Мегафон

Аргъæвтой, фæлæ рæстæгмæ: "Остелеком" нырма нæ фæфылдæр кæндзæн тарифты æргътæ

9
(ранӕуӕггонд 13:49 29.09.2020)
Компанийы тарифон политикæйы ивындзинæдтæ сæ тыхы хъуамæ бацыдаиккой 5 октябры, архивон тарифты лæггæдты аргъ фæфылдæр уыдаид дыууæ хаттæй фылдæр

ЦХИНВАЛ, 29 сен – Sputnik, Козаты Диана. Хуссар Ирыстоны мобилон бастдзинады иунæг оператор аскъуыддзаг кодта аргъæвын архивон тарифты лæггæдты æргъты фæфылдæр, кæцыйы тыххæй æрæджы фехъусын кодта компани. Фæлæ, уымæ æнæкæсгæйæ, "Мегафон" уынаффæ кæны абоненттæн ныридæгæн райдайын æвзарын фидæны тарифон план.

Ивгъуыд къуырийы компани фехъусын кодта, тарифтæн "Отличный", "Южный", "Универсальный" æмæ "Универсальный VIP", кæцытæ нымад цæуынц архивонтыл, кæй фæфылдæр уыдзысты сæ лæггæдты æргътæ. Компанийы тарифон политикæйы ивындзинæдтæ сæ тыхы хъуамæ бацыдаиккой 5 октябры, архивон тарифты лæггæдты аргъ фæфылдæр уыдаид дыууæ хаттæй фылдæр.

Чырон операторы æхсæнад уайтагъддæр фæкодта критикæйы бын. Кæцыдæр æмбæстæгтæ æгæрыстæмæй æнхъардтой æрæмбырд кæнын инициативон къорд æмæ тæрхондонмæ бадæттын монополистыл.

Дыццæджы æхсæнадимæ бастдзинæдты фæдыл специалист Бежанты Зæринæ фехъусын кодта, æргъты фæфылдæр кæй аргъæвтой цавæрдæр рæстæгмæ.

"Дæс азæй фылдæры размæ арæзт тарифтæн "Отличный", "Южный", "Универсальный" æмæ "Универсальный VIP" æргътæ сæвæрдæуыд æндæр экономикон уавæрты, ныр та уыдон ахызтысты архивонты категоримæ. Уыдон мобилон оператор систа базарадæй æмæ æрцæудзысты æхгæд", - радзырдта компанийы минæвар.

Йæ ныхæстæм гæсгæ, кæд ныртæккæ ацы тарифон планты æргъты фæфылдæр аргъæфтой, уæддæр уый фæстæдæр уыдзæн æнæмæнгæй. Уымæ гæсгæ, уынаффæ кæнынц абоненттæн ныридæгæн райдайын æвзарын фидæны тарифон план.

9
Магкоты Соня

Хуссар Ирыстоны йӕ цардӕй ахицӕн Стыр Фыдыбӕстон хӕсты ветеран

0
(ранӕуӕггонд 13:08 28.10.2020)
Хуссар Ирыстоны ацы аз майы сӕ цардӕй ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 окт — Sputnik, Козаты Диана. Хуссар Ирыстоны 95-аздзыдӕй йӕ цардӕй ахицӕн Стыр Фыдыбӕстон хӕсты ветеран Магкоты Соня, фехъусын кодта Sputnik Ветеранты советы сӕргълӕууӕг Бесаты Вячеслав.

Хуссар Ирыстоны ацы аз сӕ цардӕй ахицӕн сты ӕртӕ ветераны – Кокойты Григорий, Джергаты Василий ӕмӕ Арболишвилий Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Нӕ ветеранты нымӕц бонӕй бонмӕ къаддӕр кӕны. Ветеранты совет тӕфӕрфӕс кӕны бирӕнымӕц паддзахадон хорзӕхты кавалер Магкоты Соняйы мӕлӕты фӕдыл", - загъта Бесаты Вячеслав.

Магкоты Соня райгуырд 1925 азы бирӕсывӕллонджын бинонты Хуссар Ирыстоны Дзауы районы Хъодыбыны хъӕуы. 1943 азы фӕцис медицинон ахуыргӕнӕндон ӕмӕ йӕм фӕдзырдтой кусынмӕ эвакогоспитальмӕ, кӕцы уыд цхинвайлаг ӕртыккӕгӕм скъолайы.

Хуссар Ирыстоны баззад Стыр Фыдыбӕстон хӕсты ӕрмӕстдӕр фараст ветераны.

0
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2