Медик

Хуссар Иры адарддæр кодтой медиктæн фиддонтæ коронавирусимæ тохы тыххæй

6
(ранӕуӕггонд 15:33 14.10.2020)
Республикæйы ныридæгæн рабæрæг ис 173 фæрынчынуæвæджы, æмæ кæд раздæры мæйты рынчынтæ рогæй фæрæзтой вирус, уæд фæстаг рæстæджыты та медиктæ хъусын кæнынц пневмонийы дæсгай цауты тыххæй

ЦХИНВАЛ, 14 окт – Sputnik, Козаты Диана. Хуссар Ирыстоны хицауад æртыццæджы рабадты хорзыл банымадта президенты æнхъарæн коронавирусимæ чи тох кæны, уыцы медицинон кусджытæн фиддонтæ адарддæр кæныны тыххæй.

Республикæйы сентябрæй фæстæмæ рæзы вирусæй фæрынчынуæвджыты нымæц. Карантиныл уал абоны онг сæхгæдтой цалдæр скъола æмæ сабидоны.

"Рабадты рæстæджы бахастой ивындзинæдтæ хицауады уынаффæмæ медиктæн фиддонтæ фидыны тыххæй. Бибылты Анатолийы æнхъарæнмæ гæсгæ, медицинон æмæ æнæниздзинад хъахъхъæнынады къабазы æндæр кусджытæн фиддонтæ адарддæр кодтой 31 декабры онг", - фехъусын кодтой хицауады пресс-службæйы.

Раздæр хицауады уæнгтæ снысан кодтоймедиктæн уæлæмхас фиддонтæ пандемийы рæстæджы уæлвæткон куысты тыххæй. Уыцы нысанæн хицауады резервон фондæй хицæн æрцыд æхсæз милуан сомæй фылдæр.

6
Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

Хуссарирыстойнаг каратисттӕ рамбылдтой дыууадӕс майданы ерысты Цӕгат Иры

1
(ранӕуӕггонд 16:14 02.03.2021)
Каратистты тренеры ныхӕстӕм гӕсгӕ, спортсментӕ сӕхи иттӕг хорз равдыстой

ЦХИНВАЛ, 2 мар - Sputnik, Гӕбӕраты Элина. Ӕвзонг каратисттӕ Хуссар Ирыстонӕй равдыстой иттӕг хорз фӕстиуджытӕ РЦИ-Аланийы чемпионат ӕмӕ фыццагады, уыдон рамбылдтой дыууадӕс майданы, фехъусын кодта Sputnik спортсменты тренер Созайты Владимир.

Уый банысан кодта, ерысты нысан уыд сбӕрӕг кӕнын хъуыздӕр каратистты ӕмӕ саразын командӕ Уӕрӕсейы фыццагадмӕ, кӕцы ацӕудзӕн 2-5 апрелы Орелы.

"Дудайты Донна ӕмӕ Тедеты Анна рамбылдтой сыгъзӕрин майдантӕ, Тадтаты Софья ӕмӕ Джиджджойты Анна – ӕвзист майдантӕ, Гаглойты Диана райста бронзӕ", - загъта Созайты Владимир.

Тренер банысан кодта, спортсментӕ сӕхи хорз кӕй равдыстой ӕмӕ ныр бахызтысты РЦИ-Аланийы командӕмӕ.

"Афтӕ ма сӕхи хорз равдыстой дебютанттӕ дӕр: Цыбырты Анастасия ӕмӕ Лалыты Джер бацахстой фыццаг бынӕттӕ, Цыдугъты Милана ӕмӕ Куыридтаты Даниил та ацыдысты дыккаг бынӕттыл. Ортъаты хотӕ Аланӕ ӕмӕ Диана та сӕ кары къордты райстой бронзӕйон майдантӕ", - радзырдта журналисттӕн тренер.

Ӕппӕтстилон каратэйӕ ерысты цыдысты 25-27 февралы Цӕгат Ирыстоны Октябры хъӕуы.

1
Зынгфӕдисон хӕдтулгӕ

Зынгфӕдисонтӕ ахуыссын кодтой хус кӕрдӕджы ссыгъд Цхинвалы цӕгаттаг кӕрон

1
(ранӕуӕггонд 15:31 02.03.2021)
Зынгсирвӕзты фӕдыл информаци бацыд УУМ радгӕсон хайадмӕ МХМ-йӕ 13.11 сахатыл

ЦХИНВАЛ, 2 мар – Sputnik, Тъехты Дзерассӕ. Цхинвал-Дзау фӕндаджы цыппӕрӕм километрыл, раздӕры хъӕу Чъехы цур ссыгъд хус кӕрдӕг, фехъусын кодта Sputnik Хуссар Ирыстоны Уӕлвӕткон уавӕрты министрады (УУМ) радгӕсоны ӕххуысгӕнӕг Хъодалаты Руслан.

"Зынгсирвӕзт аиуварс кодтой. Архайдта дзы иу зынгфӕдисон къорд", - загъта уый.

Радгӕсоны ӕххуысгӕнӕг банысан кодта, зынгсирвӕзт ӕрцыд уӕлвӕзыл. Уый сарӕзта зындзинӕдтӕ УУМ сӕрмагонд техникӕйӕн, фӕлӕ арты фӕзуат стыр нӕ уыд, ӕмӕ йӕ уайтагъд ахуыссын кодтой.

1