Автофæдзæхст

Хуссар Иры скусдзӕн иунӕг автофæдзæхсты компани

118
(ранӕуӕггонд 11:30 16.10.2020)
Компанийы бардарджыты ныхæстæм гæсгæ, автофæдзæхсты гæххæттытæ фидар кӕнын райдайдзысты ӕрбалӕугӕ мӕйы райдианӕй

ЦХИНВАЛ, 16 окт — Sputnik, Плиты Фатимæ. Хуссар Ирыстоны йæ куыст рæвдз кæны хæдтулгæты шофырты бæрндзинады фæдзæхсты паддзахадон фирмæ ООО "ЮГСК-Алания". Нырма уал фирмæ уадзы цæттæгæнæн куыст, гӕххӕттытӕ райдайдзӕн дӕттын, куыддӕр лицензийы хицау бауой, афтӕ, фехъусын кодта Sputnik компанийы генералон директор Тедеты Рудольф.

Хуссар Ирыстоны иунæг автофæдзæхсты компани йӕ куыст ӕрурӕдта азы райдайӕны, уый тыххӕй хæдтулæгæты хицæуттæ катай кодтой социалон хызӕгты.

Ныридӕгӕн ног фирмӕ райста штатон кусджыты, бакодта офис.

"ЮГСК-Алания" нæу коммерцион компани, акцитӕ сты паддзахады. Бацыдыстӕм нӕ куысты ӕлхынцъгӕнӕн этапмӕ, бакодтам офис Типографийы бӕстыхайы. Амал кӕнӕм бланктӕ. Автофӕдзӕхсты компани скусдзӕн фыццӕгӕм ноябрӕй", - загъта Тедеты Рудольф.

Уый ма бамбарын кодта хæдтулгæты шофырты бæрндзинады фæдзæхсты лыстӕгдзинӕдтӕ.

"Мах бацӕттӕ кодтам транспорты ӕппӕт сегменттӕн тарифтӕ - рог ӕмӕ уӕззау хӕдтулгӕтӕ, такси, юридикон ӕмӕ физикон цӕсгӕмттӕ, афтӕ ма сӕрмагонд техникӕйӕн. Коэффициент бирӕ бӕрцӕй уыдзӕн шофырӕн йӕ архӕстдзинадӕй кӕнгӕ, ӕнӕ авари шофыртӕн уыдзӕн хуыздӕр уавӕртӕ. Зынгӕ къаддӕр уыдзысты нӕ тарифтӕ Уӕрӕсейӕ, кӕд уым сӕ иууыл ныллӕгдӕр бӕрӕггӕнӕн у фондз мин сомы, уӕд махӕн та стартон аргъ уыдзӕн 1980 сомӕй, уымӕй арӕзт цӕудзӕн фӕдзӕхсты преми", - радзырдта уый.

Компанийы разамонӕг ма бамбарын кодта, фӕдзӕхстон уавӕртыл нымад кӕцытӕ цӕуынц, уый дӕр.

"Фӕдзӕхстон уавӕрыл нымад цӕуы, шофыр зиан куы ӕрхӕсса ӕртыккаг цӕсгомӕн, уый. Ома фӕдзӕхст ӕмбӕрзы, шофыр ӕндӕрты исадӕн цы зиан ӕрхаста, уый", - бахахх кодта уый.

Регламентмæ гæсгæ, фæдзæхсты цауы 'рцыды рæстæджы финансон фæрæзтæ райсыны тыххæй хъæуы бавдисын къорд документы, уыдон нымæцы Паддзахадон автоинспекцийæ документтæ, цæмæй бæстонæй æмбарæм, кæй æрцыд ФТЦ. Стæй уый фæстæ эксперттæ банымайдзысты хæрдзтæ.

Хуссар Иры МХМ-йы пресс-службæйы Sputnik фехъусын кодтой, цалынмæ автофæдзæхсты компани ма фæзына Хуссар Иры, уæдмæ Паддзахадон автоинспекци шофырты кæй нæ ивар кæндзæн ацы гæххæтты цухдзинады тыххæй.

118
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3