ХИПУ баскетболисттӕ хӕларадон хъазт ауадздзысты уӕрӕсейаг ӕфсӕддон базӕйы командӕимӕ

ХИПУ баскетболисттӕ хӕларадон хъазт ауадздзысты уӕрӕсейаг ӕфсӕддон базӕйы командӕимӕ

7
(ранӕуӕггонд 15:21 13.10.2020)
Фембӕлды датӕ нырма бӕрӕг нӕу. Ахуыргӕнӕндоны баскетболы командӕйы тренеры ныхӕстӕм гӕсгӕ, ахӕм мадзӕлты руаджы спортмӕ бирӕ фӕсивӕд ӕрбадахынц

ЦХИНВАЛ, 13 окт – Sputnik, Хъуылымбегты Азӕмӕт. Хуссар Ирыстоны паддзахадон университеты баскетболон командӕ цӕттӕ кӕны хӕларадон фембӕлдмӕ 4-ӕм уӕрӕсейаг ӕфсӕддон базӕйы командӕимӕ, организатортӕ нырма бӕрӕг кӕнынц хъазты датӕ. Уый тыххӕй Sputnik фехъусын кодта университеты командӕйы тренер, Хуссар Ирыстоны Адӕмон ахуыргӕнӕг Дзабиты Роланд.

"Ахӕм фембӕлдтӕ арӕх цыдысты. Нӕ хӕслӕвӕрд у ӕрбаздахын фӕсивӕды спортмӕ, ӕмӕ мах ууыл активонӕй кусӕм", - загъта Дзабиты Роланд.

Афтӕ ма тренер радзырдта ХИПУ студентты хсӕн ерысты тыххӕй. Цыппӕрӕмы Цхинвалы стадионы ацӕудзысты ерыстӕ лидзынӕй ӕмӕ ӕндӕр физкультурон дисциплинӕтӕй.

"Мах цӕттӕ кӕнӕм фӕйнӕ фондз лӕппу ӕмӕ чызджы. Уыдзӕн згъорд лӕппутӕн сӕдӕ ӕмӕ ӕхсӕз сӕдӕ метрмӕ, чызджытӕн та сӕдӕ ӕмӕ цыппар сӕдӕ метрмӕ. Уый хъӕуы, цӕмӕй фылдӕр фӕсивӕды ӕрбаздахой спортмӕ", - загъта Дзабиты Роланд.

Дзабиты Роланд йӕ цард снывонд кодта спорты популяризацийӕн. Тренеры куыст уый райдыдта советон дуджы, уый фӕстӕ активонӕй кусы Хуссар Ирыстоны баскетболы райрӕзтыл.

7
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект

Цӕрджыты фехъуыстой: арӕзтады министрад аивта БАМ-мӕ фӕндагарӕзтады проект

6
(ранӕуӕггонд 17:12 22.10.2020)
Фӕндаг рауӕрӕх кӕндзысты авд метры онг ӕмӕ йӕ баххӕст кӕндзысты донцӕуӕн канализацийӕ, ахӕм уыдысты цӕрджыты домӕнтӕ

ЦХИНВАЛ, 22 окт — Sputnik, Плиты Фатимӕ. Хуссар Ирыстоны столицӕйы ӕфсӕддон городокы цӕрджыты домӕнтӕ бахынцыдтой арӕзтады министрады БАМ-мӕ бацӕуӕн фӕндӕгарӕзтады рӕстӕджы.

Мӕйы райдайӕны микрорайоны цӕрджытӕ рацыдысты Инвестицион нывӕзты фӕлгӕтты арӕзтцӕуӕг проекты ныхмӕ.

"Цӕрджыты ӕппӕт домӕнтӕ бахынцыдтой. Куыстыты рӕстӕджы ма уыдзӕн ӕндӕр баххӕстгӕнинӕгтӕ", - загътой арӕзтады министрады пресс-службӕйы.

Цалцӕггӕнӕн куыстытӕ цы фадыгыл цӕуынц, уым фӕндаджы уӕлцъар рауӕрӕх кӕндзысты авд метры онг кафе "Барс"-ы зӕххы фӕрцы.

"Кафейы бардарӕг Чилӕхсаты Владимир йӕ зӕххы хай радта фӕндаг рауӕрӕх кӕнынӕн. Фӕлӕ йын йӕ ӕмбонд ногӕй сараздзыстӕм", - загъта арӕзтады къухдариуӕггӕнӕг Плиты Хох.

Районы депутат Сланты Иваны ныхӕстӕм гӕсгӕ, цӕрджытӕ райгонд сты ног рацарӕзтгонд проектӕй.

"Мах цӕттӕ уыдыстӕм тох кӕнын адӕмы бартыл, фӕлӕ нын арӕзтады министрады нӕ къух сарӕзтой президенты ӕмархайдӕй", - загъта депутат.

При  строительстве дороги в микрорайон БАМ учли пожелания жителей
© Sputnik / Фатима Плиева
Цӕрджыты фехъустой: арӕзтады министрад аивта микрорайон БАМ-мӕ фӕндагарӕзтады проект
6
Хуссар Иры медицинон уагдон сифтонг кӕндзысты туаггуырӕй

Хуссар Иры медицинон уагдон сифтонг кӕндзысты туаггуырӕй

4
(ранӕуӕггонд 17:32 22.10.2020)
Ӕртӕ тоннӕйы бӕрцуат уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон

ЦХИНВАЛ, 22 окт - Sputnik, Плиты Фатимӕ. Хуссар Ирыстоны республикон бирӕпрофилон медицинон центры аскъуыддзаг кӕндзысты туагуыры проблемӕ, фехъусын кодта ӕнӕниздзинад хъахъхъӕнынады министры хӕстӕ ӕххӕстгӕнӕг Тотчиты Георгий ПТРК-йы эфиры.

Туаггуыр ӕнӕмӕнгхъӕуӕг у коронавирусӕй уӕззау рынчынтӕн рӕуджытимӕ проблемӕ аиварс кӕнынӕн.

"Ӕртӕ тоннӕйы бӕрцуат, кӕцы уыдзӕн республикон бирӕпрофилон медицинон центры ӕмӕ ифтонг кӕндзӕн туаггуырӕй медуагдон, сӕвӕрдзысты ног къуыри. Стӕй куыст райдайдзӕн туаггуыр палатӕтӕм уадзыныл", - загъта министр.

Уый ма банысан кодта, ацы фарстыл уыдон кӕй ӕмгуыст кӕнынц, фӕлтӕрддзинад кӕмӕн ис, ахӕм ӕхсӕнадӕмон организацитимӕ.

Тотчиты Георгий ма ӕрсидт хистӕр кары адӕммӕ, цӕмӕй гӕнӕн уӕвгӕйӕ сӕхи хизой ӕхсӕнадон бынӕттӕм цӕуынӕй.

4