Хуссар Иры арӕзт цӕуы бӕстӕйы кувӕндӕттӕ ӕмӕ мыггаджы мӕсгуыты реестр

Хуссар Иры арӕзт цӕуы бӕстӕйы кувӕндӕттӕ ӕмӕ мыггаджы мӕсгуыты реестр

27
(ранӕуӕггонд 16:59 01.10.2020)
"Стыр Ныхас"-ы бынӕттон хайады хъӕппӕрисӕй газет "Республика"-йы рацыд анкетӕтӕ, цӕй руаджы цӕрджытӕн сӕ бон у сӕ хайбавӕрд бахӕссын ацы куыстмӕ. Информаци ӕмбырд цӕудзӕн октябры кӕронмӕ

ЦХИНВАЛ, 1 окт — Sputnik, Плиты Фатимӕ. Хуссар Ирыстоны арӕзт цӕуы бӕстӕйы кувӕндӕттӕ ӕмӕ мыггаджы мӕсгуыты реестр. Ӕхсӕнадон змӕлд "Стыр Ныхас" сиды адӕммӕ, цӕмӕй фехъусын кӕной бӕстон зонӕнтӕ фарсты фӕдыл, фехъусын кодта Sputnik змӕлды Хуссар Ирыстоны хайады хистӕр Гаглойты Роберт.

"Стыр Ныхас"-ы бынӕттон хайады хъӕппӕрисӕй газет "Республика"-йы рацыд анкетӕтӕ, цӕй руаджы цӕрджытӕн сӕ бон у сӕ хайбавӕрд бахӕссын ацы куыстмӕ. Информаци ӕмбырды ӕмгъуыд нысан ӕрцыд октябры кӕронмӕ.

"Газеты руаджы апарахат кодтам сидт, цӕмӕй алчидӕр йӕ зонӕнтӕй баххӕст кӕна иумӕйаг ӕмбырдгӕнӕн. Зонӕнтимӕ анкетӕтӕ бахӕссын хъӕуы Зонад Иртасӕн инститиутмӕ. Ӕнгӕс куыст цӕуы Цӕгат Ирыстоны дӕр. Фыццаг рады уал хъӕуы ӕрӕмбырд кӕнын бӕрӕггӕнӕнтӕ, стӕй уый фӕстӕ та скъуыддзаг цӕудзӕн уый чиныджы хуызы рауадзыны фарст", - загъта Гаглойты Роберт.

Уый ма ӕрсидт ӕмархайдмӕ мыггаджы минӕвӕрттӕм.

Бӕстӕйы кувӕндӕтты иумӕйаг ӕмбырдгонд саразыны фарстыл ныхас цыд Ӕхсӕнадӕмон ӕхсӕнадон змӕлд "Стыр Ныхас"-ы X-ӕм уанелы 2018 азы 25 августы.

27
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2