Бибылты Анатолий

Бибылты Анатолий: Хуссар Иры ахуыргӕнджытимӕ баст у республикӕйы фидӕн

11
(ранӕуӕггонд 10:30 05.10.2020)
Хуссар Ирыстоны нысан кӕнынц ахуыргӕнджытӕ ӕмӕ педагогон фӕллойады ветеранты профессионалон бӕрӕгбон, уый фӕдыл сын раарфӕ кодта республикӕйы президент

ЦХИНВАЛ, 5 окт - Sputnik. Хуссар Ирыстоны ахуыргӕнджыты дӕсниад ӕмӕ курдиат бӕрӕг кӕны рӕзгӕ фӕлтӕры арӕзтад, ӕмӕ уыимӕ иумӕ республикӕйы фидӕн дӕр, дзырдӕуы президент Бибылты Анатолийы арфӕйы.

Паддзахады сӕргълӕууӕг куыд банысан кодта, афтӕмӕй ахуырад у иунӕг фӕндаг райрӕзтмӕ, ӕмӕ хорз ахуыргӕнджытӕ ӕххуыс кӕнынц сывӕллӕттӕн равзарын нысан сӕ фидӕны цардмӕ.

"Сымах сывӕллӕтты ӕрмӕст ахуыр нӕ кӕнут, фӕлӕ ма сӕ хъомыл дӕр кӕнут, цӕмӕй уой цӕсгомджын, кад кӕной кӕрӕдзийӕн ӕмӕ дзуапп дӕттой сӕ архӕйдтытӕн. Уӕ курдиат ӕмӕ дӕсниадимӕ баст у рӕзгӕ фӕлтӕры профессионалон арӕзтад. Стыр бузныг уын уӕ бӕрнон куысты тыххӕй", - хъусын кӕны президенты ныхӕстӕ йӕ пресс-службӕ.

Паддзахады сӕргълӕууӕг фидарӕй загъта, ахуыргӕнджытӕ дарддӕр дӕр пайдаджын куыст кӕй кӕндзысты ӕмӕ сӕ зонындзинӕдтӕ дӕтдзысты нӕ фӕсивӕдӕн.

11
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

0
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

0
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4