Мото-автозгъорд Стыр Фыдыбӕстон хӕсты раритетон техникӕимӕ ацыд Цхинвалы

Мото-автозгъорд Стыр Фыдыбӕстон хӕсты раритетон техникӕимӕ ацыд Цхинвалы

8
Згъорды колоннӕйы уыдысты 30-ӕм ӕмӕ 40-ӕм азты фӕсарӕйнаг хӕдтулгӕтӕ, кӕцытӕ сретавраци кодтой энтузиасттӕ. Автозгъорды сӕргъ цыд мотоцикл "Урал" М-72

ЦХИНВАЛ, 8 окт – Sputnik, Гӕбӕраты Элина. Мото-автозгъорд Стыр Фыдыбӕстон хӕсты Уӕлахизы 75 азы ӕмӕ ХИПУ-йы 88 азы цытӕн ацыд цыппӕрӕмы Цхинвалы. Республикӕйы университеты централон бахизӕнӕй хӕсты рӕстӕджы хӕдтулгӕтӕ ӕмӕ мотоциклтӕ ацыдысты Каде Аллейы онг.

Авто-мотопробег к 75-летию Победы в Великой Отечественной войне и 88-летию ЮОГУ
© Sputnik / Наталья Айриян
Мото-автозгъорд Стыр Фыдыбӕстон хӕсты раритетон техникӕимӕ ацыд Цхинвалы

Студенттӕ, кӕцытӕ хайад истой мадзалы, уыдысты Стыр Фыдыбӕстон хӕсты рӕстӕджы ӕфсӕддон формӕйы ӕмӕ хӕцӕнгарзтимӕ, кӕцытӕ сын радта университеты музей.

Згъорды колоннӕйы уыдысты 30-ӕм ӕмӕ 40-ӕм азты фӕсарӕйнаг хӕдтулгӕтӕ, кӕцытӕ сретавраци кодтой энтузиасттӕ. Автозгъорды сӕргъ цыд мотоцикл "Урал" М-72.

Авто-мотопробег к 75-летию Победы в Великой Отечественной войне и 88-летию ЮОГУ
© Sputnik / Наталья Айриян
Мото-автозгъорд Стыр Фыдыбӕстон хӕсты раритетон техникӕимӕ ацыд Цхинвалы

Кады Аллейы советон солдатты рухс нӕмттӕ ссарынмӕ ӕрбацыд республикӕйы президент Бибылты Анатолий, афтӕ ма Уӕрӕсейы минӕварады кусджытӕ.

"Сӕйраджыдӕр, хъӕуы хъуыды кӕнын советон адӕмы хъайтардзинад, уыцы адӕмы фӕрцы мах абон цӕрӕм сабырдзинады. Сӕ фӕрцы мах ӕнкъарӕм, цы у патриотизм ӕмӕ уарзондзинад райгуырӕн бӕстӕмӕ", - загъта Бибылты Анатолий.

Президент загъта бузныг университеты ректоратӕн авто-мотозгъорд сорганизаци кӕныны тыххӕй.

Авто-мотопробег к 75-летию Победы в Великой Отечественной войне и 88-летию ЮОГУ
© Sputnik / Наталья Айриян
Мото-автозгъорд Стыр Фыдыбӕстон хӕсты раритетон техникӕимӕ ацыд Цхинвалы

ХИПУ ректор Тедеты Вадим фехъусын кодта журналисттӕн, автозгъорд иунӕг массон мадзал нӕу, кӕцы уадздзӕн ахуыргӕнӕндон.

"Ӕппӕт дуне нысан кӕны Стыр Фыдыбӕстон хӕсты уӕлахизы 75 азы юбилей. Махӕн ацы уӕлахизӕн ис уӕлдай нысаниуӕг, уымӕн ӕмӕ ирон адӕмы хайбавӕрд ацы хъуыддагмӕ алчидӕр зоны. Хъайтарты нымӕцмӕ гӕсгӕ мах стӕм фыццаг бынатыл. Ацы аз ма мах нысан кӕнӕм ХИПУ сӕвзӕрдыл 88 азы сӕххӕсты бӕрӕгбон. Уый у рӕсугъд датӕ, 11 октябры йӕ нысан кӕндзыстӕм", - загъта ректор.

Тедеты Вадим банысан кодта, азы кӕрон кӕй ацӕудзӕн этнографи ӕмӕ бӕстӕзонады музейы баконд Хуссар Ирыстоны паддзахадон университеты.

Авто-мотопробег к 75-летию Победы в Великой Отечественной войне и 88-летию ЮОГУ
© Sputnik / Наталья Айриян
Мото-автозгъорд Стыр Фыдыбӕстон хӕсты раритетон техникӕимӕ ацыд Цхинвалы
8
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

8
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
8
Хуссарирыстойнаг футболон командӕ Барсалан

Цхинвайлаг "Барсалан"-ы футболисттӕ фембылд сты дзӕуджыхъӕуккаг "Юность"-ӕн

5
(ранӕуӕггонд 16:41 19.10.2020)
Ерысты фаворитимӕ хъазты цхинвайлаг командӕйы сконды иунӕг пурти бакодта Хъӕцмӕзты Александр

ЦХИНВАЛ, 19 окт — Sputnik. Хуссарирыстойнаг футболон командӕ "Барсалан" Семеновы номыл турниры радон хъазты фембылдысты ерысты фаворит – дзӕуджыхъӕуккаг "Юность"-ӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.

Хъазт ацыд ивгъуыд улӕфт бонты Дзӕуджыхъӕуы ӕмӕ балхынцъ ис 4:1 хыгъдӕй.

"Ӕвзӕр нӕ хъазыдыстӕм, фӕлӕ бауагътам ӕртӕ пурти нӕ дуаргӕсы ӕнӕфидар хъазты тыххӕй. Дарддӕр кусдзыстӕм нӕ рӕдыдтытыл", - хъусын кӕны пресс-службӕ "Барсалан"-ы тренер Хъазиты Аланы ныхӕстӕ.

Комитеты бафтыдтой, зӕгъгӕ, цхинвайлаг командӕйы сконды иунӕг пурти бакодта Хъӕцмӕзты Александр.

5