Хуссарирыстойнаг сӕндуцӕн компани балхӕдта 20 тонн сӕнӕфсир бынӕттон фермертӕй

Хуссарирыстойнаг сӕндуцӕн компани балхӕдта 20 тонн сӕнӕфсир бынӕттон фермертӕй

5
(ранӕуӕггонд 09:51 19.10.2020)
Тыллӕджы егъау партитӕ райстой Цхинвалы районы Арцеуы хъӕуӕй, Знауыры районы кӕцыдӕр хъӕутӕй ӕмӕ столицӕйӕ

ЦХИНВАЛ, 18 окт — Sputnik, Плиты Фатимӕ. Егъау хуссарирыстойнаг сӕнуадзӕн компани балхӕдта 20 тонн сӕнӕфсир бынӕттон фермертӕй, фехъусын кодта Sputnik компани "Иронсӕн"-ы генералон директор Алексей Цапаев.

Иууыл хуыздӕр тыллӕг ӕркодтой Цхинвал ӕмӕ Знауыры районты.

"20 тоннӕйы бӕрц райстам, цӕттӕ стӕм ноджы 50 тонн райсынмӕ. Ӕвзарæм сæнæфсир ломиаури, чинури, мцване, тавквери хуызтæ. Тыллӕджы егъау партитӕ райстам Цхинвалы районы Арцеуы хъӕуӕй, Знауыры районы кӕцыдӕр хъӕутӕй ӕмӕ столицӕйӕ",- загъта амалиуӕгдары хистӕр.

Компани "Иронсан"-ӕн ис йӕхи сӕндӕттӕ Цхинвалы районы Присы хъӕуы, фӕлӕ уый ӕмрӕнхъ исы фермертӕй дӕр сӕнӕфсир.

Сӕндуцӕн завод "Иронсӕн"-ӕн бындур ӕвӕрд ӕрцыд 2018 азы.

Ацы аз февралы мӕйы хӕлцады егъау ӕхсӕнадӕмон форум "Продэкспо"-йы Хуссар Ирыстонӕй сӕн нымад ӕрцыд хуыздӕрыл.

5
Тест

Хуссар Иры коронавирус бахӕцыд ноджы фараст адӕймагыл "Югосетпотребнадзор"

0
(ранӕуӕггонд 11:11 20.10.2020)
Хуссар Ирыстон сентябры фондзмӕйон карантины фӕстӕ Уӕрӕсеимӕ йӕ арӕн куы бакодта, уӕдӕй нырмӕ республикӕйы рабӕрӕг коронавирусӕй 215 рынчыны, пандемийы райдианӕй та ӕдӕппӕт 305

ЦХИНВАЛ, 20 окт - Sputnik, Козаты Диана. Хуссар Ирыстоны коронавирус рабӕрӕг ис ноджы фараст адӕймагӕн, фехъусын кодта Sputnik "Югосетпотребнадзор"-ы сӕргълӕууӕг Коцты Марина.

Уый адыл эпидемийы райдианӕй коронавирусӕй рынчынты нымӕй республикӕйы схызт 305 онг.

"Фӕстаг суткӕйы дӕргъы сарӕзтам 99 тесты, уыдонӕй фараст равдыстой низы уӕвынад", - загъта Коцты Марина.

Бон раздӕр ма сӕйраг санитарон дохтыр фехъусын кодта республикон скъолатӕ иууылдӕр дыууӕкъуырион карантил сӕхгӕныны тыххӕй дӕр.

Хуссар Ирыстоны фӕстаг къуыри скарз ис коронавирусимӕ уавӕр. Ивгъуыд къуыри рабӕрӕг, коронавирусӕй кӕй фӕрынчын сты президент ӕмӕ хицауады сӕрдары хӕстӕ ӕххӕстгӕнӕг, афтӕ ма хицауады уӕнгтӕй дӕр чидӕртӕ. Уыдон рахызтысты куысты сӕрмагонд режиммӕ.

0
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

10
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
10