Хуссар Иры уадзынц ӕфсадмӕ ӕрсидт коронавирусы ныхмӕ мадзӕлттӕ ӕххӕстгӕнгӕйӕ

Хуссар Иры уадзынц ӕфсадмӕ ӕрсидт коронавирусы ныхмӕ мадзӕлттӕ ӕххӕстгӕнгӕйӕ

3
(ранӕуӕггонд 15:00 21.10.2020)
Хуссар Ирыстоны райдыдта фӕззыгон ӕрсидт ӕфсадмӕ. Ӕрсидтонтӕ цӕуынц медицинон басгӕрст ӕмӕ сӕ уый фӕстӕ арвитынц ахуырадон центрмӕ

ЦХИНВАЛ, 21 окт — Sputnik. Хуссар Ирыстоны райдыдта фӕззыгон ӕрсидтон кампани. Республикӕйы Хъахъхъӕнынады министрады пресс-службӕйы куыд фехъусын кодтой, афтӕмӕй Гарзджын тыхтӕм сидынц 18-27 азы кары ӕмбӕстӕгтӕм.

Уагдоны банысан кодтой, ӕрсидт кӕй уадзынц коронавирусон инфекцийы ныхмӕ профилактикон мадзӕлттӕ ӕххӕстгӕнгӕйӕ.

"Ӕрсидтонтӕ цӕуынц медицинон басгӕрст гарнизонон медицинон пункты базӕйыл, уый фӕстӕ сӕ арвитынц Хуссар Ирыстоны Хъахъхъӕнынады министрады ахуырадон центрмӕ", - дзырдӕуы хъусинаджы.

Пресс-службӕйы бафтыдтой, зӕгъгӕ, ахуырадон центры фӕстӕ ӕрсидтонтӕ ӕфсӕддон ард бахӕрдзысты ӕмӕ сӕ арвитдзысты Хъахъхъӕнынады министрады ахуырадон ротӕмӕ дарддӕры службӕ рацӕуыны тыххӕй.

3
Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

Хуссар Иры ӕфсады ауагътой контролон ахуыртӕ ӕхстон цӕттӕдзинадӕй

0
(ранӕуӕггонд 11:46 27.11.2020)
Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр

ЦХИНВАЛ, 27 ноя – Sputnik. Хуссар Ирыстоны хъахъхъӕнынады министрады хатцӕгон басгӕрстты нывӕзты фӕлгӕтты ацыдысты контролон ахуыртӕ ӕхстон цӕттӕдзинадӕй. Уый тыххӕй хъусын кӕны уагдоны пресс-службӕ.

Ӕфсӕддон службӕгӕнджытӕ ӕхстой штатон хӕцӕнгарзӕй хацӕн ӕмӕ хицӕн милтӕм алыгъуызон уавӕрты.

"Службӕгӕнӕгӕн индивидуалон нысан райсыны тыххӕй хынцыд цыдысты йӕ зонындзинӕдтӕ куыд теоретикон хаййӕ, цы ран сты ӕхсыны бындуртӕ ӕмӕ фӕткойтӕ, хӕцӕнгарзы материалон хай, ӕдасдзинады домӕнтӕ, афтӕ ма хӕстон ӕхсты фӕстиуджытӕ дӕр", - дзырдӕуы хъусинаджы.

Хатцӕгон басгӕрстты нывӕзты фӕлгӕтты ма ӕрӕджы ӕфсӕддонтӕн ацыдысты ахуыртӕ физикон ӕмӕ рӕнхъон цӕттӕдзинадӕй дӕр, кӕцыдӕр дӕлхайӕдты хисӕрмагонд скондимӕ та тактикон ӕмӕ сӕрмагонд цӕттӕдзинадӕй дӕр.

Контролон ахуырты нысан у ӕфсӕддон дисциплинӕйы ӕцӕгӕй ӕмвӕзад, афтӕ ма ифтонгад, ӕфсӕддон техникӕйы уавӕр рафӕлгъауын.

0
Хуссар Иры цӕрӕгӕй адавтой техникӕ 10 мин сомы бӕрц

Хуссар Иры цӕрӕгӕй адавтой техникӕ 10 мин сомы аргъ фыдгӕнӕджы ӕрурӕдтой

5
(ранӕуӕггонд 11:50 27.11.2020)
Милицийы кусджытӕ раргом кодтой хисӕрмагонд ифтоггарзы адавд. Фыдгӕнӕджы бакодтой рӕстӕгмӕдарӕн камерӕмӕ

ЦХИНВАЛ, 27 ноя - Sputnik. Ӕбӕрӕг гоймаг адавта Цхинвалы районы Бихъары хъӕуы 61-аздзыд цӕрӕджы хӕдзарӕй мобилон телефон, DVD ӕмӕ спутникон антеннӕйы ресивер.

Хуссар Ирыстоны Мидхъуыддӕгты министрады (МХМ) пресс-службӕ куыд хъусын кӕны, афтӕмӕй адавды фӕдыл Арцеуы мидхъуыддӕгты хайадмӕ бадзырдта зианбаййафӕг йӕхӕдӕг. Зианы суммӕ рацыд 10 мин сомы.

Цхинвалы районы милицийы кусджытӕ ӕвӕстиатӕй ӕрурӕдтой зӕрдӕхсайгӕйы, Знауыры районы Аунеуы хъӕуы 35-аздзыд цӕрӕджы. Нӕлгоймаг басаст йӕ фыдракӕндыл ӕмӕ йӕ бакодтой рӕстӕгмӕдарӕн камерӕмӕ.

5