Цхинвалы скъолатӕй иуы райдыдтой амонын китайаг ӕвзаг

Цхинвалы скъолатӕй иуы райдыдтой амонын китайаг ӕвзаг

6
(ранӕуӕггонд 09:50 19.10.2020)
Скъоладзаутӕн ацы фӕсарӕйнаг ӕвзаг амоны Уӕрӕсейы экономикӕйы уӕлдӕр скъолайы программӕ "Востоковедение"-йы рауагъдон Ӕлборты Александра, кӕцы ма ахуыры фӕстӕ та рацыд иуазон стажировкӕ Шанхайы университеты

ЦХИНВАЛ, 19 окт — Sputnik, Плиты Фатимӕ. Хуссар Ирыстоны столицӕйы скъолатӕй иуы райдыдтой ахуыр кӕнын китайаг ӕвзаг. Ахуыртӕ цӕуынц факультативты фӕлгӕтты математикон здӕхтимӕ кълӕсты ӕхсӕзӕм скъолайы.

Скъоладзаутӕн ацы фӕсарӕйнаг ӕвзаг амоны Уӕрӕсейы экономикӕйы уӕлдӕр скъолайы программӕ "Востоковедение"-йы рауагъдон Ӕлборты Александра, кӕцы ма уый фӕстӕ та рацыд иуазон ахуыртӕ Шанхайы университеты.

"7-9 математикон кълӕсты ахуырдзаутӕ аннӕ предметы ӕмрӕнхъ ахуыр кӕнынц it-технологитӕ ӕмӕ китайаг ӕвзаг. Уыдон цӕттӕ кӕнынц куыд фидӕны амалиуӕггӕнджыты, афтӕ. Сентябры ӕмбис райдыдтам ахуыр",- загъта Sputnik китайаг ӕвзаджы ахуыргӕнӕг Ӕлборты Александра.

Программӕ ӕххӕст цӕуы уӕрӕсеаг-китайаг хӕларады клубы мадзӕлтты фӕлгӕтты.

Фӕстӕдӕр та Цхинвалы фӕнд кӕнынц бакӕнын ирон-китайаг хӕларады клуб, йӕ бакӕныны хъуыддаджы ныфс ӕвӕрынц ӕхсӕзӕм скъолайы рауагъдон Санахъоты Сергейӕ, кӕцы кусы Уӕрӕсе ӕмӕ Китайы базарадон экономикон центры правленийы.

6
Коронавирус

Югосетпотребнадзоры фехъусын кодтой ног бӕрӕггӕнӕнтӕ коронавирусы фӕдыл

2
(ранӕуӕггонд 15:40 03.12.2020)
Абоны бон медикты хъусдарды бын сты 1002 адӕймаджы COVID-19 диагнозимӕ

ЦХИНВАЛ, 3 дек - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой коронавирусӕй 35 ног рынчыны, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы дӕргъы сарӕзтой 159 басгӕрсты, уыдонӕй 35 радтой ӕвӕрццаг фӕстиуӕг", - загъта Гаглойты Анна.

Афтӕ ма уый бафтыдта, зӕгъгӕ, иу суткӕмӕ медикты хыгъдӕй систой 35 адӕймаджы, дохтырты хъусдарды бын ма сты 1002 адӕймаджы.

Гаглойты Аннайы ныхӕстӕм гӕсгӕ, ӕдӕппӕт Хуссар Ирыстоны коронавирусӕй фӕрынчын сты 1846 адӕймаджы, уыдонӕй сӕнӕниз сты 844 адӕймаджы.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

2
Цхинвалы сӕвӕрдтой Юрий Гагарины цырт йӕ номыл скъолайы кӕрты

Цхинвалы сӕвӕрдтой Юрий Гагарины цырт йӕ номыл скъолайы кӕрты

2
(ранӕуӕггонд 15:00 03.12.2020)
Дыууадӕсӕм астӕуккаг скъолайӕн Юрий Гагарины ном раттыны фӕдыл скъуыддзаг рахастой 1972 азы

ЦХИНВАЛ, 3 дек - Sputnik, Хъуылымбегты Зӕлинӕ. Цхинвалы дыууадӕсӕм скъолайы кӕрты сӕвӕрдтой цырт советон тӕхӕг-космонавт Юрий Гагаринӕн, радзырдта Sputnik ахуырадон уагдоны директор Ӕрсойты Геннадий.

"Цырт сӕвӕрдтой мӕйы размӕ скъолайы территорийыл, централон бахизӕны раз", - загъта директор.

Йӕ ныхӕстӕм гӕсгӕ, сывӕллӕтты тынг цымыдис кӕны ацы цырт.

"Ӕз фарстон кӕстӕркъласонты, цы федтой ногӕй скъолайы карантины фӕстӕ, сывӕллӕттӕ уайтагъд дзуапп кодтой, уый кӕй у Юрий Гагарины цырт, кӕцыйы ном хӕссы нӕ скъола. Мӕнӕн тынг ӕхсызгон уыд, сывӕллӕттӕ уый кӕй зонынц", - бафтыдта Ӕрсойты Геннадий.

Цырты сӕвӕрынӕн скъолайы къухдариуӕгадӕн баххуыс кодта горӕты администраци.

"Нӕ фарстимӕ мах бадзырдтам горӕты администрацимӕ, сӕйраджыдӕр, администрацийы кусӕг Козаты Аланмӕ, кӕцы нын баххуыс кодта. Уый йӕхимӕ райста цырт ныззаказ кӕнын, ӕрласын ӕмӕ йӕ сӕвӕрыны фарстытӕ", - бафтыдта уый.

1972 азы Хуссар Ирыстоны комсомолы обкомы скъуыддзагӕй дыууадӕсӕм скъолайӕн радтой Юрий Гагарины ном.

2