Æфснайæн техникæ къуыхцы кæны фæндагон змæлд Цхинвалы

Æфснайæн техникæ къуыхцы кæны фæндагон змæлд Цхинвалы уынгты

74
(ранӕуӕггонд 09:23 08.10.2020)
Фæстаг æзты Хуссар Иры æнæрлæугæ рæзты хæдтулгæты нымæц, Цхинвалы фæндæгтыл сæвзæры машинæты радтæ, проблемæ ма фæкарздæр кæны хæрзарæзтады управленийы æфснайæн техникæ

ЦХИНВАЛ, 7 окт — Sputnik, Плиты Фатимæ. Хуссар Ирыстоны столицӕйы райсом адӕм куыстытӕм ӕмӕ скъоладзаутӕ та ахуырмӕ куы фæтындзынц, раст уыцы афон централон уынгты ӕфснайӕн техникæ дӕр срӕвдз кӕны йӕ куыст. Уынгӕг фæндæгтыл ныллӕуы траспорты змӕлд. Цæрджытæ се 'нæразыдзинад æвдисынц æфснайыджыты æнафон активондзинадæй.

Фæстаг æзты Хуссар Иры æнæрлæугæ рæзы хæдтулгæты нымæц, чысыл Цхинвалы сæвзæры машинæты радтæ æмæ ма проблемæ ноджы фæкарздæр кæны хæрзарæзтады управленийы æфснайæн техникæ.

"Райсом раджы сывӕллӕттӕ кодтон Аивӕдты лицеймӕ, йӕ разы цӕхгӕр ныллӕуыд быронласӕн хӕдтулгӕ, уынгыл азмӕлӕн нал уыд. Ахӕм уавӕры фыццаг хатт нӕ бахаудтӕн. Ӕз рацардтæн Ростов ӕмӕ Мӕскуыйы, фæлæ ӕфснайджытӕ ӕмӕ сӕ техникæ никуы федтон бонӕй горæты", - загъта Цхинвалы цӕрӕг Уырызмӕг.

Уӕлдай тыхстдзинад ӕвзæрын кӕнынц быронласӕн егъау техникæ. Уыдон, шофырты ныхӕстӕм гӕсгӕ, централон уынгыл фӕндӕгтыл сӕвзӕрын кӕнынц пробкӕтӕ.

"Джиоты Аланы проспектыл фӕндаггӕрон лӕууынц такситӕ, сӕ цуры ноджы ӕруромы быронласӕн стыр хӕдтулгӕ ӕмӕ фӕндагыл сӕ фӕрсты маргъ дæр нал атæхдзæн. Хорз у кӕй ӕфснайынц, стыр бузныг сын, фӕлӕ йӕ тыхзмӕлды рӕстӕгмӕ цӕмӕн ӕрхӕссынц, уый диссаг у", - загъта Sputnik горæты аннæ цæрæг Джульетта.

Цхинвалы администрацийы пресс-службӕйы Sputnik радзырдтой, сæ дæлбар уæвæг хӕрзарӕзтады службӕ йӕ куыст кæй райдайы 5.30 сахатыл.

"Фӕззӕджы бӕлӕсты сыфтӕр кӕй згъӕлы, уымӕ гӕсгӕ сӕ куысты гуырахст фӕфылдӕр вӕййы ӕмӕ сӕ боныгон дӕр бахъӕуы рахизын горӕтмӕ", - банысан кодтой мэрияйы.

74
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4