Бекъойты Геннадий

Бекъойты Геннадий загъта йӕ хъуыды Мӕскуыйы Хуссар Иры базарадон минӕварады баконды фӕдыл

9
(ранӕуӕггонд 11:57 16.10.2020)
Уӕрӕсейы республикӕйы базарадон минӕварады баконд ацӕудзӕн дыууӕ бӕстӕйы хсӕн базарадон минӕварадтӕ саразыны фӕдыл бадзырды реализацийы фӕлгӕтты

ЦХИНВАЛ, 16 окт — Sputnik. Мӕскуыйы республикӕйы базарадон минӕварады баконд ратдзӕн уӕлӕмхасӕн импульс базарадон-экономикон ахастытӕн Хуссар Ирыстон ӕмӕ Уӕрӕсейы хсӕн, фехъусын кодта хуссарирыстойнаг хицауады сӕрдары хӕстӕ ӕххӕстгӕнӕг Бекъойты Геннадий.

Уӕрӕсейы республикӕйы базарадон минӕварады баконд ацӕудзӕн дыууӕ бӕстӕйы хсӕн базарадон минӕварадтӕ саразыны фӕдыл бадзырды реализацийы фӕлгӕтты.

Бекъойты Геннадий куыд банысан кодта, афтӕмӕй Уӕрӕсе у Хуссар Ирыстоны стратегион партнер, кӕцыимӕ ис рагон ӕмӕ фидар культурон ӕмӕ гуманитарон бастдзинӕдтӕ, афтӕ ма райтынг ис ӕхсӕнпаддзахадон базарад дӕр.

"Мӕскуыйы Хуссар Ирыстоны базарадон минӕварады баконд ратдзӕн уӕлӕмхасӕн импульс дыууӕ бӕстӕйы хсӕн ахастытӕн базарадон-экономикон ӕмгуыстады фадыджы. Махӕн ис егъау перспективӕтӕ, цӕмӕй райтынг кӕнӕм базарадон ӕмгуыстад минералон дон ӕмӕ дыргъты продукцийы импорты фадыджы, фидӕны та хъӕдырмӕджы сӕудӕджерады продукцийы" – бахахх кодта уый.

Минӕварады баконд ратдзӕн фадат ласын хуссарирыстойнаг продукци ӕрмӕст Мӕскуымӕ нӕ, фӕлӕ ма Уӕрӕсейы Федерацийы ӕндӕр субъекттӕм дӕр, банысан кодта Беъкойты Геннадий.

9
Хъӕбӕр цардуагон ӕвзарӕнты пресс кӕнынӕн фӕзуат

Хуссар Иры скусдзӕн бырондоны фӕзуат

7
Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис – уый руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ

ЦХИНВАЛ, 5 мар — Sputnik, Хъуылымбегты Азӕмӕт. Хъӕбӕр цардуагон ӕвзарӕнты пресс кӕнынӕн фӕзуаты арӕзтад балхынцъ ис, фехъусын кодта Хуссар Ирыстоны арӕзтад, архитектурӕ ӕмӕ ЦКХ министрады минӕвар Къацты Сослан.

Фӕзуат ис ног быроны полигоны цур, кӕцы сарӕзтой Цхинвалы районы Ирыхъӕуы. Уым сарӕзтой ангар, кӕдӕм ласдзысты бырон, уый фӕстӕ та йӕ пресс кӕндзысты. Уый фӕдыл бӕстыхайы сӕвӕрдтой сӕрмагонд техникӕ.

Площадки для компактирования твердых коммунальных отходов (ТКО)
© Sputnik / Азамат Кулумбегов
Хъӕбӕр цардуагон ӕвзарӕнты пресс кӕнынӕн фӕзуат
"Ифтонггарз кусы. Ӕвзарӕнтӕ пресс кӕнынӕн фӕзуатимӕ полигон цӕттӕ у эксплуатацимӕ раттынмӕ. Тагъд рӕстӕджы скусдзӕн", - банысан кодта Къацты Сослан.

Полигоны территорийыл сӕвӕрдтой вагонтӕ персоналӕн, афтӕ ма дзы ауагътой электрохызӕгтӕ, йӕ бацӕуӕнты та ӕвӕрд ӕрцыд асфальт.

Арӕзтады министрады специалисттӕ куыд банысан кодтой, афтӕмӕй ацы методикӕйы руаджы зынгӕ фӕкъаддӕр уыдзӕн зианхӕссӕг ӕндӕвдад экологимӕ. Полигонӕй Присы иууыл ӕввахсдӕр цӕрӕг бӕстыхаймӕ у 2,5 километры. Йӕ эксплуатацийы ӕмгъуыд у 25 азы.

Объект арӕзт ӕрцыд инвестицион программӕйы фӕлгӕтты.

7
Хуссар Иры 2022 азмӕ сараздзысты сывӕллӕтты стационарон лагерь

Хуссар Иры 2022 азмӕ сараздзысты сывӕллӕтты стационарон лагерь

3
(ранӕуӕггонд 16:26 05.03.2021)
Сывӕллӕтты лагерь 150 бынатмӕ фӕзындзӕн республикӕйы Дзауы районы ӕмӕ кусдзӕн сезонон каникулты

ЦХИНВАЛ, 5 мар — Sputnik, Хъуылымбегты Азӕмӕт. Хуссар Ирыстоны Дзауы районы 2021 азы бавналдзысты сывӕллӕтты стационарон лагеры арӕзтадмӕ, кӕцыйы уыдзӕн 150 бынаты. Уый тыххӕй Sputnik фехъусын кодта арӕзтад, архитектурӕ ӕмӕ ЦКХ министрады минӕвар Къацты Сослан.

Лагерь уыдзӕн Дзауы районы раздӕры турбазӕ "Мзиугом"-ы территорийыл.

"Лагеры уыдзысты алы уавӕртӕ дӕр улӕфынӕн. Йӕ территорийыл сараздзысты ӕнӕмӕнгхъӕугӕ инфраструктурӕ", - банысан кодта министрады минӕвар.

Къацты Сослан бафтыдта, зӕгъгӕ, арӕзтад цӕудзӕн дыууӕ этапы ӕмӕ балхынцъ уыдзӕн 2022 азы, фӕлӕ генералон нардуатисӕджы нырма нӕ равзӕрстой.

Республикӕйы Ахуырады министрады стационарон лагеры арӕзтад нымайынц ахсджиаг къахдзӕфыл. Министрады хъомылад ӕмӕ уӕлӕмхасӕн ахуырады дӕлхайады хистӕр Джиоты Эльзайы ныхӕстӕм гӕсгӕ, республикӕйы нӕй базӕ сӕрдыгон улӕфтӕн сывӕллӕттӕн.

"Сывӕллӕттӕ раздӕр улӕфыдысты хъӕуты, ныр та афтӕ нӕу. Сабиты фылдӕр хай сӕрды баззайынц горӕты. Махӕн тынг ӕхсызгон у, кӕй нӕм фӕзындзӕн стационарон лагерь", - загъта Джиоты Эльза.

Ахуырады министрады минӕвар бахахх кодта, лагерь кӕй кусдзӕн сезонон каникулты рӕстӕджы, афтӕ ма йӕ нывӕндынц адих кӕнын фадгуытыл. Арӕзтад куыддӕр фӕуа, афтӕ Ахуырады министрады аскъуыддзаг кӕндзысты, цы фадгуытӕ дзы бакӕндзысты.

3