Коронавирус

Хуссар Иры фӕфылдӕр коронавирусӕй рынчынты нымӕц

5
(ранӕуӕггонд 11:41 29.09.2020)
Уӕрӕсеимӕ арӕны баконды фӕстӕ сбӕрӕг кодтой ног рынчынты. Хицауады бӕрӕггӕнӕнтӕм гӕсгӕ, ӕрмӕст фыццаг бонты арӕны сӕртыл ахызтысты цалдӕр мин адӕймаджы

ЦХИНВАЛ, 29 сен – Sputnik, Козаты Диана. Ивгъуыд суткӕйы цы тесттӕ ауагътой, уыдонӕй иу радта ӕвӕрццаг фӕстиуӕг, фехъусын кодта Хуссар Ирыстоны сӕйраг санитарон дохтыр Коцты Марина.

Сылгоймаг, кӕцыйӕн рабӕрӕг кодтой коронавирус, ссис 95-ӕм фӕрынчынуӕвӕг, кӕцыты сбӕрӕг кодтой коронавирусы пандемийы рӕстӕджы.

"Ивгъуыд суткӕйы сарӕзтой 23 тесты, уыдонӕй иу радта ӕвӕрццаг фӕстиуӕг", - загъта Коцты Марина.

Йӕ ныхӕстӕм гӕсгӕ, коронавирусӕй алкӕцы рынчыны нӕ арвитынц стационармӕ хос кӕнынмӕ.

"Уый сбӕрӕг кӕнынц низы формӕмӕ гӕсгӕ. Алкӕйдӕр инфекцион хайадмӕ ӕрвитын ӕнӕмӕнг нӕу", - банысан кодта Югосетпотребнадзоры сӕргълӕууӕг.

Коцты Маринайӕн йӕхицӕн дӕр рабӕрӕг кодтой коронавирус, Югосетпотребнадзоры сӕргълӕууӕг ацыд куысты дистанцион режиммӕ. Уый размӕ инфекци сбӕрӕг кодтой йӕ хӕдивӕг Гаглойты Аннайӕн.

5
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2