Ӕрхонгæ специалисттæ кусынц Цхинвалы сæйраг фонтан срæвдз кæныныл

Ӕрхонгæ специалисттæ кусынц Цхинвалы сæйраг фонтан срæвдз кæныныл

152
(ранӕуӕггонд 11:36 25.09.2020)
Фонтаны арæзтадон куыстытæ куы балхынцъ сты, уæдæй нырмæ хъуыддаг къуылымпы кодта, æмбæлон специалисттæн сæ бон æрцæуын кæй нæ уыд, уый

ЦХИНВАЛ, 25 сен — Sputnik, Плиты Фатимӕ. Хуссар Ирыстонмæ æрцыдысты специалисттæ, кæцытæ хъуамæ сцайдагъ кæной столицæйы централон фонтаны куыст, фехъусын кодта Sputnik арæзтады министрады пресс-секретарь Тедеты Алена.

Фонтаны арæзтадон куыстытæ куы балхынцъ сты, уæдæй нырмæ хъуыддаг къуылымпы кодта, коронавирусы апарахатæй бахизыны тыххæй Хуссар Ирыстон æмæ Уæрæсейы хсæн арæн кæй уыд æхгæд æмæ æмбæлон специалисттæн сæ бон æрцæуын кæй нæ уыд, уый.

"Специалисттæ райдыдтой архайын фонтаны куыст сцайдагъ кæныныл. Цыдæр хæйттæ ма хъæуы, цæмæй техникон æгъдауæй фонтан баххæст кæной. Октябры астæу уый лæвæрд æрцæудзæн эксплуатацимæ", - загъта Тедеты Алена.

Фонтаны арæзтадон куыстытæн хицæнгонд æрцыд 23 милуан сомы. Нардуатон фирмæ "Про-Микс"-ы хуссарирыстойнаг хайады хистæр Евгений Иванидзейы ныхæстæм гæсгæ, ифтонгады фылдæр хай æрластой фæсарæнтæй.

Фонтаны арæзтадон куыстытæн хицæнгонд æрцыд 23 милуан сомы. Объект проект бацæттæ æмæ арæзтад уыд нардуатон фирмæ "Про-Микс"-ы бæрны.

Цхинвалы сæйраг фонтаны арæзтадæн ис дæргъвæтин истори - йæ алыварс ныхас æхсæнады æмæ социалон хызæджы цыд бирæ æзты дæргъы – иутæ æнхъардтой бахъахъхъæнын фонтан йæ раздæры хуызы. Фæстагмæ æрлæууыдысты нырыккон "сур" фонтаныл. 2016 азы кæронмæ Цхинвалæн ныфс дæттой саразын Цæгат Кавказы иууыл рæсугъддæр фонтан. Арæзтад бахæс кодтой цæгатирыстойнаг фирмӕ "Промикс"-æн. Фæлæ та фæстæдæр йæ арæзтад фестад татарстайнаг фирмæйы дæлбар, фонтан та кусгæйæ федтой æрмæстдæр фæлварæны рæстæджы.

Цхинвалы театралон фæзуат сæрибар никуы уыд — ам ивгъуыд рӕстӕджыты уыд цыртытæ советон фæтæгтæ Ленин æмæ Сталинæн, фæстæдæр та дзы арӕзт ӕрцыд фонтан. Фæлæ ивгъуыд ӕнусы 90-ӕм æзтӕй фæстæмæ уый стæм хатт рухс кодта цӕрджыты зæрдæтæ йе 'хсæрдзæнтæй — фонтан-иу баиу кодтой ӕрмӕстдӕр паддзахадон бæрæгбонты рæстæджы, сабитæ-иу систой йæ разы къамтæ æмæ та-иу изæрмæ фонтан басур. 2006 азæй фæстæмæ та хæлд фонтан сыгъд театры бæстыхайимӕ иумæ раууаты хуыз дæттой горæты центрæн.

152
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4