Хуссар Иры хъалонон комитет

Хорз уавæртæ æмæ кусджытæ: Хуссар Иры хъалонон комитет нысан кæны йæ 30-азон юбилей

10
(ранӕуӕггонд 10:34 16.10.2020)
Хуссар Ирыстоны Паддзахадон хъалонон инспекци арӕзт ӕрцыд 1990 азы 16 октябры. 2002 азы президенты барамындӕй службӕ ИВД ӕрцыд Хъалонтæ æмæ фиддонты комитетмӕ

ЦХИНВАЛ, 16 окт – Sputnik, Дриаты Лейла. Хуссар Ирыстоны хъалонтæ æмæ фиддонты комитеты кусджытӕ майрӕмбоны нысан кæнынц сæ професионалон бæрæгбон. Ацы аз уагдонæн у юбилейон -  сæххæст ыл 30 азы.

Бæрæгбоны цытæн йæ дæлбар кусджытæн раарфæ кодта комитеты разамонæг Къацты Владимир. Уый ма рахицæн кодта куысты мидæг уæлдай цæсгомджындæр адæмы дæр.

"Афтæ мæм кæсы æмæ разамонæг хæсджын у, цæмæй йæ кусджытæ иууылдæр уой раппæлинаг. Ӕмбæлон уавæртæ арæзт куы цæуа, уæд алчи дæр, мæнмæ гæсгæ, уарзы æнтыстытæ. Абон мæн банысан кæнын фæнды инспектортæ Къумситы Александр æмæ Чилæхсаты Риммæйы куыст. Уыдон ам кусынц комитеты сырæзтӕй нырмæ. Ис сæм хорз фæлтæрддзинад. Æвзонгдæр кусджытæ дæр нæм дзæвгар ис. Уырны мæ, уыдонæн дæр тагъд кæй сырæздзæн сæ професионалондзинад æмæ стыр тырнындзинæдтимæ кæй æххæст кæндзысты сæ хæстæ", - загъта Владимир.

Коллектив бæрæгбоныл æмбæлы ног хæрзарæзт бæстыхайы, уымæ гæсгæ райгонд сты сæ уавæртæй дæр.

 "Аразджытæ бацархайдтой æмæ æппæт куыстытæ дæр æххæст æрцыдысты гъæдджынæй. Кусæм дзы цалдæр мæйы, фæлæ иунæг фиппаинаг дæр нæ рахатыдыстæм. Чи йæ сарæзта, уыдон та нæм цалдæр хатты æрбацыдысты, фарстой нæ, зæгъгæ, кæд исты згъуыд разынд, уæд æй рараст кæнæм. Уый тыххæй дæр сын бузныг", - банысан кодта комитеты сæрдар.

Хуссар Ирыстоны Паддзахадон хъалонон инспекци арӕзт ӕрцыд 1990 азы 16 октябры. 2002 азы президенты барамындӕй службӕ ИВД ӕрцыд Хъалонтæ æмæ фиддонты комитетмӕ.

10
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3