Сæнæфсир

Цхинвалы сæндуцджытæ хонынц цæрджыты сæ тыллæджы бæрæгбонмæ

43
Сæнæфсиры тыллæг æмбырд кæныны бæрæгбон Цхинвалы цæуы ныр дыккаг аз. Мадзал адарддæр уыдзæн чысыл концерт æмæ ирон къæбицы аходæнтæй

ЦХИНВАЛ, 2 окт– Sputnik, Плиты Фатимæ. Хуссар Ирыстоны сæндуцæн амалиуæгадтæ хоныц тыллæг æмбырд кæныны бæрæгбонмæ. Сæнæфсиры тыллæджы æмæ ивгъуыд азы сæны равдыст æмæ дегустаци ацæудзæн сабаты столицæйы Ногдзауты паркы, цхинвайлаг кафетæй иуы фæзуатыл.

"Хуссар Ирыстоны сæндуцæн амалиуæгадтæй цалдæр бавдисдзысты сæ ацы азы тыллæг, дегустаци цæудзæн сæ рауагъдадты ивгъуыд азы сæн. Уымæй дарддæр ма тыллæг æмбырд кæныны бæрæгбоны уыдзæн чысыл концерт æмæ ирон къæбицы аходæнтæ", - загъта Sputnik сæндуцджыты ассоциацийы сæрдар Гаглойты Алан.

Уый бафтыдта, ноябыры та Цхинвалы кæй ацæудзæн æвзонг сæны бæрæгбон, уый суыдзæн æртыккаг мадзал столицæйы.

Ӕвзонг сӕны бӕрӕгбон "Божоле-нуво" фӕзынд Францийы 20 ӕнусы. Нысан ӕй кӕнынц ноябры ӕртыккаг цыппӕрӕмы, бӕрӕгбоны номдзыд лозунг у "Ног божоле ӕрцыд".

Ирон адæм сæны куыст кæнынц раг замантæй, фæлæ рауагъдадон масштабмæ Хуссар Ирыстон хизы фæстаг æзты. Райдыдтой базарадон нормæтæм гæсгæ уадзын продукци, уыдонæй кæцыдæртæ сæн экспорт кæнынц фæсарæнтæм. Хуссар Ирыстоны уагъд базарадон маркæтæ азы райдайæны расгуыхтысты Уæрæсейы егъау ӕхсӕнадӕмон форум "Продэкспо"-йы.

43
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдоны сифтонг кӕндзысты туаггуырӕй

3
(ранӕуӕггонд 17:09 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

3
Афтиаг

Хуссар Иры ӕхсӕнадон бынӕтты бакодтой маскӕйон режим

4
(ранӕуӕггонд 17:00 22.10.2020)
Профилактикон мадзӕлттӕ не ‘ххӕст кӕныны тыххӕй базарадон объекттӕ ӕмӕ ӕндӕр ӕхсӕнадон уагдӕтты къухдариуӕггӕнджытӕ цӕудзысты ивар, бафӕдзӕхстой Югосетпотребнадзоры

ЦХИНВАЛ, 22 окт – Sputnik, Козаты Диана. Хуссар Ирыстоны ӕхсӕнадон бынӕттӕм нал ис гӕнӕн цӕуын ӕнӕ хъахъхъӕнӕн медицинон маскӕтӕй. Ахӕм скъуыддзаг рахаста Югосетпотребнадзор, фехъусын кодта уагдоны сӕргълӕууӕг Коцты Марина.

Йӕ ныхӕстӕм гӕсгӕ, уагдоны кусджытӕ уадзынц рейдтӕ базарадон объекты, уыдон хицӕутты ӕмӕ кусджыты фӕдзӕхсынц маскӕйон режимы ӕнӕмӕнгхъӕуӕгдзинады тыххӕй.

"Фӕстаг хатт ма сӕ фӕдзӕхсӕм, сӕхӕдӕг дӕр маскӕты кӕй хъуамӕ кусой ӕмӕ ӕлхӕнджыты дӕр ӕнӕ маскӕтӕй кӕй ма уадзой, уый тыххӕй. Маскӕйы режим халыны тыххӕй уыдон хӕсдзысты бӕрндзинад", - загъта Коцты Марина.

Сӕйраг санитарон дохтыр ма банысан кодта социалон бӕрндзинады стыр нысаниуӕг дӕр, кӕцы хъуамӕ хӕсса алкӕцы адӕймаг дӕр.

"Мах ӕрмӕст уымӕй дӕр бирӕ фӕхуыздӕр кӕндзыстӕм уавӕр. Баххуыс кӕндзыстӕм нӕ дохтыртӕн, уымӕн ӕмӕ рекомендацитӕ ӕххӕстгӕнгӕйӕ къаддӕр адӕм рынчын кӕндзӕн", - бафтыдта уый.

Республикӕйы сӕхгӕдтой карантиныл скъолатӕ, ХИПУ ӕмӕ цалдӕр сабидоны, ӕдасдзинады мадзӕлттӕ райстой бюджетон организациты, кӕцыты ис коронавирусӕй рынчынтӕ.

4