Югосетпотребнадзор фехъусын кодта коронавирусы фӕдыл тестты фӕстиуджытӕ

© Sputnik / Григорий Сысоев /  Ахизын медиабанкмæКоронавирус
Коронавирус - Sputnik Хуссар Ирыстон
Рафыссын
Республикӕйы фӕстаг къуыри сбӕрӕг кодтой 12 рынчыны коронавирусӕй, уыдонӕн се 'рдӕг хоскӕнынад цӕуынц стационары

ЦХИНВАЛ, 2 окт – Sputnik, Козаты Диана. Хуссар Ирыстоны ивгъуыд суткӕйы сарӕзтой 18 тесты коронавирусы фӕдыл. Басгӕрсттӕ иууылдӕр радтой ӕппӕрццаг фӕстиуджытӕ, загъта Sputnik Югосетпотребнадзоры сӕргълӕууӕг Коцты Марина.

Вакцинаци - Sputnik Хуссар Ирыстон
Хуссар Иры райдайдзӕн гриппы ныхмӕ вакцинаци

Уӕрӕсеимӕ арӕны баконды фӕстӕ республикӕйы коронавирусӕй фӕрынчын сты 12 адӕймаджы.

"Ивгъуыд суткӕйы цы 18 тесты сарӕзтой, уыдон радтой ӕппӕрццаг фӕстиуджытӕ. Уавӕр нӕ фӕивта", - - загъта Коцты Марина.

Амӕй размӕ республикӕйы сӕйраг санитарон дохтыр ӕрсидт цӕрджытӕм, цӕмӕй ӕххӕст кӕной профилактикӕйы мадзӕлттӕ ӕмӕ низы рӕстӕджы дзурой дохтырмӕ хӕдзармӕ.

Афтӕ ма хъусын кодтой, Хуссар Ирыстоны столицӕйы республикон бирӕпрофилон медицинон центры сывӕллӕтты рынчындон кӕй цӕттӕ кӕнынц коронавирусон инфекцийы ныхмӕ тох кӕнынӕн. Медицинон уагдонӕн йӕ бон уыдзӕн райсын 100 рынчыны онг, фехъусын кодта Sputnik ӕнӕниздзинад хъахъхъӕнынады министры хӕдивӕг Цоциты Алла.

Ног хабӕртты лентӕ
0