Хуссар Иры санитарон службæтæ арæны баконды фæстæ сног кодтой радгæсон линийы куыст

"Югосетпотребнадзор" арæны баконды фæстæ сног кодта радгæсон линийы куыст

10
(ранӕуӕггонд 13:00 25.09.2020)
Республикæйы цæрджытæн радгæсон линийы фæрцы райсæн уыдзæн рекомендацитæ æмæ дзуаппытæ коронавирусы фæдыл фарстытæн

ЦХИНВАЛ, 25 сен – Sputnik, Плиты Фатимæ. Хуссар Ирыстоны санитарон службæтæ Уæрæсеимæ арæны баконды фæстæ сног кодтой радгæсон линийы куыст, цы ран райсæн ис рекомендацитæ æмæ дзуаппытæ коронавирусы фæдыл фарстытæн, фехъусын кодта Sputnik сæйраг санитарон дохтыр Коцты Марина.

"Мах сног кодтам радгæсон линийы куыст, кæцы уыд панемийы райдайæны, номыртæ сты фæстæмæ уыдон. Мæн фæнды, цæмæй нæм адæм дзурой номыртыл, бахизой нæ фарсмæ Фейсбукы, мах та нæхирдыгæй кæдфæндыдæр цæттæ стæм радтын дзуапптæ æппæт фарстытæн", - загъта Коцты Марина.

Сæйраг санитарон дохтыр ма радзырдта, ныридæгæн сæм хардзы æрмæг фаг кæй ис.

"Коронавирусимæ цы рæстæг архайæм, уыцы æмгъуыд нын æппæтварсон æххуыс кæнынц нæ уæрæсейаг коллегæтæ. Апрелæй фæстæмæ нын тест-системæтæ æнæаргъæй дæтты æххуысы хуызы Роспотребнадзор, ноджы ма сæ иу хай та самал кодтам президенты сæрмагонд хыгъды фæрæзтæй. Ныридæгæн нæм æрмæг ис 12 мин иртасты фаг", - бафтыдта уый.

Коцты Маринайы ныхæстæм гæсгæ, сæ уагдон цæттæ у вирусы апарахаты уавæрты кусынмæ дæр.

"Ис нæм фæлтæрддзинад æмæ нæ архайды нывæзт. Фæфылдæр кодтам иртæстты гуырахст. Бахъуыды рæстæгмæ фæфылдæр кодтам нæ специалисты нымæц, канд æрмæст нæхи лабораторитæй нæ, фæлæ ма æндæр уагдæттæй дæр - Ӕнæниздзинад хъахъхъæнынады министрадæй æмæ ветеринарон службæйæ. Уавæр нæ куыд дома, афтæ цæттæ стæм архайынмæ", - балхынцъ кодта сæйраг санитарон дохтыр.

Республикæ Уæрæсеимæ арæн бакодта 15 сентябры. Арæныл тобæтæ архайдтой фондз мæйы дæргъы. Уыцы æмгъуыд Хуссар Иры сбæрæг кодтой 90 рынчыны коронавирусæй. Уыдон иууылдæр уыдысты карантины, уымæн æмæ æрцæуæггæгтæ иууылдæр цыдысты ууылты.

10
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

6
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

6
Уӕззау рӕстӕг: куыд кусы Тагъд ӕххуыс Цхинвалы

Уӕззау рӕстӕг: куыд кусы Тагъд ӕххуыс Цхинвалы

13
(ранӕуӕггонд 22:08 23.10.2020)
Тагъд ӕххуысы службӕйы куысты егъау гуырахстӕн бамбарӕн ис сӕ хӕдтулгӕты змӕлдӕй горӕты, столицӕйы уынгтыл азилгӕйӕ ӕнӕмӕнг фембӕлдзынӕ дохтырты бригадӕтыл

ЦХИНВАЛ, 23 окт — Sputnik, Плиты Фатимӕ. Хуссар Ирыстоны тагъд ӕххуысы станцы медиктӕ кусынц уӕлвӕткон уавӕрты. Дохтырты бахъӕуы ӕртӕ суткӕ фӕд-фӕдыл кусын.

Тагъд ӕххуысы дохтыр Ӕрсойты Дианайы ныхӕстӕм гӕсгӕ, бригадӕтӕ станцмӕ цӕуынц ӕрмӕст сӕ хызынтӕ медикаменттӕй баххӕст кӕнынмӕ.

"Тынг бирӕ нӕм сидынц, бирӕ ис коронавирусӕй рынчынтӕ. Абон дӕр фӕхӕццӕ кодтам рынчындонмӕ сылгоймагджы уӕззау уавӕры, кӕцыйӕн йӕ рӕуджыты 60% джиздард сты, ис ын сӕкӕрниз. Фӕлӕ ма уыимӕ иумӕ бирӕ адӕм тасӕй дӕр дзурынц 37,5 тӕвдимӕ",- загъта дохтыр.

Фӕстаг ӕртӕ къуырийы сарӕх сты коронавирусӕй рынчынтӕ, зынгӕ фӕфылдӕр ис тагъд ӕххуысы службӕйы куыст, уыимӕ иумӕ ма ис рынчынтӕ медикты хсӕн дӕр.

"Мӕ къӕхтыл ма тыххӕй лӕууын. Ӕртӕ суткӕ кусын ӕнӕрлӕугӕйӕ. Афтӕ кусынц мӕ коллегатӕ дӕр. Иу бон хъуамӕ баулӕфон ӕмӕ та уый фӕстӕ рахидзӕн радгӕсмӕ. Нӕ дохтыртӕй ӕртӕ рынчын сты, уымӕ гӕсгӕ аннӕты куыст фӕфылдӕр ис. Ӕппынӕдзух нӕм кусы цыппар бригадӕ. Алкӕцы дохтыр дӕр адӕм ӕмӕ нӕ сӕйраг дохтыры ӕфсӕрмӕй кусы уӕлвӕткон режимы", - бафтыдта медик.

Дохтыры ныхӕстӕм гӕсгӕ, хъахъхъӕнӕг ӕрмӕгӕй сты ӕххӕст. Коронавирусы апарахаты масштаб хынцгӕйӕ тагъд ӕххуысы службӕ рынчындонмӕ кӕнынц ӕрмӕст уӕззау рынчынты.

"Уӕззау рынчын чи нӕу, уыдонӕн дӕттӕм рекомендацитӕ ӕмӕ сӕ радтӕм фадыгон дохтыры бӕрнмӕ", - загъта дохтыр.

Ӕрсойты Диана ма бахахх кодта, фӕстаг ӕртӕ къуыри нырма рынчынты ӕмӕ рбадзырдты нымӕц кӕй хизы уӕлӕмӕ.

"Иууыл тынгдӕр тыхсӕм ӕнӕрлӕугӕ куыстӕй. Улӕфынӕн иу уысм дӕр рӕстӕг нӕй. Ӕхсӕв цъус вӕййы сабырдӕр", - загъта Ӕрсойты Диана.

Дохтыры ныхӕстӕм гӕсгӕ, сӕ службӕ тыхсы ӕрмӕст дохтырты цухдзинадӕй, астӕуккаг медперсонал фаг кӕны.

"Тагъд ӕххуысы сӕйраг дохтыр бахатыд, цӕмӕй нӕм фӕкӕсой кадртӕй, фӕлӕ нырма фарст скъуыддзаг нӕу", - бафтыдта уый.

13