Карантин

Хуссар Иры цалдæр скъола æмæ сабидоны бакодтой карантин

5
(ранӕуӕггонд 10:57 14.10.2020)
Ацы мадзал ист æрцыд грипп, КРВИ æмæ коронавирусæй рынчынты нымæц кæй фæффылдæр ис сывæллæтты хсæн, уый тыххæй, бамбарын кодтой Югосетпотребнадзоры

ЦХИНВАЛ, 14 окт – Sputnik, Козаты Диана. Хуссар Ирыстоны дыууæ скъола æмæ дыууæ сабидоны сæхгæдтой карантиныл, фехъусын кодта сæйраг санитарон дохтыр Коцты Марина.

Республикæйы рæзы коронавирусæй фæрынчынуæвджыты нымæц. Уымæй дарддæр ма бирæ сывæллæттæ фæрынчын сты сезонон грипп æмæ КРВИ-йæ.

"Гимназ "Альбион" æмæ Аивæдты лицей æртыццæгæй æхгæд æрцæудзысты дыууæкъуырион карантиныл. Уыцы рæстæгмæ ма сæхгæдтам сабидæттæ Знауыр æмæ Дзауы поселокты. Уымæй дарддæр ма дыууæ сабидоны сæхгæдтам кæцыдæр группæтæ", - радзырдта Коцты Марина.

Уый бамбарын кодта, сабидæтты кæй грипп æмæ КРВИ рынчын кæй сты сывæллæтты 20 процентæй фылдæр.

"Альбионы" сбæрæг сты коронавирусæй рынчынтæ дæр, уымæ гæсгæ мах аскъуыддзаг кодтам сæхгæнын уыцы уагдон дæр", - бафтыдта санитарон дохтыр.

Хуссар Ирыстоны 15 сентябры бакодтой Уæрæсеимæ арæн, уæдæй фæстæмæ республикæйы сбæрæг кодтой коронавирусæй 62 фæрынчынуæвæджы.

5
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

10
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
10
Хуссарирыстойнаг футболон командӕ Барсалан

Цхинвайлаг "Барсалан"-ы футболисттӕ фембылд сты дзӕуджыхъӕуккаг "Юность"-ӕн

5
(ранӕуӕггонд 16:41 19.10.2020)
Ерысты фаворитимӕ хъазты цхинвайлаг командӕйы сконды иунӕг пурти бакодта Хъӕцмӕзты Александр

ЦХИНВАЛ, 19 окт — Sputnik. Хуссарирыстойнаг футболон командӕ "Барсалан" Семеновы номыл турниры радон хъазты фембылдысты ерысты фаворит – дзӕуджыхъӕуккаг "Юность"-ӕн, хъусын кӕны фӕсивӕдон политикӕ ӕмӕ спорты фӕдыл комитеты пресс-службӕ.

Хъазт ацыд ивгъуыд улӕфт бонты Дзӕуджыхъӕуы ӕмӕ балхынцъ ис 4:1 хыгъдӕй.

"Ӕвзӕр нӕ хъазыдыстӕм, фӕлӕ бауагътам ӕртӕ пурти нӕ дуаргӕсы ӕнӕфидар хъазты тыххӕй. Дарддӕр кусдзыстӕм нӕ рӕдыдтытыл", - хъусын кӕны пресс-службӕ "Барсалан"-ы тренер Хъазиты Аланы ныхӕстӕ.

Комитеты бафтыдтой, зӕгъгӕ, цхинвайлаг командӕйы сконды иунӕг пурти бакодта Хъӕцмӕзты Александр.

5