Хуссар Иры иунӕг мобилон оператор бакодта ног интернет-опци

Хуссар Иры иунӕг мобилон оператор бакодта ног интернет-опци

6
(ранӕуӕггонд 16:01 08.10.2020)
Компани ЗАО "Остелеком" ("Мегафон-Хуссар Ирыстон") ӕнхъары абоненттӕн спайда кӕнын ног опцийӕ

ЦХИНВАЛ, 8 окт - Sputnik. "Мегафон-Хуссар Ирыстон" бакодта ног интернет-опци – ныр тарифон нывӕзт "Переходи на ноль"-ы  абоненттӕн фӕзындзӕн фадат баиу кӕнын интернет-опци "Будь онлайн", фехъусын кодта Sputnik компанийы ӕхсӕнадимӕ бастдзинӕдты фӕдыл специалист Бежанты Зӕринӕ.

Йӕ ныхӕстӕм гӕсгӕ, тарифон нывӕзты сӕйраг уӕлидзинад уыдзӕн абонентон фиддонтӕ дзы кӕй нӕ хъӕуы, уый. "Будь онлайн" опциимӕ тарифон нывӕзт уыдзӕн актуалон Интернетӕй активон пайдагӕнджытӕн дӕр.

"Опцийы сӕйраг трафик бахардз кӕныны фӕстӕ абонентӕн фӕзыны интернеты арӕнӕвӕрд 64 Кбит\сек онг. Опци баиу ӕмӕ раиу кӕнын ис гӕнӕн цыфӕнды рӕстӕджы дӕр. Компани 2020 азы апрелы среализаци кодта тарифон нывӕзт "Переходи на ноль" ӕнӕ абонентон фиддонтӕй ӕрвылминутон тарификациимӕ", - загъта Бежанты Зӕринӕ.

Уый ма бафтыдта, зӕгъгӕ, абонент опци куы баиу кӕна, уӕд ӕрвыл суткӕ йӕ бон уыдзӕн хардз кӕнын интернет-трафик 10 гб онг.

6
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4