Президент хайад райста педагогон конференцийы

Ахуыргӕнӕг професси нӕу, уый у цардыхӕс: президент хайад райста педагогон конференцийы

7
Ӕрвылазон конференцийы куысты хайад райстой 200 делегаты ӕмӕ 20 хуынд минæвары, ацы аз мадзал ацыд фæстæдæр

ЦХИНВАЛ, 17 сен – Sputnik, Плиты Фатимæ. Президент Бибылты Анатолий ӕрвылазон педагогон конференцийы раарфӕ кодта республикӕйы ахуыргӕнджытӕн ӕмӕ ӕрдзырдта сæ ӕнӕмӕнгхъӕугӕ, фӕлӕ зын куысты ахсджиагдзинадыл.

Ӕрвылазон конференцийы куысты хайад райстой 200 делегаты ӕмӕ 20 хуынд минæвары, ацы аз мадзал ацыд фæстæдæр.

"Цас не ' хсӕнад ахуырдӕр уа , уый бӕрц дзы къаддӕр уыдзӕн проблематӕ ӕппӕт фадгуыты дӕр. Хъыгагӕн, абон фылдӕр авторитет ис стыр ахуырдзинадимæ адӕмӕн нӕ, фӕлӕ фылдӕр тых ӕмӕ фӕрӕзтӕ кӕмӕ ис, уыдонӕн", - загъта президент.

Паддзахады разамонӕг ма ӕрсидт, цӕмӕй алкӕцы педагогӕн дӕр аргъ кӕной йӕ ӕнтыстытӕм гӕсгӕ.

"Министр йӕ раныхасы радзырдта медалистты нымӕц къаддӕр кӕны нæ республикæйы, афтӕмӕй та сгуыхт ӕмӕ адӕмон ахуыргӕнджыты нымӕц рӕзы. Кӕм дзы ис логикӕ? Хъуамӕ сӕ нӕмттӕ ахуыргӕнджытӕ исой сӕ куысты хатдзӕгтӕм гӕсгӕ", - бафтада уый.

Президент ма бузныг загъта ахуыргӕнджытӕн куыд президент ӕмӕ куыд ныййарӕг сæ иузæрдийон куысты тыххæй.

"Уӕ куыст зын, фæлæ ӕнӕмӕнгхъӕуӕг. Ахуыргӕнӕг професси нӕу, уый у цардыхӕс. Стыр бузынг уын республикӕйы разамынад ӕмӕ ныййарджыты номæй",- загъта Бибылты Анатолий.

Малзалы докладтӕ сарӕзтой ахуырады министры хӕстӕ ӕххӕстгӕнӕг Гасситы Натали, ныхасы рацыдысты горӕты администрацийы хистӕры хӕдивӕг Лолаты Жанна скъолайы, Къостайы хъӕуы скъолайы ахуыргӕнӕг, гимназ "Альбион" ӕмӕ фыццӕгӕм скъолайы ахуыргӕнджытӕ.

7
Дудайты Владимир

ММА-йы тохгӕнӕг Ирыстонӕй ауадздзӕн тох февралы

8
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

8
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2