Хуссар Ирыстоны коронавирусӕй амард сылгоймаг

Хуссар Ирыстоны коронавирусӕй амард сылгоймаг

10
(ранӕуӕггонд 09:54 19.10.2020)
Хуссар Ирыстоны Уӕрӕсеимӕ арӕныл 15 сентябры тобӕтӕ куы систой, уӕдӕй нырмӕ сбӕлвырд кодтой 194 рынчыны коронавирусӕй

ЦХИНВАЛ, 17 окт — Sputnik. Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 57 рынчыны коронавирусӕй. Хуссар Ирыстоны сӕйраг санитарон дохтыр Коцты Марина фехъусын кодта, республикӕйы территорийыл кӕй ӕрцыд фыццаг уды зиан COVID-19-ӕй.

"РБМЦ инфекцион хайады амард иу пациенткӕ, 88-аздзыд сылгоймаг, кӕцыйӕн уыд дыууӕварсон пневмони ӕмӕ лабораторион уавӕрты сбӕлвырдгонд COVID-19", - загъта Sputnik Коцты Марина.

Уый ма ӕрсидт цӕрджытӕм, цӕмӕй сӕхи хизой бирӕ адӕмы ӕмбырды бынӕттӕм цӕуынӕй, ӕххӕст кӕной санитарон службӕты рекомендацитӕ ӕмӕ рынчыны симптомтӕ куы рахатой, уӕд сӕхи ахибар кӕной ӕмӕ фӕдзурой дохтырмӕ хӕдзармӕ.

Уымӕй размӕ ма фехъусын кодтой, коронавирусӕй кӕй фӕрынчын сты президент Бибылты Анатолий ӕмӕ хицауады сӕрдары хӕстӕ ӕххӕстгӕнӕг Бекъойты Геннадий.

Республикӕйы карантин бакодтой ӕртӕ скъолайы - гимназ"Альбион", Аивӕдты лицейы ӕмӕ дыккӕгӕм скъола, стӕй ма ӕртӕ сабидоны горӕт ӕмӕ районты.

10
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6
Цхинвал

МХМ фехъусын кодтой Хуссар Иры криминогенон уавӕры тыххӕй

2
(ранӕуӕггонд 14:18 18.01.2021)
Мидхъуыддӕгты министрады радзырдтой республикӕйы фӕткхӕлдтӕ ӕмӕ фӕндӕгтыл уавӕры тыххӕй

ЦХИНВАЛ, 18 янв - Sputnik. Хуссар Ирыстоны ивгъуыд къуыри ӕрцыд иу фыдракӕнд, кӕцы раргом кодтой барадхъахъхъӕнджытӕ, хъусын кӕны республикӕйы Мидхъуыддӕгты министрады пресс-службӕ.

Афтӕ ма уагдоны банысан кодтой, алыгъуызон фӕткхӕлдты тыххӕй бӕрнмӕ кӕй ӕрбаздахтой цалдӕр адӕймаджы. Ӕхсӕнадон фӕтк фехалыны тыххӕй Цхинвалы бӕрнмӕ ӕрбаздахтой фараст адӕймаджы.

Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 189 фӕткхалды. Фондз шофыры ӕрурӕдтой автотранспорт нозтджынӕй скъӕрыны тыххӕй.

2