Сырх дзуар

Цӕмӕй баххуыс кодта Сырх дзуары мисси Хуссар Ирӕн пандемийы рӕстӕджы 

72
(ранӕуӕггонд 12:25 23.10.2020)
Сырх дзуары радзырдтой, Хуссар Ирыстонӕн ӕххуысы хӕрдзтӕ кӕй слӕууыдысты аст милуан сомы уӕрӕсейаг ӕхцайӕ (95 мин франкы)

ЦХИНВАЛ, 23 окт — Sputnik, Плиты Фатимӕ. Хуссар Ирыстоны цыппар  структурӕйы Ӕппӕтадӕмон сырх дзуары комитеты бынӕттон мисси сифтонг кодта медицинон ӕрмӕгӕй пандемийы рӕстӕджы, фехъусын кодтой Sputnik миссийы ӕхсӕнадимӕ бастдзинады хайады. 

Уым радзырдтой, Хуссар Ирыстонӕн ӕххуысы хӕрдзтӕ кӕй слӕууыдысты аст милуан сомы уӕрӕсейаг ӕхцайӕ (95 мин франкы).

"Ацы заказ мах арӕзтам пандемийы райдайӕны, уӕд ацы ӕрмӕг нӕ уыд ссарӕн уӕрӕсейаг базары. Финансон фӕрӕзтӕ ӕмбырд ӕрцыдысты нӕ миссийы хайадты бюджеттӕй ӕмӕ Женевӕйы сӕйраг офисы хӕрдзтӕй",- загъта Тедеты Марина.

Сырх дзуары комитет балӕггад кодта Хуссар Ирыстоны ӕнӕниздзинад хъахъхъӕнынады министрад, Югосетпотребнадзор, морг ӕмӕ  ахӕстонӕн. 

"Ӕххуысы мидӕг уыд хирургон костюмтӕ, дезинфекцийы ӕрмӕг, цӕсгомӕмбӕрзӕнтӕ, бахилӕтӕ, худтӕ, къухылдарӕнтӕ,  респиратортӕ, маскӕтӕ, хъахъхъӕнӕн кӕсӕн цӕстытӕ ӕмӕ хъахъхъӕнӕн комбинезонтӕ",- бафтыдта уый. 

Мисси  ма ацы рӕстӕг радта гуманитарон ӕххуыс иунӕг карджын адӕмӕн дӕр.

"Цалынмӕ фӕндаг ӕхгӕд уыд, уӕдмӕ дӕттам гуманитарон ӕххуыс хӕлцады хызынты хуызы.  Нӕ адресанттӕ ссисты карджын адӕм, кӕцытӕ пенси исынц фӕсарӕнты. 70 азы карӕй хистӕр 370 иунӕг адӕймаджы  райстой ӕххуыс хӕлцадӕй, кӕцы сын у ӕртӕ мӕйы фаг", - загъта Тедеты Марина.

Сырх дзуары минӕвар ма банысан кодта, комитеты бынӕттон мисси ӕмгуыст кӕй кӕны республикӕйы санитарон службӕтӕ ӕмӕ ӕнӕниздзинад хъахъхъӕнынады министрадимӕ..

72
Ногазон Цхинвал

Куыд банысан кӕндзӕн Хуссар Ир Ног аз пандемийы уавӕрты

3
(ранӕуӕггонд 10:26 27.11.2020)
Коронавирусы пандемийы фӕдыл арӕнӕвӕрдтӕ республикӕйы адарддӕр кодтой 15 декабры онг. Фӕлӕ ӕрӕввахс кӕнынц ногазон бӕрӕгбонтӕ, кӕцытыл алыхатт дӕр ӕмбӕлдысты хъӕлдзӕгӕй ӕмӕ уӕрӕхӕй. Куыд сӕмбӕлдзысты ахӕм уавӕрты 2021 азыл Хуссар Ирыстоны?

ЦХИНВАЛ, 27 ноя - Sputnik, Техты Дзерассӕ. Хуссар Ирыстоны культурӕйы министры хӕстӕ ӕххӕстгӕнӕг Зассеты Жанна радзырдта Sputnik, цавӕр ногазон мадзӕлттӕ ауадздзысты республикӕйы, коронавирусы пандемийы фӕдыл арӕнӕвӕрдтӕ хынцгӕйӕ.

"Республикӕйы 15 декабры онг тобӕгонд сты культурон-хиирхӕфсӕн мадзӕлттӕ. Фӕлӕ оперштаб куы аскъуыддзаг кӕна каратнин мауал адарддӕр кӕнын, уӕд мах цӕттӕ стӕм. Куыд фӕндыйӕ дӕр бакӕндзыстӕм горӕты наз бӕлас ӕмӕ ауадздзыстӕм чысыл хиирхӕфсӕн мадзӕлттӕ, фӕлӕ уыдонӕн нӕ уыдзӕн массон характер", - загъта министрады сӕргълӕууӕг.

