Хицауады рабадт

Хуссар Иры хицауады ӕрдзырдтой ӕнӕниздзинад хъахъхъӕнынады фадыджы модернизацийыл

3
(ранӕуӕггонд 13:39 07.10.2020)
Ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий радзырдта, куыд цӕуы республикӕйы медицинон организациты централизаци

ЦХИНВАЛ, 7 окт - Sputnik. Хуссар Ирыстоны хицауады ӕрдзырдтой ӕнӕниздзинад хъахъхъӕнынады системӕйы модернизацийы фарстытыл, хъусын кӕны министрты кабинеты пресс-службӕ.

Фыццӕгӕм августӕй бахастой ивындзинӕдтӕ хицауады уынаффӕмӕ, кӕцытӕм гӕсгӕ горӕттӕ ӕмӕ районты медицинон ӕмӕ социалон уагдӕтты ракодтой Ӕнӕниздзинад хъахъхъӕнынады министрады юрисдикцимӕ. Уый размӕ уыдон уыдысты бынӕттон администрациты къухдариуӕгады бын. Республикӕйы президент бахӕс кодта фӕуын уагдоны структурӕйы реорганизацийы цӕттӕгӕнӕн куыстытӕ 15 октябры онг.

Ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий куыд фехъусын кодта, уымӕ гӕсгӕ ӕнӕмӕнгхъӕугӕ барадон документации ныридӕгӕн у цӕттӕ.

Премьер-министры хӕстӕ ӕххӕстгӕнӕг Бекъойты Геннадий банысан кодта, уагдоны централизаци кӕй сараздзӕн ӕмбӕлон уавӕртӕ Ӕнӕниздзинад хъахъхъӕнынады министрады хӕслӕвӕрдтӕ ӕххӕст кӕнынӕн.

"Хуссар Ирыстоны ӕнӕниздзинад хъахъхъӕнынады модернизаци ууыл нӕ фӕуыдзӕн, махмӕ ӕнхъӕлмӕ кӕсы дарддӕры куыст кадрон потенциалы райрӕзты фӕдыл, афтӕ ма материалон-техникон ӕмӕ хостӕй ифтонгад фӕхуыздӕр кӕныны фӕдыл", - бахахх кодта Бекъойты Геннадий.

Хицауады документмӕ гӕсгӕ, 2020 азы 1 ноябрӕй ӕнӕниздзинад хъахъхъӕнынады министрады дӕлбар рахиздзысты централон районон рынчындӕттӕ, дохтырты амбулаторитӕ, медикон-санитарон хайадтӕ ӕмӕ фельдшерон-акушерон пункттӕ, афтӕ ма ӕндӕр уагдӕттӕ ӕнӕниздзинад хъахъхъӕнынады фадыджы.

3
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4