Леуахи

Цхинвайлаг ӕвзонг натуралисттӕ бафснайдзысты Леуахийы былгӕрӕттӕ

4
(ранӕуӕггонд 14:15 12.10.2020)
Экологон акцийы фӕлгӕтты йӕ хайадисджытӕ цӕугӕдоныбылгӕрӕтты сӕвӕрдзысты сидӕнтӕ, цы ран курдзысты цӕрджытӕй ма бырон кӕнын ӕмӕ хъахъхъӕнын нӕ алыварс ӕрдз

ЦХИНВАЛ, 12 окт — Sputnik, Гӕбӕраты Элина. Хуссарирыстойнаг ӕвзонг натуралисттӕ сӕ ахуыргӕнджытимӕ иумӕ ауадздзысты Цхинвалы экологон акци, уыдон фӕнд кӕнынц ныссыгъдӕг кӕнын быронӕй Леуахийы былгӕрӕттӕ, радзырдта Sputnik ӕвзонг натуралистты республикон станцы директор Мӕргъиты Ирбег.

Уый банысан кодта, экоакци уагъд кӕй ӕрцӕудзӕн фӕсивӕды монон-фӕткон хъомылады фӕдыл паддзахадон нысанмӕздӕхт нывӕзты фӕлгӕтты.

Цӕугӕдоны былтӕ бафснайыны тыххӕй ацы акци фыццаг нӕу Цхинвалы, йӕ уавӕр тынг тыхсын кӕны экологты. Донбылтӕ сты быроны бын, калынц дзы бӕлӕстӕ, донмӕ калынц цардуагон ӕмӕ арӕзтадон бырон, баиу ӕм кӕнынц канализацион хӕтӕлтӕ.

"Зӕронд хиды алыварс бафснайынӕй уал райдайдзыстӕм. Фӕнды нӕ бафснайын цӕугӕдоны былтӕ раздӕры асфальтон заводы онг. Тынг бирӕ бырон ис йӕ алыварс, уӕлдайдӕр та пластик. Куыд ӕфснайӕм, афтӕ дзы ӕвӕрдзыстӕм табличкӕтӕ дӕр", - загъта Мӕргъиты Ирбег.

Уый ма бафтыдта, ӕвзонг натуралисттӕн кӕй райдтой сӕрмагонд дарӕс ӕмӕ голджытӕ бырӕттӕн. Акци уагъд цӕудзӕн 12-17 октябры.

Хуссар Ирыстоны ӕвзонг натуралистты республикон станц кусы ныр 60 азы дӕргъы. Ис дзы дыууыны онг алыгъуызон кружоктӕ ӕмӕ музей.

4
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

1
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
1
Милици

Цыппар ФТЦ ӕмӕ дыууӕ хъыгдардбаййафӕджы: МХМ ивгъуыд къуырийы уавӕры тыххӕй

2
(ранӕуӕггонд 13:45 18.05.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 18 май — Sputnik. Хуссар Ирыстоны фӕндӕгтыл ивгъуыд къуыри ӕрцыд цыппар фӕндагон-транспортон цауы (ФТЦ), кӕцыты фӕстиуӕгӕн бахъыгдард сты дыууӕ адӕймаджы. Уый тыххӕй хъусын кӕны барадхъахъхъӕнӕг уагдоны пресс-службӕ.

Уагдоны банысан кодтой, Паддзахадон автоинспекцийы кусджытӕ кӕй сбӕрӕг кодтой фӕндагон змӕлды 193 фӕткхалды. Ӕртӕ шофыры фӕдыл сарӕзтой административон протоколтӕ автотранспорт нозтджынӕй скъӕрыны тыххӕй.

"Ныхмӕвӕрд хахмӕ рахизыны тыххӕй инспектортӕ бӕрнмӕ ӕркодтой ӕртӕ шофыры, фӕндагон нысӕнттӕ фехалыны тыххӕй - 20, светофоры сырх рухсыл аскъӕрыны тыххӕй - 35, ӕнӕ ӕмбӕлон документтӕй скъӕрыны тыххӕй та 23 шофыры", - дзырдӕуы хъусинаджы.

Афтӕ ма, 10-ӕй 17-ӕм маймӕ республикӕйы территорийыл регистрацигонд ӕрцыд иу фыдракӕнд. Ӕхсӕнадон фӕтк фехалыны тыххӕй МХМ кусджытӕ ӕрурӕдтой фондз адӕймаджы, уыдонӕй дыууӕйы ныхмӕ ист ӕрцыдысты административон ӕфхӕрдтӕ.

2