Фӕсивӕдон политикӕ ӕмӕ спорты комитеты сӕргълӕууӕджы хӕдивӕг Гатыгкоты Валентина куыд фехъусын кодта, афтӕмӕй та ацы аз дӕр нывӕзты ис "Афӕдзы ӕвзонг адӕймаг"-ы схорзӕх кӕныны церемони ауадзын, фӕлӕ пандемийы тыххӕй дырыс датӕ нырма бӕрӕг нӕу.

Куыд банысан кӕндзысты районтӕ?

Цхинвалы районы сӕргълӕууӕг Мамытаты Вахтангы ныхӕстӕм гӕсгӕ, бӕрӕгбонон мадзӕлттӕ ацы аз ацӕудзысты минималон программӕмӕ гӕсгӕ – сабидӕтты ӕмӕ скъолаты байуардзысты ногазон лӕвӕрттӕ.

Ленингоры районы хистӕр Мамытаты Виталий дӕр фехъусын кодта  Sputnik, зӕгъгӕ, кӕд арӕнӕвӕрдтӕ ист ӕрцӕуой, уӕд ногазон бӕрӕгбӕттӕ ацӕудзысты иннӕ ӕзты хуызӕн. Ацы аз балхӕдтой ног аппаратурӕ ӕмӕ ифтонгад, гирляндӕтӕ.

 Дзауы районы пандемийы уавӕрты ӕрмӕстдӕр бӕрӕгбонон фӕлынд скӕндзысты поселочы.

"Кӕд ӕмӕ карантин аивай, уӕд та мадзӕлттӕ ацӕудзысты куыд ӕмбӕлы, афтӕ", - загъта районы сӕргълӕууӕг Джиоты Андрей.

Хуссар Ирыстоны 15 декабры онг ис арӕнӕвӕрдтӕ, ӕхгӕд сты ахуырадон уагдӕттӕ райдиан скъолайӕ дарддӕр, тобӕгонд сты массон мадзӕлттӕ.

3
Хореографион ансамбль Зилахар

Хуссарирыстойнаг кафты ансамбль рамбылдта онлайн-конкурсы Турчы

5
(ранӕуӕггонд 16:29 26.11.2020)
Ансамблы архайджытӕ сӕххӕст кодтой ӕмӕ видеойыл ныффыстой "Хӕххон кафт", кӕцыйӕн аккаг аргъ скодта конкурсы жюри

ЦХИНВАЛ, 26 ноя - Sputnik, Хъуылымбегты Зӕлинӕ. Цхинвалы 1-аг скъолайы ансамбль "Зилахар" рамбылдта Курдиӕтты ӕхсӕнадӕмон конкурс "Времена года"-йы гран-при, кӕцы цыд онлайн-форматы Турчы. Ансамблы аивадон къухдариуӕггӕнджытӕй иу Тедеты Ацӕмӕз куыд радзырдта Sputnik, афтӕмӕй коллективы банысан кодтой номинаци "Кавказаг кафт"-ы.

"Махӕн фехъусын кодтой, Стамбулы кӕй ацӕудзӕн фестиваль ӕмӕ организаторты кӕй фӕнды, цӕмӕй дзы мах хайад райсӕм. Мах стыхстыстӕм, уымӕн ӕмӕ нӕ бон нӕ уыд сисын гъӕдджын видео, фӕлӕ нӕ ӕрсабыр кодтой, зӕгъгӕ, видеойы гъӕдӕн нӕ аргъ кӕндзысты, фӕлӕ коллектив кафт куыд арӕхстджынӕй сӕххӕст кӕндзысты, уымӕн", - загъта Ацӕмӕз.

Цыбыр ӕмгъуыдмӕ уыдон видео систой ӕмӕ йӕ арвыстой.

"Ӕнӕрхъӕцӕй ӕнхъӕлмӕ кастыстӕм нӕ ралӕуды фӕстиуӕгмӕ ӕмӕ дзы нӕ зӕрдӕ барухс", - банысан кодта къорды аивадон къухдариуӕггӕнӕг.

Конкурсы, Ацӕмӕзы ныхӕстӕм гӕсгӕ, хайад райстой 300 коллективы.

Ансамбль"Зилахар"-ы сконды ис 45 адӕймаджы, уыдон сты 9-14 азы кары. Хӕххон кафт сӕвӕрыны ма хайад райста Коцты Сергей, кӕцы у къорды аннӕ аивадон къухдариуӕггӕнӕг ӕмӕ сӕйраг балетмейстер.

5