Уӕрӕсеимӕ арӕн

Вирус ам ис: Хуссар Иры сӕйраг санитарон дохтыр арӕныл тобӕты тыххӕй

12
(ранӕуӕггонд 13:39 12.10.2020)
Республикӕйы пандемийы райдайӕнӕй сбӕрӕг кодтой 141 рынчыны коронавирусӕй, уыдонӕй 51 адӕймаджы – Уӕрӕсеимӕ арӕны баконды фӕстӕ

ЦХИНВАЛ, 12 окт – Sputnik, Козаты Диана. Хуссар Ирыстоны сӕйраг санитарон дохтыр Коцты Марина банысан кодта, ныры уавӕрты арӕны сӕхгӕд актуалон нал у.

Республикӕйы пандемийы райдайӕнӕй сбӕрӕг кодтой 141 рынчыны коронавирусӕй, уыдонӕй 51 адӕймаджы – Уӕрӕсеимӕ арӕны баконды фӕстӕ

"Арӕн сӕхгӕнынӕй ницы пайда уыдзӕн, уымӕн ӕмӕ вирус ӕрхӕццӕ ардӕм. Нытӕккӕ бирӕ баст у адӕмы социалон бӕрнимӕ", - загъта Коцты Марина йӕ интервьюйы Sputnik Хуссар Ирыстонӕн.

Уый банысан кодта, республикӕйы кӕй уадзынц эпидемиологон мадзӕлттӕ. Куы бахъӕуы, уӕд адӕмы арвитынц хисӕрмагонд изоляцимӕ, диагноз куы сбӕрӕг кӕнынц, уӕд та специалисттӕ бӕрӕг кӕнынц контактон гоймӕгты.

Югосетпотребнадзоры сӕргълӕууӕг алкӕцы интерьюйы дӕр сиды адӕммӕ, цӕмӕй сӕм фылдӕр бӕрндзинад уа.

"Адӕймагӕн симптомтӕ куы фӕзына, уӕд хъуамӕ ӕмбара, йӕ архӕйдтытимӕ бирӕ кӕй у баст. Нӕ хъӕуы цӕуын рынчынӕй куыстмӕ кӕнӕ ахуырмӕ. Низы рӕстӕджы тынг ахсджиаг у хисӕрмагонд изоляци", - бахахх кодта Коцты Марина.

Йӕ ныхӕстӕм гӕсгӕ, фылдӕр хатт адӕм ӕнцонтӕй фӕтых вӕййынц коронавирусыл, фӕлӕ сӕ цуры арӕх вӕййы адӕм, кӕцытӕн вӕййы сӕкӕры диабет кӕнӕ ӕндӕр низтӕ, ӕмӕ уыдонӕн вирус фылдӕр зиан ӕрхӕсдзӕн.

Сӕйраг санитарон дохтыр радзырдта сезонон гриппы тыххӕй дӕр ӕмӕ банысан кодта, уагдон ӕрвылбон йӕ хъус кӕй дары ахуырадон уагдӕтты уавӕрмӕ.

Коцты Марина бафтыдта, зӕгъгӕ, ӕнӕ тестӕй зын у рахицӕн кӕнын коронавирус ӕмӕ хуымӕтӕг грипп, уый фӕдыл хъӕуы райсын анализы лабораторон фӕстиуӕг.

12
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4