Къоста

Дидинтӕ ӕмӕ литературон изӕр: Хуссар Иры нысан кӕнынц Хетӕгкаты Къостайы райгуырӕн бон

12
(ранӕуӕггонд 13:43 15.10.2020)
Ирыстоны номдзыд гойманӕн йӕ 161-ӕм райгуырӕн бон коронавирусы апарахаты тасӕй уӕрӕхӕй нысан нӕ цӕуы

ЦХИНВАЛ, 15 окт – Sputnik, Плиты Фатимӕ. Хуссар Ирыстоны цыппӕрӕмы нысан кӕнынц фыссӕг, поэт, публицист ӕмӕ ирон литературон ӕвзаджы бындурӕвӕрӕг Хетӕгкаты Къостайы райгуырӕн бон. Ирыстоны номдзыд гойманӕн йӕ 161 райгуырӕн бон коронавирусы апарахаты тасӕй уӕрӕхӕй нысан нӕ цӕуы.

Къостайы цыртмӕ Цхинвалы ӕхсӕнады минӕвӕрттӕ сӕвӕрдзысты дидинтӕ, генийы номыл мадзал бацӕттӕ кодта ХИПУ дӕр.

"Литературон изӕр "Къоста - Ирыстоны хур" паддзахадон университет ауадздзӕн цыппӕрӕмы ӕмӕ у нывонд  Хетӕгкаты Къостайы 161-ӕм райгуырӕн бонӕн", - загътой Sputnik ахуыргӕнӕн уагдоны пресс-службӕйы.

Фӕстаг рӕстӕджы Хуссар Ирыстоны коронавирусӕй рынчынты нымӕц кӕй сбирӕ, уый аххосӕй массон мадзӕлттӕ сты стӕм.

"Уавӕр хынцгӕйӕ, уӕрӕх мадзӕлттӕ саразыны фадат нӕй. Фӕлӕ Цхинвалы Къостайы цыртмӕ сӕвӕрдзыстӕм дидинтӕ", - фехъусын кодтой Sputnik культурӕйы министрады пресс-службӕйы.

Къостайы юбилейон райгуырӕн бон уӕрӕхӕй банысан кодтой ивгъуыд аз. Уӕд бирæнымæц мадзæлтты хсӕн уыд ӕппӕтирон ӕмбырд йӕ райгуырӕн хъӕу Нары,  фæбæрæг сты Къостайы премийы лауреаттæ, рауагътой згъӕрӕхца йӕ хуызистимӕ.

12
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4