Бекъойты Хох равдисдзæ йæ ног коллекци комкоммæ эфиры

Æлдæртты музейы фоныл: Бекъойты Хох равдисдзæн йæ ног коллекци онлайн режимы

56
(ранӕуӕггонд 15:45 07.10.2020)
Равдысты фæзуат мастерæн ацы хатт ссис Хуссар Ирыстоны Ерыстау æлдæртты музей, модельтæй ралæууыдысты театр æмæ ансамблы артисттæ

ЦХИНВАЛ, 7 окт— Sputnik, Плиты Фатимæ. Хуссарирыстойнаг дизайнер Бекъойты Хох йæ ног коллекци равдисдзæн бынæттон телеуынынады эфиры, фехъусын кодта Sputnik йæхæдæг дизайнер.

Равдыст развæлгъау ист æрцыд, подиумæн мастер равзæрста Ленингоры районы Ерыстау æлдæртты музей. Модельеры ныхæстæм гæсгæ, дунейы коронавирусы апарахаты тасæй равдысттæ цæуынц онлайн форматы.

"Dolce&Gabbana æмæ Chanel сарæзтой равдысттæ, уыдон кæсджыты сбадын кодтой æнæниздзинад хъахъхъæнынады æппæтдунейон организацийы домæнтæм гæсгæ. Равдысттæ æмæ æгæрыстæмæй конкурстæ дæр цæуынц онлайн хуызы ", - загъта Бекъойты Хох.

Дунейы фæлтæрддзинадмæ йæ цыппæрæм коллекциимæ бамбал ис хуссарирыстойнаг дизайнер дæр.

Показ новой коллекции Хоха Бекоева в музее князей Эриставов
Из архива Хоха Бекоева
Бекъойты Хох равдисдзæ йæ ног коллекци комкоммæ эфиры

"Ацы бынат рагæй цыд мæ зæрдæмæ, фæлæ уым равдыст саразыны фадат нæ уыд, уымæ гæсгæ мын мæ тырнынад сæххæст кæнынæн феххуыс ис пандеми. Ам систон мæ равдыст", - бафтыдта уый.

Коллекци уалдзæг-сæрд 2021 "Богема" конд у 20 look-æй, йе сфæлдисæг æй хоны хъарм ахорæнты дарæс.

"Кусын ыл райдыдтон карантины размæ, фæлæ йыл куыст куыд цыд, афтæ дзы бахъуыд аивын. Сарæзтон æй стиль "богемный шик"-ы". Аксессуартæ дæр сты къухæй конд", - банысан кодта дизайнер.

Показ новой коллекции Хоха Бекоева в музее князей Эриставов
Из архива Хоха Бекоева
Бекъойты Хох равдисдзæ йæ ног коллекци комкоммæ эфиры

Коллекцийы равдысты архайдтой Хуссар Ирыстоны паддзахадыон театры æмæ паддзахадон ансамбль "Симд"-ы артисттæ.

"Пандемийы фæдыл дунейы цы ивындзинæдтæ æцæуы, уый аххосæй мæ бон нæ бацис фæхонын модельты агентад. Уымæ гæсгæ модельтæй фæхуыдтон ме 'мбал чызджытæ, актрисатæ æмæ ансамблы кафджыты", - балхынцъ кодта уый.

Хуссар Иры ПТРК "Ир" эфриы равдыст рацæудзæн сабаты изæры информацион рауагъд "Абон"-ы фæстæ.

Показ новой коллекции Хоха Бекоева в музее князей Эриставов
Из архива Хоха Бекоева
Бекъойты Хох равдисдзæ йæ ног коллекци комкоммæ эфиры
56
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

1
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
1
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2