Плиты Александр

Хуссар Иры сӕйраг реаниматолог саргъ кодта коронавирусимӕ уавӕрӕн

7
(ранӕуӕггонд 17:00 20.10.2020)
Сӕйраг проблемӕ медик хоны специалистты цухдзинад. Нырма дохтыртӕ сӕ куыстыл ӕххӕссынц, фӕлӕ рынчынтӕ куы фӕфылдӕр уой, кӕд ӕнӕниздзинад хъахъхъӕнынады системӕйы куыст зынгӕ фӕкъуыхцы уыдзӕн

ЦХИНВАЛ, 20 окт - Sputnik, Козаты Диана. Цхинвалы бирӕпрофилон медицинон центры сывӕллӕтты рынчындон дыццӕджы райдыдта исын коронавирусӕй рынчынты, фехъусын кодта Sputnik сӕйраг реаниматолог Плиты Александр.

Республикӕйы фӕстаг дыууӕ къуыри зынгӕ сбирӕ сты коронавирусӕй рынчынтӕ. Карантин конд ӕрцыд скъолаты ӕмӕ ХИПУ-йы, афтӕ ма кӕцыдӕр сабидӕтты дӕр. 

"Рынчындон нымад у 100 адӕймагыл, сӕ нымӕцы уӕззау рынчынтӕ дӕр. Пациентты, фылдӕр бӕрцӕй пневмони кӕмӕн ис, уыдон ныридӕгӕн кӕнынц инфекцион хайадӕй сывӕлӕтты рынчындонмӕ", - загъта Плиты Александр.

Дохтыры ныхӕстӕм гӕсгӕ, республикӕйы фаг ис рӕуджыты вентиляцийы аппараттӕ, ӕрмӕст нӕ фаг кӕнынц уыдоныл кусын чи арӕхсы, ахӕм специалисттӕ.

"Уыцы аппарат у фортепианойы хуызӕн, ӕнӕ специалистӕй нӕ кусы. Хъуамӕ уа реаниматологы ӕппынӕдзух хъусдарды бын. Ныридӕгнӕн нӕм ис цыппар реаниматологы, Хуыцау бахизӕт, цӕмӕй сӕ исчи фӕрынчын уа. Уӕд тынг фӕтыхсдзыстӕм", - бафтыдта уый.

Медикы ныхӕстӕм гӕсгӕ, ис хосты ӕмӕ хъахъхъӕнӕн ӕрмӕджты цухдзинад.

"Уавӕр куы февзӕрдӕр уа, кӕд уымӕ не стӕм цӕттӕ. Эпидемийы райдайӕнӕй йӕ дзурын, нӕй нӕм кадртӕ - реаниматолог, пульмонолог, эпидемиолог, инфекционист", - бахахх кодта уый.

Плиты Александр ма бафтыдта, Хуссар Ирыстоны ӕнӕниздзинад хъахъхъӕнынады министрад кӕй уадзы бадзырдтӕ Уӕрӕсеимӕ ӕххуыс ӕрӕрвитыны тыххӕй.

Уыимӕ иумӕ ма дохтыр бахахх кодта, ныридӕгӕн Хуссар Ирыстоны дохтыртӕ кӕй хос кӕнынц коронавирусӕй рынчынтӕн ӕнтыстджынӕй. Фӕлӕ уымӕ ӕнӕкӕсгӕйӕ уагдон сиддзӕн уӕрӕсейаг коллегӕты ӕххуысмӕ, уымӕ ӕмӕ "тӕссаг у, нӕхи тыхтӕй куы нӕ сфӕразӕм".

7
Мегафон

"Мегафон-Хуссар Ир"-ы директор бамбарын кодта архивон тарифты ӕргъты фӕфылдӕры аххосаг

2
(ранӕуӕггонд 11:34 28.07.2021)
Чырон бастдзинады оператор фехъусын кодта, 3 августӕй кӕцыдӕр тарифты ӕргътӕ кӕй схиздзысты 50 процентӕй фылдӕры бӕрц

ЦХИНВАЛ, 28 июл – Sputnik, Козаты Диана. Хуссар Ирыстоны чырон бастдзинады иунӕг оператор фехъусын кодта августы райдианӕй архивон тарифтыл лӕггӕдты ӕргъты фӕфылдӕры тыххӕй. 

Уыдонӕй фӕдзурыны аргъ хӕдзарон регионы "Отселеком"-ы номыртӕм схиздзӕн 1,6 соммӕ иу минутӕн. Ныртӕккӕ абонӕнттӕн иу минут телефонӕй адзурын лӕууы иу сомы. Компанийы директор Николай Фирсов радзырдта Sputnik, цӕимӕ баст у ӕргъты фӕфылдӕр, уый тыххӕй.

Директор компании Мегафон - Южная Осетия Николай Фирсов
© Sputnik / Диана Козаева
"Отселеком"-ы директор Николай Фирсов

"Кӕй зӕгъын ӕй хъӕуы, ахӕм фактортӕ, куыд инфляцийы рӕзт ӕмӕ нӕ валютон бахыгъдтӕ ӕндавынц бастдзинады ӕргътыл дӕр. Тарифон плантӕ "Отличный", "Южный", "Универсальный" ӕмӕ "Универсальный ВИП" сты ахӕм плантӕ, кӕцыты бакондӕуыд дӕсӕй фылдӕр азы размӕ бынтон ӕндӕр экономикон уавӕрты. Абон уыдон хизынц архивон категоримӕ", - радзырдта Фирсов.

Компанийы директор бамбарын кодта, зӕгъгӕ, уыдон сты ахӕм продукттӕ, кӕцытӕ нал хауынц модернизацимӕ ӕмӕ сӕм ног абонентты нал иу кӕнынц къорд технологион ӕмӕ экономикон домӕнты тыххӕй.

"Уымӕ гӕсгӕ, 3 августӕй махмӕ сӕ тыхы бацӕудзысты архивон планты ивындзинӕдтӕ. Уый тыххӕй мах закъонмӕ гӕсгӕ  развӕлгъау фехъусын кодтам нӕ абоненттӕн. Уымӕ гӕсгӕ ӕнхъарӕм ахъуыды кӕнын бирӕ хӕрзвадатдӕр тарифты тыххӕй", - загъта уый.

"Остелеком"-ы сӕргълӕууӕг банысан кодта, оператор кӕй нӕ хъавы архивон плантӕ бынтондӕр хицӕн кӕнын.

2
Гафезы уынг

Цхинвалы хай ӕртыццӕджы цалдӕр сахатмӕ баззайдзӕн ӕнӕ рухсӕй

9
(ранӕуӕггонд 09:51 28.07.2021)
Рухс нӕ уыдзӕн 16.00 сахаты онг, банысан кодтой Паддзахадон унитарон куыстуат "Энергоресурс"-ы

ЦХИНВАЛ, 28 июл — Sputnik. Хуссар Ирыстоны столицӕйы хуссар хай ӕртыццӕджы цалдӕр сахатмӕ баззайдзӕн ӕнӕ рухсӕй, фехъусын кодтой Паддзахадон унитарон куыстуат "Энергоресурс"-ы.

Электроифтонгад ахицӕн кӕндзысты Гафезы уынгыл.

"Цалцӕггӕнӕн куыстыты тыххӕй ӕртыццӕджы, 28 июлы, электроэнерги ахицӕн кӕндзысты Гафезы уынгыл 10.00 сахатӕй", - банысан кодтой "Энергоресурс"-ы

Уагдоны бафтыдтой, зӕгъгӕ, электроэнерги ратдзысты 16.00 сахатыл.

9