Хуссар Ир ӕмӕ Абхазы ФХМ сӕргълӕуджытӕ сфидар кодтой консультациты нывӕзт дыууӕ азмӕ

Хуссар Ир ӕмӕ Абхазы ФХМ сӕргълӕуджытӕ сфидар кодтой консультациты нывӕзт дыууӕ азмӕ

4
Хуссар Ирыстоны фӕсарӕйнаг хъуыддӕгты министр ӕрцыд Абхазмӕ кусӕгон балцы, кӕцыйы рӕстӕджы фембӕлд республикӕйы президент ӕмӕ ФХМ сӕргълӕууӕгимӕ

ЦХИНВАЛ, 29 сен - Sputnik. Хуссар Ирыстоны фӕсарӕйнаг хъуыддӕгты министры хӕстӕ ӕххӕстгӕнӕг Медойты Дмитрий ӕмӕ йӕ абхазаг коллегӕ Даур Кове бафыстой консультациты нывӕзт республикӕйы уагдӕтты хсӕн 2021-2022 азтӕм. Документ бафыстой Фӕсарӕйнаг хъуыддӕгты министрӕдты (ФХМ) сӕргълӕуджыты фембӕлды рӕстӕджы Сухумы къуырисӕры, хъусын кӕны РХИ ӕддагполитикон уагдоны пресс-службӕ.

"Баныхасы рӕстӕджы фарсытӕ ӕрдзырдтой дыууӕварсон ӕмгуыстады ныры уавӕр ӕмӕ райрӕзты преспективӕтыл, загътой сӕ хъуыды актуалон проблемӕты фӕдыл, сӕ нымӕцы Хӕххон Карабахы конфликт", - банысан кодтой ФХМ.

Уымӕй дарддӕр, кусӕгон балцы рӕстӕджы Медойты Дмитрийы райста республикӕйы президент Аслан Бжания. "Фарсытӕ ӕрдзырдтой Хуссар Ирыстон ӕмӕ Абхазы хсӕн ӕмгуыстады фарстытыл", - банысан кодтой пресс-службӕйы.

4
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

0
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

0
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4