулгӕты змӕлдӕй горӕты, столицӕйы уынгтыл азилгӕйӕ ӕнӕмӕнг фембӕлдзынӕ дохтырты бригадӕтыл

ЦХИНВАЛ, 23 окт — Sputnik, Плиты Фатимӕ. Хуссар Ирыстоны тагъд ӕххуысы станцы медиктӕ кусынц уӕлвӕткон уавӕрты. Дохтырты бахъӕуы ӕртӕ суткӕ фӕд-фӕдыл кусын.

Тагъд ӕххуысы дохтыр Ӕрсойты Дианайы ныхӕстӕм гӕсгӕ, бригадӕтӕ станцмӕ цӕуынц ӕрмӕст сӕ хызынтӕ медикаменттӕй баххӕст кӕнынмӕ.

"Тынг бирӕ нӕм сидынц, бирӕ ис коронавирусӕй рынчынтӕ. Абон дӕр фӕхӕццӕ кодтам рынчындонмӕ сылгоймагджы уӕззау уавӕры, кӕцыйӕн йӕ рӕуджыты 60% джиздард сты, ис ын сӕкӕрниз. Фӕлӕ ма уыимӕ иумӕ бирӕ адӕм тасӕй дӕр дзурынц 37,5 тӕвдимӕ",- загъта дохтыр.

Фӕстаг ӕртӕ къуырийы сарӕх сты коронавирусӕй рынчынтӕ, зынгӕ фӕфылдӕр ис тагъд ӕххуысы службӕйы куыст, уыимӕ иумӕ ма ис рынчынтӕ медикты хсӕн дӕр.

"Мӕ къӕхтыл ма тыххӕй лӕууын. Ӕртӕ суткӕ кусын ӕнӕрлӕугӕйӕ. Афтӕ кусынц мӕ коллегатӕ дӕр. Иу бон хъуамӕ баулӕфон ӕмӕ та уый фӕстӕ рахидзӕн радгӕсмӕ. Нӕ дохтыртӕй ӕртӕ рынчын сты, уымӕ гӕсгӕ аннӕты куыст фӕфылдӕр ис. Ӕппынӕдзух нӕм кусы цыппар бригадӕ. Алкӕцы дохтыр дӕр адӕм ӕмӕ нӕ сӕйраг дохтыры ӕфсӕрмӕй кусы уӕлвӕткон режимы", - бафтыдта медик.

Дохтыры ныхӕстӕм гӕсгӕ, хъахъхъӕнӕг ӕрмӕгӕй сты ӕххӕст. Коронавирусы апарахаты масштаб хынцгӕйӕ тагъд ӕххуысы службӕ рынчындонмӕ кӕнынц ӕрмӕст уӕззау рынчынты.

"Уӕззау рынчын чи нӕу, уыдонӕн дӕттӕм рекомендацитӕ ӕмӕ сӕ радтӕм фадыгон дохтыры бӕрнмӕ", - загъта дохтыр.

Ӕрсойты Диана ма бахахх кодта, фӕстаг ӕртӕ къуыри нырма рынчынты ӕмӕ рбадзырдты нымӕц кӕй хизы уӕлӕмӕ.

"Иууыл тынгдӕр тыхсӕм ӕнӕрлӕугӕ куыстӕй. Улӕфынӕн иу уысм дӕр рӕстӕг нӕй. Ӕхсӕв цъус вӕййы сабырдӕр", - загъта Ӕрсойты Диана.

Дохтыры ныхӕстӕм гӕсгӕ, сӕ службӕ тыхсы ӕрмӕст дохтырты цухдзинадӕй, астӕуккаг медперсонал фаг кӕны.

"Тагъд ӕххуысы сӕйраг дохтыр бахатыд, цӕмӕй нӕм фӕкӕсой кадртӕй, фӕлӕ нырма фарст скъуыддзаг нӕу", - бафтыдта уый.

13