Цхинвалы БАМ-ы цæрджытæ хъаст кæнынц экономон арæзтадæй

Уынгæг фæндаджы ныхмæ: Цхинвалы БАМ-ы цæрджытæ хъаст кæнынц экономон арæзтадæй

145
(ранӕуӕггонд 14:06 09.10.2020)
Егъау цæрæн пункты цæржытæ цæттæ кæнынц иумæйаг куырдиат, цæмæй æфсæддон городокмæ арзæт цæуæг фæндаг саразой уæрæхæр

ЦХИНВАЛ, 9 окт— Sputnik, Плиты Фатимӕ. Хуссар Ирыстоны столицӕйы БАМ-ы микрорайоны цӕрджытӕ рацыдысты Арӕзтады министрады фӕндагарӕзтады нывӕзты ныхмӕ. Адæм цӕттӕ кӕнынц иумӕйаг курдиат фӕндаджы рауӕрӕх кӕныны фӕдыл, проблемӕ аскъуыддзаг кæныны тыххӕй бахатыдысты сӕ депутатмæ дæр.

БАМ-ы микрорайоны афтӕ хуынгӕ ӕфсӕддон городокмӕ Инвестицион нывӕзты фӕлгӕты арӕзт цӕуы бацӕуӕн фӕндаг. 150 метры дӕргъӕн трассӕ егъау цӕрӕн пунктмӕ, цӕрджытӕ ныхӕстӕм гӕсгӕ, у ӕрмӕст ӕхсӕз метры фӕтӕнӕн, уӕрӕхдӕр саразынӕн бынат дæр фаг кӕны. Фæлæ йæ нæ аразынц.

Жители микрорайона БАМ протестут против сужения дороги у въезда в военный городок
© Sputnik / Фатима Плиева
Уынгæг фæндаджы ныхмæ:Цхинвалы БАМ-ы цæрджытæ хъаст кæнынц экономон арæзтадæй

"Дыууӕ хӕдтулгӕ дзы сӕрибарӕй нӕ ахиздзӕн кӕрӕдзи фӕрсты. Ам ӕвзӕрдзӕн хӕдтулгӕты радтӕ. Ӕхсӕз метры йӕ фӕтӕн у, метр ӕмӕ ӕрдӕг та фистӕгӕй цӕуджыты бынат, мах хъуыды у, цӕмӕй фӕндаг фӕуӕрӕхдӕр кӕной - иу ӕрдӕг метры йӕм уӕддӕр хъӕуы бафтауын. Стӕй фӕзилӕн дӕр ӕнӕхъуаджы у. Афганистаны ӕфсӕдтонты цыртмæ дӕр бахизӕн нал ис ",- загъта Sputnik районы цӕрӕг Цхуырбаты Аршак.

Микрорайоны аннӕ цӕрӕг Эльбрусы ныхӕстӕм гӕсгӕ, Афганистаны ӕфсӕдтонты цыртмӕ хӕстӕг сӕ хӕдтулгӕ фӕуромынц цыппӕрӕм ӕфсӕддон базӕйы службӕгӕнджытӕ.

"Уыдон сӕ транспорт ам фӕндаггӕрон куы бауромой, уӕд бынтон нал уыдзӕн ахизӕн. Ӕмбарӕм, уӕрӕхдӕр асфальт зынаргъдӕр лӕууы, фӕлӕ ахӕм экономи къух нӕ сараздзӕн", - загъта уый.

Арæзтадон куыстытæ ныридæгæн сты сæ тæмæны, фæндагыл ис ахуыр калд, æвæрд цæуынц бордюртæ, уымæй бæрæг сты фидæны фæндаджы кæронхаххтæ.

Жители микрорайона БАМ протестут против сужения дороги у въезда в военный городок
© Sputnik / Фатима Плиева
Уынгæг фæндаджы ныхмæ: Цхинвалы БАМ-ы цæрджытæ хъаст кæнынц экономон арæзтадæй

Фæндагарæзтадæй æнæразы адæм ныридӕгӕн цӕттӕ кӕны куырдиат къухфысттимӕ. Сӕ проблемӕйы тыххӕй фӕсидтысты депутатмӕ дӕр.

"Раст домӕнтӕ ис адӕмӕн. Сӕ фӕндаг сын суынгӕг кодтой. Фыццаг уал куырдиат бадӕтдзыстӕм арӕзтады министрадмӕ, кӕд уым хъуыддаг нӕ аскъуыддзаг уа, уӕд уӕлдӕр инстанцитӕм цӕудзыстӕм. Адӕмы домӕн хъуамӕ сӕххӕст кӕной", - загъта Sputnik районы депутат Сланты Иван.

Йӕ ныхӕстӕм гӕсгӕ, районы цӕры 400 бинонты бӕрц, ам ма уӕвынад кӕны цыппӕрӕм ӕфсӕддон базӕ дӕр.

Районы цӕрджытӕ сӕ проблемӕйы тыххӕй майрӕмбоны дзуапп нӕ райстой, арӕзтады министрады разамынд бынаты кӕй нӕй, уый аххосагӕй.

Жители микрорайона БАМ протестут против сужения дороги у въезда в военный городок
© Sputnik / Фатима Плиева
Уынгæг фæндаджы ныхмæ: Цхинвалы БАМ-ы цæрджытæ хъаст кæнынц экономон арæзтадæй
145
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

6
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
6
Хуссарирыстойнаг футболон командӕ Барсалан

Цхинвайлаг "Барсалан"-ы футболисттӕ фембылд сты дзӕуджыхъӕуккаг "Юность"-ӕн

5
(ранӕуӕггонд 16:41 19.10.2020)
Ерысты фаворитимӕ хъазты цхинвайлаг командӕйы сконды иунӕг пурти бакодта Хъӕцмӕзты Александр

ЦХИНВАЛ, 19 окт — Sputnik. Хуссарирыстойнаг футболон командӕ "Барсалан" Семеновы номыл турниры радон хъазты фембылдысты ерысты фаворит – дзӕуджыхъӕуккаг "Юность"-ӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.

Хъазт ацыд ивгъуыд улӕфт бонты Дзӕуджыхъӕуы ӕмӕ балхынцъ ис 4:1 хыгъдӕй.

"Ӕвзӕр нӕ хъазыдыстӕм, фӕлӕ бауагътам ӕртӕ пурти нӕ дуаргӕсы ӕнӕфидар хъазты тыххӕй. Дарддӕр кусдзыстӕм нӕ рӕдыдтытыл", - хъусын кӕны пресс-службӕ "Барсалан"-ы тренер Хъазиты Аланы ныхӕстӕ.

Комитеты бафтыдтой, зӕгъгӕ, цхинвайлаг командӕйы сконды иунӕг пурти бакодта Хъӕцмӕзты Александр.

5