Мессенджер WhatsApp

"Мегафон" фӕасламдӕр кодта роуминг Хуссар ӕмӕ Цӕгат Иры абоненттӕн

22
(ранӕуӕггонд 12:20 06.10.2020)
"Остелеком"-ы банысан кодтой, Хуссар Ирыстон ӕмӕ Уӕрӕсеимӕ арӕны байгомы фӕстӕ та компанийы абоненттӕн ногӕй кӕй сты актуалон пайдаджын бастдзинады уавӕртӕ

ЦХИНВАЛ, 5 окт – Sputnik, Козаты Диана. Чырон компани "Мегафон" ӕмӕ ЗАО "Остелеком"-ы абоненттӕн 5 октябрӕй кусын райдыдтой ног тарифтӕ роумингы уӕвгӕйӕ.

Компанийы радзырдтой, арӕнӕй ахизгӕйӕ абонентӕн кӕй уыдзӕн фадат пайда кӕнын хӕдзарон роумингы уавӕрты, боны мидӕг лӕггӕдты пакеты аргъ фӕкъаддӕр 99 сомы онг. Уыдон иу сфысдзысты ӕрмӕстдӕр уӕд, кӕд ӕмӕ мобилон бастдзинадӕй пайда кӕной.

"Абонент куы баиу кӕна опци "Просто роуминг", уӕд йӕ бастдзинады аргъ уыдзӕн ӕрмӕстдӕр 9,9 сомы иу минуты мидӕг, радзӕр уыд 16 сомы. 1 МБ интернет дӕр роумингы слӕудзӕн 9,9 сомы", - банысан кодтой компанийы.

Уым ма банысан кодтой, Хуссар Ирыстон ӕмӕ Уӕрӕсеимӕ арӕны байгомы фӕстӕ та компанийы абоненттӕн ногӕй кӕй сты актуалон пайдаджын бастдзинады уавӕртӕ.

22
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2