Коронавирус

Цхинвалы инфекцион хайады ис 29 пациенты пневмониимӕ, 17 сбӕрӕг ис коронавирус

8
(ранӕуӕггонд 13:58 15.10.2020)
Рынчынты нымӕц кӕй рӕзы, уый фӕдыл рынчындоны къухдариуӕгад ӕртӕ хатты фӕфылдӕр кодта медикты нымӕц "сырх зонӕйы"

ЦХИНВАЛ, 15 окт – Sputnik, Гӕбӕраты Элина. Коронавирус сбӕрӕг кодтой 17 адӕймагӕн 29 пациентӕй пневмониимӕ  республикон бирӕпрофилон медицинон центры инфекцион хайады. Уый фӕдыл рынчындоны фӕфылдӕр кодтой медицинон кусджыты нымӕц, фехъусын кодта Sputnik дохтыр-инфекционист Джиоты Тамара.

"Пациентты нымӕц фылдӕр кӕны. Кӕд раздӕр рынчындоны рады уыдысты фӕйнӕ иу дохтыр ӕмӕ медицинон хо, уӕд ныр та сты фӕйнӕ ӕртӕ. Ныртӕккӕ махмӕ ис 29 пациенты пневмониимӕ, уыдонӕй 17 сбӕрӕг кодтой коронавирус", - загъта Джиоты Тамара.

Уый банысан кодта, ӕртыццӕджы, 14 октябры, инфекцион хайадмӕ кӕй ӕрбакодтой ӕхсӕз рынчыны пневмониимӕ, уыдонӕй цыппарӕн коронавирусы фӕдыл тест равдыста ӕвӕрццаг фӕстиуӕг.

Дохтыр саръ кодта пациентты уавӕрӕн, куыд астӕуккаг ӕмвӕзады уӕззау, фӕлӕ дзы ис ахӕмтӕ, кӕцытӕм хъӕуы сӕрмагонд хъусдард.

"Иу пациент ис Бобровы аппаратыл, аннӕтӕн дӕттӕм кислородон концентратортӕ. Рӕуджыты вентиляцийы аппаратмӕ нырма никӕй хъӕуы баиу кӕнын. Хос кӕнынӕн медикаменттӕ дӕр нырма фаг сты", - бахахх кодта дохтыр.

Афтӕ ма Джиоты Тамара бахахх кодта, медперсоналмӕ кӕй ис фаг хъахъхъӕнӕн фӕрӕзтӕ – сӕрмагонд костюмтӕ ӕмӕ респиратортӕ.

Уӕрӕсеимӕ арӕны баконды фӕстӕ коронавирус сбӕрӕг кодтой 107 адӕймагӕн, пандемийы райдайӕнӕй та 197 ӕмбӕстагӕн.

Хуссар Ирыстоны ӕртыццӕджы дыууӕкъуырион карантиныл сӕхгӕдтой цалдӕр скъола ӕмӕ сабидоны.

8
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

0
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

0
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4