Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ

Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ

8
(ранӕуӕггонд 16:32 02.10.2020)
Дыууӕбонон кусӕгон балцы программӕйы ис фембӕлд президент Бибылты Анатолиимӕ, уазӕгдон "Ирыстон"-ы баконды хайадист, республикӕйы къухдариуӕгадимӕ ӕрныхас социалон-экономикон ӕмгуыстады фарстытыл

ЦХИНВАЛ, 2 окт - Sputnik. Уӕрӕсейы делегацийы кусӕгон балц Хуссар Ирыстонмӕ экономикон райрӕзты министры хӕдивӕг Михаил Бабичы сӕргълӕудӕй райдыдта Мидхъуыддӕгты министрады (МХМ) Информацион-координацион центры (ИКЦ) бӕстыхай бабӕрӕг кӕнынӕй.

Уазджытӕ уым федтой лаборатори ӕмӕ базонгӕ сты криминалистон хыгъдтӕ ӕмӕ экспертизӕйы хайады куыстимӕ.

  • Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ
    Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ
    © Sputnik / Залина Кулумбегова
  • Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ
    Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ
    © Sputnik / Залина Кулумбегова
  • Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ
    Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ
    © Sputnik / Залина Кулумбегова
1 / 3
© Sputnik / Залина Кулумбегова
Уӕрӕсейы экономикон райрӕзты министры хӕдивӕг ӕрцыд кусӕгон балцы Хуссар Ирмӕ

Балцы программӕйы ис фембӕлд президент Бибылты Анатолиимӕ, Инвестпрограммӕйы объекттӕ ӕмӕ МХМ Информацион-координацион центр бабӕрӕг кӕнын, афтӕ ма уазӕгдон "Ирыстон"-ы бӕрӕгбонон баконды хайадист.

Уымӕй дарддӕр, уӕрӕсейаг делегаци ауадздзӕн рабадт республикӕйы къухдариуӕгадимӕ дыууӕ бӕстӕйы социалон-экономикон ӕмгуыстады фарстыты фӕдыл.

Михаил Бабич февралӕй фӕстӕмӕ йӕ хъус дары Цӕгат Кавказы социалон-экономикон райрӕзты фарстытӕм. Уый размӕ ацы хӕслӕвӕрдтӕ уыдысты Цӕгат Кавказы хъуыддӕгты фӕдыл министрадӕн.

8
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

7
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

7
Уӕззау рӕстӕг: куыд кусы Тагъд ӕххуыс Цхинвалы

Уӕззау рӕстӕг: куыд кусы Тагъд ӕххуыс Цхинвалы

13
(ранӕуӕггонд 22:08 23.10.2020)
Тагъд ӕххуысы службӕйы куысты егъау гуырахстӕн бамбарӕн ис сӕ хӕдтулгӕты змӕлдӕй горӕты, столицӕйы уынгтыл азилгӕйӕ ӕнӕмӕнг фембӕлдзынӕ дохтырты бригадӕтыл

ЦХИНВАЛ, 23 окт — Sputnik, Плиты Фатимӕ. Хуссар Ирыстоны тагъд ӕххуысы станцы медиктӕ кусынц уӕлвӕткон уавӕрты. Дохтырты бахъӕуы ӕртӕ суткӕ фӕд-фӕдыл кусын.

Тагъд ӕххуысы дохтыр Ӕрсойты Дианайы ныхӕстӕм гӕсгӕ, бригадӕтӕ станцмӕ цӕуынц ӕрмӕст сӕ хызынтӕ медикаменттӕй баххӕст кӕнынмӕ.

"Тынг бирӕ нӕм сидынц, бирӕ ис коронавирусӕй рынчынтӕ. Абон дӕр фӕхӕццӕ кодтам рынчындонмӕ сылгоймагджы уӕззау уавӕры, кӕцыйӕн йӕ рӕуджыты 60% джиздард сты, ис ын сӕкӕрниз. Фӕлӕ ма уыимӕ иумӕ бирӕ адӕм тасӕй дӕр дзурынц 37,5 тӕвдимӕ",- загъта дохтыр.

Фӕстаг ӕртӕ къуырийы сарӕх сты коронавирусӕй рынчынтӕ, зынгӕ фӕфылдӕр ис тагъд ӕххуысы службӕйы куыст, уыимӕ иумӕ ма ис рынчынтӕ медикты хсӕн дӕр.

"Мӕ къӕхтыл ма тыххӕй лӕууын. Ӕртӕ суткӕ кусын ӕнӕрлӕугӕйӕ. Афтӕ кусынц мӕ коллегатӕ дӕр. Иу бон хъуамӕ баулӕфон ӕмӕ та уый фӕстӕ рахидзӕн радгӕсмӕ. Нӕ дохтыртӕй ӕртӕ рынчын сты, уымӕ гӕсгӕ аннӕты куыст фӕфылдӕр ис. Ӕппынӕдзух нӕм кусы цыппар бригадӕ. Алкӕцы дохтыр дӕр адӕм ӕмӕ нӕ сӕйраг дохтыры ӕфсӕрмӕй кусы уӕлвӕткон режимы", - бафтыдта медик.

Дохтыры ныхӕстӕм гӕсгӕ, хъахъхъӕнӕг ӕрмӕгӕй сты ӕххӕст. Коронавирусы апарахаты масштаб хынцгӕйӕ тагъд ӕххуысы службӕ рынчындонмӕ кӕнынц ӕрмӕст уӕззау рынчынты.

"Уӕззау рынчын чи нӕу, уыдонӕн дӕттӕм рекомендацитӕ ӕмӕ сӕ радтӕм фадыгон дохтыры бӕрнмӕ", - загъта дохтыр.

Ӕрсойты Диана ма бахахх кодта, фӕстаг ӕртӕ къуыри нырма рынчынты ӕмӕ рбадзырдты нымӕц кӕй хизы уӕлӕмӕ.

"Иууыл тынгдӕр тыхсӕм ӕнӕрлӕугӕ куыстӕй. Улӕфынӕн иу уысм дӕр рӕстӕг нӕй. Ӕхсӕв цъус вӕййы сабырдӕр", - загъта Ӕрсойты Диана.

Дохтыры ныхӕстӕм гӕсгӕ, сӕ службӕ тыхсы ӕрмӕст дохтырты цухдзинадӕй, астӕуккаг медперсонал фаг кӕны.

"Тагъд ӕххуысы сӕйраг дохтыр бахатыд, цӕмӕй нӕм фӕкӕсой кадртӕй, фӕлӕ нырма фарст скъуыддзаг нӕу", - бафтыдта уый.

13