Хуссар Иры зынгхуыст хъайтартӕн мемориал

Хуссар Иры зынгхуыст хъайтартӕн мемориал сараздзысты октябры кӕрӕттӕм

8
(ранӕуӕггонд 16:23 12.10.2020)
Арӕзтады ӕмгъуыдыл бандӕвта карантин арӕныл, кӕцыйы тыххӕй республикӕмӕ нӕ бантыст рӕстӕгыл ӕрцӕуын цӕгатирыстойнаг специалисттӕн

ЦХИНВАЛ, 12 окт – Sputnik, Хъуылымбегты Азӕмӕт. Фыдыбӕстӕйы зынгхуызт хъайтартӕн мемориалы арӕзтад Цхинвалы центры фӕуыдзысты дыууӕ къуырийы дӕргъы, фехъусын кодта Sputnik нардуатон организаци "ГарантГрупп"-ы гендиректор Александр Березнев.

Ныртӕккӕ специалисттӕ Цӕгат Ирыстонӕй кусынц барельефы монтажыл. Березневы ныхӕстӕм гӕсгӕ, йӕ уӕз у 10 тоннмӕ ӕввахс. Бронзӕйы скульптурӕйы бӕрзӕнд у 4,20 метры, йӕ дӕргъ та 17,64 метры. Композицийы центры сты дыууӕ хӕстоны – уӕрӕсейаг фидауынгӕнӕг ӕмӕ ирон хӕдӕфсӕддон.

"Мах фӕуд кодтам куыстытӕ, фӕлӕ цӕгатирыстойнаг специалисттӕн, кӕцытӕ бацӕттӕ кодтой барельеф, нӕ банстыст ӕрцӕуын Цхинвалмӕ ӕмӕ сӕвӕрын скульптурӕ коронавирусы пандеми ӕмӕ карантины тыххӕй. Ныртӕккӕ уыдон сты ам. 10 боны дӕргъы фӕуыдзысты монтажон куыстытӕ", - банысан кодта Александр Березнев.

Хуссар Ирыстоны зынгхуыст хъайтартӕн мемориалон комплекс арӕзт цӕуы Тугъанты Махарбеджы уынгыл, Национ музейы цур территорийыл. Мемориалон комплексы арӕзтад ӕххӕст цӕуы Инвестицион нывӕзты фӕлгӕтты. Объекты аргъ у 60 милуан сомы.

8
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

2
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

2
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4