УФ-йы вузты курсанттӕ Хуссар Ирӕй бахордтой ард Цхинвалы

УФ-йы вузты курсанттӕ Хуссар Ирӕй бахордтой ард Цхинвалы

14
(ранӕуӕггонд 09:52 05.10.2020)
Хуссар Ирыстоны скъолаты 20 рауагъдонs ацы аз сcисты Уӕрӕсейы ахуыргӕнӕндӕтты курсанттӕ, фондз азы фӕстӕ уыдон баххӕст кӕндзысты барадхъахъхъӕнӕг органты рӕнхъытӕ. Хуыцаубоны уыдон ард бахордтой Ирыстонӕн иузӕрдион кӕй службӕ кӕндзысты

ЦХИНВАЛ, 4 окт - Sputnik, Плиты Фатимæ. Цхинвалы Кады Аллейы мидхъуыддӕгты министрады курсанттӕ ард бахордтой райгуырӕн бӕстӕйы хӕрзӕбонӕн архайын.

Приведение к присяге курсантов МВД
© Sputnik / Фатима Плиева
Приведение к присяге курсантов МВД

Цытджын церемонимӕ улӕфт бон ӕрбацыд Республикӕ ӕмӕ МХМ-йы разамынад, курсантты ныййарджытӕ ӕмӕ ӕввахс адӕм, барадхъахъхъӕнӕг органты ветерантӕ.

Хуссар Ирыстоны фӕсивӕды 20 минӕвары фондз азы дӕргъы ахуыр кӕндзысты Уӕрӕсейы ахуыргӕнӕндӕтты. Сӕ нымӕцы ис чызджытӕй дӕр.

"Бацыдтӕн Новгороды МХМ-йы академимӕ. Нӕ бинонты нӕй милицӕйы кусджытӕ, мӕхи фӕндон уыд ахӕм хахх равзарын. Фӕнды мӕ ӕдасдзинад хъахъхъӕнын нӕ республикӕйы", - загъта Sputnik курсант Гӕджиты Ада.

Ахуырмӕ бацыды фӕдыл арфӕтӕ ӕмӕ фӕндиагтӕ курсанттӕн загъта паддзахады разамонӕг Бибылты Анатолий.

"Фондз азы фӕстӕ уӕм ӕнхъӕлмӕ кӕсӕм фидар зонындзинӕдтӕ ӕмӕ куысты равгимӕ офицеры цины. Уӕззау рӕстӕджы иу уӕ зӕрдыл ӕрдарут уӕ ныййарджытӕ ӕмӕ уӕ райгуырӕн бӕстӕ, уый уӕ бауромдзӕн рӕдыд саразынӕй. Уырны мӕ, мах та уӕ кӕй уыдзыстӕм сӕрыстыр", - загъта президент.

Курсанттӕн сӕ фӕндӕгтӕ загътой МХМ-йы хистӕры хӕстӕ ӕххӕстгӕнӕг Пухаты Мераб ӕмӕ МХМ-йы ветерантӕ, арфӕтӕ кодтой ныййарджытӕ ӕмӕ сӕхӕдӕг фӕсивӕд.

Цытджын церемонийы фӕстӕ иу уысм ӕдзӕмӕй лӕугӕйӕ ссардтой барадхъахъхъӕнӕг органты минӕвӕрттӕй сӕ хӕстӕ ӕххӕстгӕнгӕйӕ чи фӕмард, уыдон рухс нӕмттӕ, дидинтӕ сӕвӕрдтой Ӕнусон арты цур.

Приведение к присяге курсантов МВД
© Sputnik / Фатима Плиева
УФ-йы вузты курсанттӕ Хуссар Ирӕй бахордтой ард Цхинвалы
14
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4